هنا

[mr.randy]

السلام عليكم

بما اني احب المشاكل ضروري اكون احب الحوارات
اول شي اني ساكن بكندا

وسؤالي واضح ماذا لو اعطوك جنسية اي دولة مقابل الجنسية العراقية

ولنفرض اني كلولي نعطيك الجنسية الكندية مقابل الجنسية العراقية يكون ردي اي

طبعا بعض الناس يكولون انت مو وطني وانت متستاهل تكول اني عراقي وراح ارد على الي يسئل بل عقل مو بل وطنية والاندفاع ماكو واحد ميحب بلدة

وراح اعطيكم كم شغلة خلتني يكون ردي هيجي وهمين احجيلكم قصة حياتي بشكل مختصر

اول شي اني من مواليد 92

درست بل عراق ولحد محصلت هندسة كهرباء من رحت للتوضيف حالي حال اي عراقي فقير اكيد ماكو وضيفة الا بل واسطة
ابوية مواليد 51 وخدم الجيش العراقي 30 سنة من عمرة وبل اخير انطوه راتب 200 الف بل شهر
امي مواليد 55 ربة منزل
وفوك هذا كايلين ميخالف اني اشتغل بل بلوك وابوية 200 وانعيش
فوك هذا القهر يجيلك الارهابي يكول لابوية يا تدفع دفتر مساعدة للمجاهدين يا نكتل ابنك
الدفتر معدنا لازم انبيع البيت علمود ندفعة الحل الوحيد جان بيع البيت بسرعة وهرب من العراق

وطبعا بعنا البيت وهربنا للشمال ومنها لتركيا
سجلنا بل منظمات الانسانية وحصلنا كندا

طبعا وصلنا لكندا
اول موصلنا انطوني 12 ورقة الي و7 اوراق لابوية و7 لامي
علمود اندير امورنا وراتب شهري من المنظمة الانسانية لمدة سنة على كل شهر 8 اوراق الي و 6 لابوية و6 لامي

وفوك هذا بعد سنة ينطون لابوية 12 وررقة وامي 4 اوراق لين ابوية ياخذ تقاعد لين يعبر 65 سنة
واني بدون راتب لين اشتغل براتب ساعة مالتة 10 دولار كندي

وملاحظة 12 ورقة لابوية بدون ميخدم ربع ساعة الجيش الكندي ولا راح حرب ايران ولا حرب فلان ولا حرب فلان

واني لو دارس بكندا جان راتبي 40 دولار او اقل بل ساعة


بعد مقريت قصة حياتي شنو يكون رائك تختار الجنسية العراقية الي ضاع عمرنا وعمر اباهاتنا ومستقبلنا علمودها لو تختار دولة مخادمها ولا شايل حجر من الشارع تعيشك وترسملك مستقبلك
ومثل مكلت مو معناتها اني ما احب العراق بل عكس اني كلها كندا ما انطيها بحجر عراق دمي عراقي بس الواقع الموسف هو هذا
ومو بس حياتي هاي قصة حياتي الحقيقية بس اكو الاف العراقيين الي الحكومة ماكلة حقوقهم وهواية شباب مدمر مستقبلهم وهواية ناس متبهدلين بل عراق

وقبل ما انسى الجنسية والجواز الكندية اتخليني افتر العالم والجنسية والجواز العراقية متخليني اعبر العراق

تحياتي وانتظر ردودوكم واسف لين دوختكم بقصة حياتي

[star light]

كل واحد وله ضروفه اخي من نحن لكي نحكم على البشر الله يوفقك اخي

[fairy touch]

هممممممم.....
الجواب صعب ....يمكن اني شخصيتي شوية من النوع اللي اخاف من المغامرة ....و فقدان الجنسية معناها لازم تروح تعيش بمكان آخر و تكون مستعد تبدي من الصفر ..و اذا عندك عائلة و اطفال لازم تقلعهم من جذورهم ...و تخليهم يتطبعون بطباع بلد اخر و ثقافة اخرى ...شي صعب ....اعتقد جوابي هو لا ...شكرا ...رغم كل الاشياء البشعة اللي دا اشوفها هنا يومية .

[هدوء الكون]

انا لو صارلتي هجرة اريد جنسيتي تبقى وهم اريد الجنسية الاخرى

[راهب]

بعد اخووووك يمستر راندي .... شسوي هنا بيناتنة ؟؟؟؟؟؟؟؟
لعل في الموضوع سخرية من الجنسية العراقية .... ولعل ما مررت به في العراق لا يبرر لك ذلك ... ولا تعتقد انك وحدك الذي مررت به هنا ....
اعتقد ان الموضوع يثير اشمئزازاً بحيث يروق لي فعل شييء لا يروق للكثيرين ... وهو خارج اللباقة
اتمنى على الادارة التصرف به

[fairy touch]

عزيزي تراتيل ....هون عليك ....هو يطرح الامر للنقاش ...و من باب الحرية و ابداء الرأي و الرأي الاخر يحق له ذلك ... و الجنسية العراقية ليست من المقدسات ...هي شيء من حق الانسان اكتسابه كما من حقه التخلي عنه ....تحية لك .

[Jan]

آنـــــي مـــآآآ أبيع وطني و جنسيتي
بلمقابل أعيش برفـــآه في بلاد أجنبية
(عسى أن تكرهُ شيئاً فهو خيرٌ لكم)
لــو إحنا أنكون أيـــد واحد فـ مآحد
يكدر يهزنـــآ فـ العرآق أرض الطيبة
ونعيش أحلى عيشة بيهـ
شكراً ع ـالنقآش الوآفي .. دمت بخير

[غسان العراقي]

انا برأي المتواضع اعتبر القبول بترك الوطن بسبب ضرف نحن لانريد ان نغيره وراضين به هروب
الله سبحانه وتعالى يقول في محكم كتابه الكريم (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ) الرعد:11
يقول الشاعر ابو القاسم الشابي (إذا الشعب يوما أراد الحياة** فلا بد أن يستجيب القدر
ولا بد لليل أن ينجلي** ولابد للقيد أن ينكسر)
واعتقد المسالة سهلة وخصوصا نحن الان نمارس الدمقراطية ولاكن كل الذي نحتاجه نيات صادقة

[mr.randy]

كل واحد وله ضروفه اخي من نحن لكي نحكم على البشر الله يوفقك اخي

احنا مدنحكم على احد لو نحكم على احد مجنت بينكم واكيد منو احنا علمود نحكم على شخص او اشخاص موضوعي هو واقع يمر بيه اغلب العراقيين واكو مرو باكثر من هذا

هممممممم.....
الجواب صعب ....يمكن اني شخصيتي شوية من النوع اللي اخاف من المغامرة ....و فقدان الجنسية معناها لازم تروح تعيش بمكان آخر و تكون مستعد تبدي من الصفر ..و اذا عندك عائلة و اطفال لازم تقلعهم من جذورهم ...و تخليهم يتطبعون بطباع بلد اخر و ثقافة اخرى ...شي صعب ....اعتقد جوابي هو لا ...شكرا ...رغم كل الاشياء البشعة اللي دا اشوفها هنا يومية .

جوابج حلو واحترمة ربي يوفقج ويحميج انتي وعائلتج بل عراق

بعد اخووووك يمستر راندي .... شسوي هنا بيناتنة ؟؟؟؟؟؟؟؟
لعل في الموضوع سخرية من الجنسية العراقية .... ولعل ما مررت به في العراق لا يبرر لك ذلك ... ولا تعتقد انك وحدك الذي مررت به هنا ....
اعتقد ان الموضوع يثير اشمئزازاً بحيث يروق لي فعل شييء لا يروق للكثيرين ... وهو خارج اللباقة
اتمنى على الادارة التصرف به

اول شي شسوي هنا وجودي هنا اكبر اثبات لحبي للعراق
ثاني شي اني مسخرة من جنسية العراقية وهسة عندي جنسية عراقية وكندية وافتخر بجنسيتي العراقي وهمين الكندية لين حوتني وسوت مني شخص الا مستقبل
واني كتبت هاي قصة خاصة بية بنهاية الموضوع واكو قصص اقوى وناس اتضلمت وناس ماتت
وجوابج يدل على انو انتي ممارة بشي من الي مار بيه الناس وانشاء الله متمرين بس لتفكرين بس بروحج شوفي العالم الي دتموت من حواليج

انا لو صارلتي هجرة اريد جنسيتي تبقى وهم اريد الجنسية الاخرى

هههه اني عندي الاثنين بس سويت الموضوع علمود يكون الحكم بين امي الي ولدتني العراق
وحبيبتي الي كملت وياها كندا

[mr.randy]

عزيزي تراتيل ....هون عليك ....هو يطرح الامر للنقاش ...و من باب الحرية و ابداء الرأي و الرأي الاخر يحق له ذلك ... و الجنسية العراقية ليست من المقدسات ...هي شيء من حق الانسان اكتسابه كما من حقه التخلي عنه ....تحية لك .

شكرا للتوضيح للاخت اختي العزيزة ولو ما احب العراق مجنت بينكم

آنـــــي مـــآآآ أبيع وطني و جنسيتي
بلمقابل أعيش برفـــآه في بلاد أجنبية
(عسى أن تكرهُ شيئاً فهو خيرٌ لكم)
لــو إحنا أنكون أيـــد واحد فـ مآحد
يكدر يهزنـــآ فـ العرآق أرض الطيبة
ونعيش أحلى عيشة بيهـ
شكراً ع ـالنقآش الوآفي .. دمت بخير

صحيح اختي بس وين الي ينفذ خلص عمرنا انكول باجر وعكبة يعدل الوضع
انشاء الله يعدل بس الى متى كليلة واحد من جيل 86 الى 2013 عندة مستقبل الكل متدمرين وشكرا لرائج تحياتي

انا برأي المتواضع اعتبر القبول بترك الوطن بسبب ضرف نحن لانريد ان نغيره وراضين به هروب
الله سبحانه وتعالى يقول في محكم كتابه الكريم (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ) الرعد:11
يقول الشاعر ابو القاسم الشابي (إذا الشعب يوما أراد الحياة** فلا بد أن يستجيب القدر
ولا بد لليل أن ينجلي** ولابد للقيد أن ينكسر)
واعتقد المسالة سهلة وخصوصا نحن الان نمارس الدمقراطية ولاكن كل الذي نحتاجه نيات صادقة

شكرا اخوية رد رائع وربي يوفقك