جمیل او مـــا شِفت شفــــه کشفته
او جسمي إبلا وعي إگباله کشفته
حضنته او من ضگت شفته کشفته
حلم و وسادتي هیه إلبدیه
عیسی إلشرهاني
وحگ گمــــــر إلذي ایلالي بلیله
سنـیـنـي اویاک أعـدَنهــــن بلیله
مثل قیس إلفگــــــد عگلـــه بلیله
إفگدِت عگلي دگلي إشلون بیه
مرتضی إلنیسي
إلخلیلي إلراد یصعد صرت سلم
او علی حین إرتفع ما یوم سلم
ما أدري إبدلیلـــي إشفتک سلم
غَدِر خلي إلرفعته او گطع بیه
محمّد ابو عمّار إلحزباوي
ظـیــم او بلـــبـلــــه اودادک بلهواک
او عجب ما عوف کل حبک بلهواک
چیف أصبــر و لا أصبــــــر بلهواک
هواک أهوه إلیثبت إلروح بیه
سعید إلکاظم إهلیچي
أطــــــوف إبکعبة إوداک وظل حای
او علیک إللیل ما غمضه وظل حای
تظن بجفاک ساعـــه أبگه وظل حای
ثواني إجفاک عزرائیل لیه
عادل خلف إلساري
من هجرک یصاح إلحیل سلما
یعین او ناظري إلفرگاک سلما
إذا مــــرک برید إلشوگ سلما
حالي ویخبرک بل صار بیه
سید ناصر
مشـــه ظعــــن إلأوده إلبیـه ولفي
عگب ناهــــي أنس یاصوب ولفي
أظل عایش إبشمس إلشوگ ولفي
إلک ثابت او یگضي إلرمق بیه
فاروق زرگاني
ثِق بس جسد فوگ إلگاع ظل لیت
او عـــافــوني إلعلیهم دوم ظل لیت
أتمنه إلشوف ماکف یخی ظل لیت
و أشوفنهم إذا مرو علیه
عادل خلف إلساري
بسک لا تـــگول انساک بسلاک
الغیرک ما یصیر الگلب بسلاک
لوَن بیــــدی ادیر البیت بسلاک
وخلــــیلک حرس تضرب تحیه
لفته ابوسعد الحموداوی
رد مع اقتباس
المشاركة الأصلية كتبت بواسطة زهرة اللوتس
