من السبعه اللذين يظلهم الله فى ظله يوم لا ظل الا ظله .. رجل تصدق بصدقة فأخفاها حتى لا تعلم شماله ما تنفق يمينه . واليوم نرى على شاشات التلفاز المحتاجين كيف يذلون !!!! وكذلك السياسيين كيف يتصدقون علىيهم والصور تنهال على المسؤول وووووو الى متى نبقى بهذه العقلية الضيقة وما الهدف من وراء ذلك هل ارضاء الله تعالى؟؟؟؟ ام ارضاء الناس!!!! ولكم التعليق اخوتي الاحبـــــــــــــــــــة .
وربي اليوم كنت اتناقش بهذا الموضوع بالذات اليوم
مو بس السايسين حته القنوات الاعلاميه
اي اذا انته اتساعد اله تطلع وتسوي لقاء ولازم المسكين يكول نشكر القناة ومديرها وكادرها و...........
وتطلع عايلته خو ماكو شي صدك جذب الفقير يصير اداة للتسويق الاعلامي عود شنو احنه خوش قناة
وابو المثل يكول
سوي زين وذب بالشط
والله اعلم بالنوايا
تسلم اخوي عاشت ايدك عالموضوع
اعتقد مابيه اي شي
اخوي كلامك كله صحيح واجه بوقته دائماً اسولف بهذا الموضوع
الصدقه اكو صدقه متبوعه بالمن والاذى واسماع الكلام الجارح لكن هذه الصدقه لاتكتب عند الله الصدقه الحقيقيه تكون بين الفقير والمتصدق عليه بعد الاعلام شنو موقعه ويطلعون العوائل والله عيب عليهم مع العلم اني مااحب اشوف هيج برامج لان انقهر من ناحيتين من الفقير ومن طريقه الصدقه
والصدقه لرضا ارب العالمين قبل ماتكون رضاء للناس
بس اخوي عذرهم موجود يكولون احنه من ننطي نحسس غيرنه ونعلمهم ع فعل الخير حتى ينطون بس هذا مو عذر
الله اعلم بالنيات
بس مبينه شنو قصدهم احنه خوش قناه
الله يكون بعون الفقير والينطي الفقير لايمن عليه لان المال مال الله
اتو الفقير حقه مما اعطاكم الله
اعذرني ع الاطاله اخي
شكراً ع هذا الموضوع المهم يستحق النقاش
بصراحه خويه هذا موضوع يقهرني شخصا حتى صايره بي حاله لمن اكلب بمحطات التلفزيون اوصل القنوات العراقيه يتكطع كلبي نسوان تبجي ماعدها تاكل وحتى زلم تبجي تريد لكمه لجهاله ماكو وشباب تريد تكمل النصف الاخر لدينهم ماعدهم مأوى ............وهذا كله ونسمع ويكولون بلد الخيرات والنفط
لعنة الله عل كل ظالم يأكل حق غيره
وبلنسبه لبعض القنوات تبث تبرعها احسن حتى الدول اتشوف الدوله مقصره وعامة الناس تساعد بينما الحكومه في نظري اصلا ما كاعد تقدم شيء للمواطن وعيب من يساعدون (ابره في بحر) من الناس يعلنوا الحياء انعدم عدهم
اسفه عل الاطاله مشكور
شكرا اخي على الموضوع ...
فعلا هذا ما نشاهد في كل مكان ..يتباها في ما اعطى ..والحال هكذا لبعض الاطفال ..
اين نصيب هولاء الفقراء ..اليس نصيبهم من مال الاغنيا ء[IMG][/IMG]
هاي دعاية اعلامية
وليس رأفة بحال الفقير
رد مع اقتباس