هنا

[m!s$ sandy]

السلام عليكم

قصيدة نـبــنــي لـغـيـرنــه ونـســكــن بـالايــجــار

خـلـصــت يــاوطـــن بـــــس مـــــو سلامـات
كـحـلـنـه الـجــفــون وراحـــــت الـعــيــن

عـلــى نـــاي الـبـواچـي بيـوتـنـه تبـات
وعـلـى دفــــوف الــرمــي تــفــز الـدرابـيــن

شـكـثـر يـمــه حمـلـنـه اهـــات وجـــروح
وهـالـگـد بـاشـطــات ســيــوف الـسـنـيـن

مــــل مــنــه الـرصـيــف وســاحــة الــســوگ
وطـردتـنــه الــشــوارع والحـيـاطـيـن

بـعـنـه الـخـبـز واحـنــه بــشــدة الــجــوع
وگـلـنــه تــهــون اذا ظــلــت عالـطـحـيـن

وتـراودنــه الـنـفـس عـــن مـــدة الايـــد
وحـسـمـنـه المـشـكـلـه وگـطّـعـنـه الـيـديــن

ولبسـنـه الـعـوز ثــوب مـفـصـل افـصــال
ومـصـيـوغ عـلــه گـدنــه بـطـيـب خـاطــر

جــــوع ومــــوت حـــــد مـاتــگــدر تــگــول
خـلـصـنــه الـعــمــر نـحــفــر مـگــابــر

وجـعـنــه وبـسـطـيـنـه بــمـــاي الـعــيــون
مــحـــد يـشــتــري دمـــــوع الـنــواظــر

ومـــزاد الـجــرح صـحـنـه بـحـاجـة الـبـيــت
وبـعـنــه اقـلامـنــه وبـعـنــه الـدفـاتــر

و جگاير هاك اخذهه وشوفهه شلون
تداوي البيه جرح والگلبه حاير

وبـعـنــه ويّ الـجـگـايـر نــــار الـگـلــوب
شـكـثــر شــالــت حــمــل عــنــه الـجـگـايـر

هـيـمـه وحـــال شـجــره بـنــص الـرمــال
شـيـظــل بــالعمر والـجـايـهـه اعــصــار

نسيـنـه الشـتـه وبعـنـه هدومـنـه شـلـون؟
اجـانـه الـبــرد واحـنــه بـطــرگ الاعـمــار

خـــذت مـنــه شـكـثـر حــــرب الـتـقـاريـر
وحــــرب ذلــــه وخبـز مـنـهـن ولاصــــار

وعتيگ....عتيگ شكثر صحنـه بّيـن البيـوت
وبچه علـه احوالنـه شچـم شـارع ودار

وعــمــال اشتـغـلـنـه بــــدور الاغــــراب
نـبــنــي لـغـيـرنــه ونـســكــن بـالايــجــار

وحـمـالـيــن صــرنـــه ونـفــتــر دروب
فــــــوگ هـمـومــنــه يـحـمـلـونــه هـــمـــوم

عـمـر بالـسـوگ يـخـلـص هـــم عـمــر هـــاذ
واصـبــاغ الـشـمـس تـلـعـب بـالـرسـوم

هـســه نـگــول هـانــت والــوكــت دار
ســيــف الـشـمــس طــــاح وشــــگ الـغـيــوم

الــبــس عـالـجــرح يــاوطـــن جـلــبــاب
مـكـتـولــه الــجـــروح الــحـــدر الــهـــدوم

واحـنــه ارگـابـنـه نسـويـهـن جـســور
الـــك واصــعــد عـلـيـهـن فــــوگ الـنـجــوم.

تحياتي
ست ساندي

[EvAnEsCeNcE]

الله عليج قصيدة روعة

[m!s$ sandy]

انتي الاروع حبي
منوره الدنيا كله

[حسين الوائلي]

الللللللللللله
قصيدة رائعة سمعتها في مهرجان ا
العراق الحر
للشاعر الناصري ميثاق الهلالي
مشكووووووووورة

[Snow Girl]

عشتي
عاش اختيارج عزيزتي

[امنيتي اكون ام]

رووووعه عاشت الايادي اختي

[عراقية وكلي امل]

خـلـصـنــه الـعــمــر نـحــفــر مـگــابــر

وجـعـنــه وبـسـطـيـنـه بــمـــاي الـعــيــون
مــحـــد يـشــتــري دمـــــوع الـنــواظــر
فعلا قصيدة مؤثرة مشكورة خيتي

[Daleen]

راائعة الكلمات ساندي
شكراا لك على الاختيار
المميز

[Alaa]

ما اروع هذه القصيدة وهية تذكرني بأبيات للشاعر عبد الحسين الحلفي

بوطنة الضحكة شردت مــــــــــن الحلوك والعيدية دوم مزاعلة الايد

يجينة العيد جان ومــــــا مش اهدوم هسة هدوم عدنة وما يجي العيد

فعلا لقد غادرنا الفرح منذ سنين و سكنا بحور الحزن فتلاطمت أمواجه بين مدن العراق

شكرا لكِ مرة اخرى

[m!s$ sandy]

شكرا لمروركم الروعه

زدتم صفحتي نورا