السلام عليكم
اليوم موضوعي عن كيفية حماية ملف معين من الاختراق
وراح اشرحلكم طريقتين اول طريقة معروفة وهية اخفاء ملف بمكان معين
والطريقة الثانية هية من ابتكاري وهية تكملة للطريقة الاولى
اتمنى اتوفق بل شرح والتوفيق من الله
الطريقة الاولى
اول شي عدنا ملف اسمة درر العراق بيه صور خاصة واريد احميها من الهكر
اندوس كلك يمين على الملف ونختار منها كلمة properties
مثل ما موضح بل صورة
هسة بعد مختارينة properties
تطلع يمنة هاي القائمة
هسة انخلي علامة ( صح ) على كلمة Hidden مثل مموضح بل صورة اعلاه وندوس ok بعدها يختفي الملف
وهاي صورة للاختفاء
هسة بعد مختفة الملف نروح على قائمة start
ونبحث عن ملف Folder options كما في الصورة
بعد مندوس على كلمة folder options
تطلع يمنة قائمة وانحول من General الى كلمة view كما في الصورة
هسة نجي على القائمة
وانحول بيها شي واحد والي هو
donot show hidder files.folders.or drives
الى
show hidder files .folders .and driver
كما في الصورة
بعد مندوس على كلمة ok
انروح على مكان الملف الي سوينة عليه اخفاء باول الموضوع
راح نشوف الملف صار على شكل شفاف
كما في الصورة
ملاحظة 1: تكدر اترجع الملف يصير ظاهري تعكس الخطوات راح اشرحلها بسرعة بدون صور
كلك يمين بروبرتيز واتشيل الصح من هادين ويرجع الملف ضاهري
ولو اتريد اتخلي الملف يضل مخفي ايضا تعكس خطوات مال اظهار الملف المخفي وهمين اشرحها بسرعة
تروح على ستارت واتخلي بل سيرج كلمة فولدر اوبشن واترجع الاختيار من هادين شو فايلس الى دونوت هادين شو فايلس واتدوس اوك يرجع الملف مخفي
ملاحظة 2 : لو شفت ملفات مخفية واسمها على شكل dshjlihsd@$6545 هاي يعني عندك تورجين بل حاسبة مالتك يعني فايروسات مخفية
ملاحظة 3 : ملاحظة 2 تنطبق على كل الاقراص معدا قرص c فهنالك الكثير من الملفات المخفية الخاصة بل ويندوز واي ملف تحذفة تحتاج فرمتة
هسة نرجع لموضوعنا
طبعا الطريقة مخلصة بمجرد اخفاء الملف المهم
اكو بعض البرامج تكشف عندك ملف مخفي + اكو بعض الهكرية خرافيين يطلعوه الملف من الكاع
هنا شنسوي اندور على اكثر مكان ازدحام بل حاسبة
انروح على computer ومنها نختار قرص الخاص بل ويندوز (c) ومنها نختار windows ومنها نختار system 32
الي يسئل ويكول ليش اختاريت هل مكان الخطير
اكلة هنا اكثر مكان ازدحام والاهم هو تشابه اسماء الملفات
مثل ما في الصورة
ملاحظة قبل الصورة الي مو قوي بل حاسبة خلي يضل عل اخفاء بس اي ملف حتى لو 1kb ينمسح من system 32 كبل اتفرمت حاسبتك مبيها مجال هنا مركز الويندوز
مثل مجاي تشوفون الملفات متشابها بل اسماء
هسة نروح انغير اسم الملف الي سويناه مخفي من dorar-aliraq الى Gfxres.hu-HUS لاحظ ضفت للاسم حرف S علمود يصير الملف بعد كلمة Gfxres.hu-HU
ما اعتقد يحتاج اعلمكم تغير اسم الملف
راح اطبق الموضوع كبل بدون شرح تغير اسم الملف لين اكيد ماكو احد ميعرفة والي ميعرفة خلي ليطبق الشرح من الاول لين يضيع هع
هسة غيرنا اسم الملف الى Gfxres.hu-HUS ونقلناه الى system 32
للاسف لهنا اكو موجود بل المنتديات ولو مشارحين مثلي اني بل تفاصيل
بس لهنا مكتوب والمشكلة بل طريقة هية الملف ميصير ورا الملفات يصير ورا انواع الفولدر يعني مستفادينة شي
هسة اجي على طريقة الثانية الي اني سويتها من خلال تفكيري بل طريقة طبعا هية تكملة للطريقة الي نشرتها
طريقتي هية بختصار تغير صيغة الملف بعد تغير صيغة الملف لو يجي صاحب شركة ويندوز ميشوف ملفك واذا شافة ميكدر يفتحة
نبدا بشرح تكملة الموضوع
هسة شوفو شلون الفولدر مصار ورا الملفات يعني يكدر يكشفة الهكر
هسة شنسوي ندخل الفولدر وناخذ الملف الي داخلة وانغير صيغتة من jpg او حسب الملف الى صيغة resources هاي صيغة ملفات system 32
علمود يصير وية الملفات
هسة اتكلولي شلون انغير من صيغة jpg الى system 32
هسة اشرح الكم شلون صارت
نروح على start ونكتب بل بحث folder options
مثل ما في الصورة التالية
بعد مندوس على كلمة folder options
تطلع يمنة قائمة وانحول من General الى كلمة view كما في الصورة
هسة تطلع يمنة هاي القائمة وانشيل علامة صح من hide extensions for known file types
مثل ما موضح في الصورة
هسة انروح انشوف شكل الملفات شلون صار
شوفو الصورة بعد مندوس ok من القائمة السابقة
شوفي انضاف للفايلات كلها امتدادها
هسة شنسوي انغير من امتداد jpg الى امتداد resources علمود يتطابق مع ملفات system 32
صورة موضحة
مثل متشوفون الامتداد صار مختلف وبس انت تعرفة والملف صار بين الاف الملفات
واذا تريد اترجع الملفات بدون الصيغة ارجع اعكس الطريقة
راح اشرحها سريع بدون صور لين مجرد عكس الطريقة
اول شي تروح ستارت واتسوي بحث اوبشن فولدر وانحول من General الى كلمة view هسة تطلع يمنة القائمة وانخلي علامة صح من hide extensions for known file types
ملاحظة : علمود انت تفتح الملف لازم اترجعة لصيغتة الاصلية علمود يفتح
طبعا هاي 3 ساعات اسوي شرح
يعني 3 ايام راح اخذ استراحة ههههه
اتمنى تستفادون منة للشرح
واي واحد يحتاج شي اني حاضر
واي استفسار اني حاضر
تحياتي
رد مع اقتباس
.