هنا

[ناصر اسماعيل الموزاني]

{قصيدة الفقراء}
....
ياسّيد .....النشاله......
ترضيك هاي الحاله
العيشه أبد ما تنحمل
مرات من نلكَه شغل
نشتعل بالعماله
.........
ياسّيد..... النشاله
ترضيك هاي الحاله
...
جربت ابيع... أبچمبر
ما فادني وكَمت اخسر
جربت كل... الاشغال
أحسن وضيفه الحمال
متوفره كل اشغاله
......
ياسّيد .......النشاله
ترضيك هاي الحاله
....
خريج مالاكَي عمل
ميت وموتني الامل
أبكل الدوائر... دورة
أبعيشتي والله احترت
مضطر ألّم أبطاله
.....
ياسّيد..... النشاله
ترضيك هاي الحاله
..
يرضيك ياسيد سين
أشتغل عامل بالطين
الحيل مابعد.... يعين
والعمر عدّه السبعين
هذا الزمن وافعاله
....
ياسيّد ......النشاله
ترضيك هاي الحاله
...
يرضيك ياشيخ الوطن
ساكن وماعندي سكن
أبيجار وبحي التنك
أنتبه ليدور.. الفلك
وتدور بيك احواله
....
ياسيّد...... النشاله
ترضيك هاي الحاله
...
واحد معوق عازب
لا شغله ولا راتب
أشلون بالعنده أطفال
شيسوي بهاي الحال
ينّشر ع البطاله
...
ياسيّد..... النشاله
ترضيك هاي الحاله
.....
واحد مريض بلا عقل
والناس تبعثله... أكل
عالاقل خل.. أناويه
بدار الرعايه نخليه
وهواي شفت امثاله
....
ياسّيد.......النشاله
ترضيك هاي الحاله
....
الحال حالي مخنوگ
فتحت بسطيه ابسوگ
الشرطه أجو طردوني
بالعيشه ما.. رحموني
السين هاي أفعاله
....
ياسيّد..... النشاله
ترضيك هاي الحاله
.....
شفت أرمله أم لثنين
أطفالها..... تعبانين
الغرفه سياره.. كشف
من تمطر يخر السكف
التعبان ياهو بحاله
....
ياسيّد...... النشاله
ترضيك هاي الحاله
...
راح الزمان السابق
جانه الزمان اللآحق
تغيّير شفنه.. تغيّير
لكن بعد بيه تقصير
ضد الوطن وعياله
....
..ياسيّد.... النشاله
ترضيك هاي الحاله
.....
كلمات
ناصر اسماعيل الموزاني

[كبريائي قاهرهم]

ليس لديّ سوى التصفيق
ردا على روعة هذه الكلمات
وعلى هذه الحروف المُختارة بكل عناية ودقة
لوصف حالة متواجدة في مجتمع كثر فيه الظلم
شكرا بحجم السماء اخي العزيز
نترقب جديدك القادم بشوق ولهفة
ودي وفائق تقديري مع الاحترام

[عازفة الامل]

شكرااااااااا لك عاشت الايادي ... كلمات مؤلمة .. نتمنى ان يتغير الحال نحو الافضل ..

[عذب المشاعر]

[اسرار بلا عنوان]

احسنت عزيزي
رائعة جدا
لروحك الورد

[لوءلوءة 7081 السماء]

الله عليك يا خويه قصيده مؤلمه جدا تعبر عن حال الشباب ........الكلمات تحمل احساس العذاب والالم والضيقة الي يمر بيها أغلب شباب العراق ........
اطلب من الله يغيرالحال بهداية كل المسؤلين لخدمة الشعب من صغيره لجبيره ويفتح بيبان رزقه لكل الشباب الطيبين(عاشت ايدك)