هنا

[Samer]

هههههه دكايك لطيفة .. و اكو بيهن مرعبة مثل دكة لفتة

الدكايك هواي، جنت ابد ما اكعد راحة تتراوح بين تخريب الاجهزة (لغرض تصلحيها او التعرف على محتوياتها) إلى دكايك أخرى غاية بالغباء او الذكاء هع ، عموما وحدة من الدكايك اللي سويتها بالابتدائية .. حبيت بنية و حبتني بالخامس ابتدائي (وياي بنفس الشعبة) و جنا نتبادل الرسائل الغرامية الورقية البسيطة عاااااااااااااااااااااااا اااااا

[Mujtaba Xavi]

كانعد والدي سواعق ما متفجرات ولعبت بيهن وشمرتهن با التنروور ونفجرن خرب

[fairy touch]

حادثة صارت كان عمري يمكن اربع سنين ...بس اتذكرها ولا انساها ....
كان بيت جدي بالكرادة و كنا يمهم فد يوم و الدنيا مسا ....طلعوا خالتي و امي للسوق و اخذوني و ياهم ...طبعا من يومها سوق الكرادة ازدحام ...اني كان عندي ولع ابقى امشي وية خالتي ...همة وكَفوا يشترون فد شي ...و الناس هوسة ...اني شفت مرية تحركت من المكان ع بالي خالتي مشت ...مشيت وراها و تركت امي ...و ظلت تمشي سريع و اني دا احاول الحكَ بيها ...هي تمشي و اني امشي ...تالي وصلت يمها عرفت هذي مو خالتي !!!.....بس كنت فعلا ماشية مسافة كلش هواية ...
ع بالكم بجيت لأن ضيعت اهلي ؟..ابد ...ظليت امشي كالاسد ..تجاه بيت جدي ...طبعا الطريق بالكرادة داخل كله عدل ...مشيت حوالي ثلث ساعة الى ان وصلت لفرعهم و بديت اركض لأن الدنيا ظلمة ....تالي من وصلت يم الباب انجبحت و بجيت ...هههه...طبيت وتلكتني بيبيتي و هي تبجي لأن كانوا بيت خالتي مخابريهم و كَايليلهم الصغيرة ضاعت بالسوكَ....

المهم همزين ما اتذكر اللي صار بأمي ...أو بالاحرى ما كنت حاضرة حتى اشوف رد فعلها بالسوق من شافتني ماكو ...ههه

[أبو ملاك]

بعدني جديد يمكم ..مو هسه نسولف على الدكايك ههههه

[المحامي احمد التميمي]

اني مسوي مصايب مو دكايك , ايام المتوسطة جانت عندي بزونة مزعجة مصادقتني واني اكرههة , كل شوية الكاها يمي رافعة ذيلها وتتحسس برجلية واني شارد منها , فد يوم اقرا بالسطح العصر و اجت , عاد دبرتلها مكيدة , شمرتها من السطح على حوش الجيران (ما ادري بيهم كاعدين ), وهمة جانو كاعدين لمه عائلية جميلة على مائدة عصرية , وما اسمعلك بس الكزاز يتكسر والعياط مال الجهال والنسوان كاب, عبالهم البزونة هجمت على المائدة ... يعني ما اجا بباهلم هية انشمرت ههههههه و ولليوم ما مصارحهم بالجريمة هع

[شــانـاز]

اني جنت فقيرة كلش لدرجة انو كلما اهلي يتغدون او يتعشون يجون يكولون انتي ماتاكلين شي جنت اكول اي واروح اكل لو مايكولون ابقى جوعانه

بس بعدما كبرت طبعا كل الناس تتغير
جنا بالمعهد صديقتي كالت هاي بنت خالتي بارحة اجت لبيتنا وكامت تحجي عليه وعليج وتكول انتي صرتي صديقتها وبعد ما تعرفيني ولو مو اني لا انتي ولا هيه ماتعرفون تشترون شي بالسوك لانكم بس عدكم باص ياخذكم ويجيبكم للمعهد
اني وصديقتي اخذنا تكسي وعزمنا بنت خالتها كلنا نروح مشوار سوى رحنا حتى صارت مغرب ورجعنا وتركنا البنت لوحدها هناك والمسافة بسيارة اكثر من ربع ساعه

[المثال الطيب]

من كنت ثاني متوسط اطلع من الدوام اروح للمدرسة اللي بصفنه واضرب برميل الزباله واطشرة بالكاع

واروح للفراشة(الخادمة)بالمدرسة كانت سمراء وسمينه كلش فكنت اكوله انتي فراشة لو خنفسانه طبعا هاي يومية اسويه هذا العمل

[المثال الطيب]

وكنت اذا اروح وي اصدقائي للشط نسبح اطلع اول واحد من الشط واخذ ملابسهم واروح

طبعا هاي قبل الثالث متوسط بعدها تغير حالي 180 درجة والحمدلله من فضل ربي

[هاشم علي]

بصراحه أنا كنت اهريب من المدرسه
وأذهب الى الزوراء هععهعههعهعهععههعهعهعهعهعه عهع

[star light]

شكرا لمروركم الجميل خخخخخخخخخخخ هذه مودكات هذه مصايب+كوارث ههههههههههههههههههه