اشتاق ليك
وامنى النفس ب لقياك
تبخل اقدارنا
مكتوب بالجبين
خطايا ماها خطاك
لقيانا تصبح فى الخيال
وتمسى فى الواقع محال
ربيع نضار
زاهى الجمال
خريف ترحال
الضباب حجب الرؤا
غطى المجال
يطلع نهار ويغيب نهار
للقيا طايل الانتظار
اوَسِد ذاتى طياتك
براعم ريد
بساتين ود
عبير ياسمين
اريج ريحان
زهور نديانة ب ذاتك
بخور صندل
مباخر عود
تتدثر نداك
وتتفتح سنابل الريد
واشوف عنقود
نجيمات الفرح
ضاوى فى سماك
تعود البسمة فى شفاهك
تشرق شمس افراحك
تباشير خيروفأل جديد
فى حضورك
اشتاق لك اكتر
وفى غيابك يمضى الفرح
يرحل و يهجر
افتش ل خطاك
فوق الدروب
فى صباحك فى مساك
استنشق عبيرك
وانعم بى شذاك
اسوق خطواتى ل قربك
و لمن اقترب منك
اسحب خطاى من الدرب
وعنك ارجع ابتعد
من ر يدى لك
من نفسى حتى
اخاف عليك
واخاف اكتر كمان
لو ابتعد عنك
يجور زمنك عليك
ما تلقى زول
زى ما بعزك يوم يعزك
وزى ما احتويتك يحتويك
ارحل بعيد عنك
شوقى تانى يعيدنى ليك
افتقد تيهك ودلك
اقبالك وصدك
لطفك وحنك
ومن بعيد اتخيلك
اجمل بريق فى بسمتك
احلى النغم فى ضحكتك
ارجع اقول
مين يشبهك
حتى القمر منك بغير
والجمال فى حسرة
حيران يحسدك
يا احلى واقع
ونفحة من نسمة خيال
ما بايدى وما بايدك
بيناتنا يتعذر وصال
المجال ما هو المجال
والمحال ياهو المحال
يهون عليك
ربى الكريم
يحقق امانيك و يسعدك
ومن كل شر
فى الدنيا يحميك يحفظك
بقلمى/ ود جبريل
رد مع اقتباس
المشاركة الأصلية كتبت بواسطة ياسين الجبوري
