خاص بابوذيات حسين الساعدي
خوه خوه!!
حسين الساعدي
×××
تعب جدمي اويه حيلي خوه خوه
وراسي إمن المصايب خوه خوه
الخوه صدك جانت خوه خوه
وهسه المصلحه اتلمنه سويه!
ااالساعدي
لأنك طيب الشاهِدَك حَبك
وِيخَضر وفه وأحساس حَبك
إذا خَيرتك أنه ابين حُبك
وبين الصاحب اشردك عليه!
؟؟؟؟؟؟؟؟؟؟؟
لو افترق الطريق بين الحبيب وبين الصديق
مع من ستذهب!!
أجب بصراحه
ببيت ابو ذيه جديد على هذا الموضوع
جواب جديد مباشررررررر بخصوص هذا الموضوع
وان شاء الله يجيك ايها الرائع بجواب جديد مباشررر
لا للقديم
لا للمنقول
رجاءاااااااااااااااا
ورمضاك كرررررررررررريم
والدعوه عامه لجميع الشعراء
تحيات
حسين الساعدي
=
الشاعر حسين الساعدي
أنه اختار الوفي الماخان وَياي
عله غيضي أشوفه نار وَياي
كل عمره المضه واليوم ول ياي
أحسنه وَفي وما بيَ رديه
==
==
الشاعر حسين الساعدي
إذا للحيره وكتك يوم وَداك
شوف ابلا طمع يابشر وَداك
دواك ايصير عد الوفي وَداك
يطيب ابساع من روحه النقيه
==
الشاعر حسين الساعدي
زمانك من يحيرك اخذ خِيره
تراه اللي استشار ايشوف خيره
ما زال النفس بالجود خَيره
إذنً لتهاب كلشي ابصافي نيه
==
الشاعر حسين الساعدي
الما بيه خير لأهله لا تخيره
وبهذا الامر كلبك لا تَخيره
وبس لا الشهاده لاته خَيره
لأن لا لاهَ بس رب البريه
==
الشاعر حسين الساعدي
اخذ من خطوتك للزين شَمره
والموزين من الكلب شمره
بعد من هالمراره اشتظن شَمره!
صديقك لو حبيبك صعبه هيه
==
الشاعر حسين الساعدي
سبيل الماي وزعته ولا حب
ولا حنطه البقت عندي ولا حَب
قسمت انوب ما اعاشر ولا أحب
لأن حُبي اوصديقي اكطعوا بيه
==
الشاعر حسين الساعدي
رد يالعبدلي ابخت اهلي وأصلي
كلبك شرد من عندك وصَلي
لكاني الربي متوجه وَأصَلي
جنت أدعيلك ابذيج المسيه
==
الشاعر حسين الساعدي
اعتبر للزين والشر ماله عبره
هذا الشط شرط بس نفر عَبره
صديقك لو حَبيبك واخذ عِبره
من هذا الزمن كله أذيه
==
الشاعر حسين الساعدي
شَرد كلبك عليه اشلون شَرده
حرت يمك ابيا صوره شَرِدِه
بعد من هالامر بس كول شَرده
إشتخسر مُحب لو صاحب شفيه
==
الشاعر حسين الساعدي
أنه الحيرني وكتي ابين شَخصين
وأشخص ياهو من اثنين شَخصنً
ابمواقفهم افكاري اليوم شخصن
ياهو الضوه من ظلمت عليه
==
الشاعر حسين الساعدي
كلبك عن صديقك ماتخله
ولبو الطيبات زله ما تِخِله
صعب لو شفت واحد ماتَ خِله
أظن من عافه راوه المنيه
-
الشاعر حسين الساعدي
تختار الأهم والمهم منهم
ومنو همه الوفو بالضيج من هُم!
ماتخله الحياة ابيوم من هَم
أدعي الشدتك صبح اومسيه
--
-
كلبي وبيش أهوده لو تهده
لحسين اويه حيلي لو تهده
تاج الراس
ما ينقاس
هالاحساس
هو الساس
والنبراس
فدوه الناس
والعباس
لحسين اويه دمعي لو تهده
أظن يوصل الطف الغاضريه
االساعدي
--
حسين الساعدي
صَديقك لو تقدره —لا تعيره
ثكيل واله وزنه——لا تعيره
وِإذا ذيب استعاره—لا تعِيره
تمسك بالوفي لو للمنيه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
3)الشاعر حسين الساعدي
النصيحه واضحه كلش وبيَنه
المفرروض اتصير ما بينك وَبَينه
احنه الغلط من عدنه وبينه
تركنه العشره ذيج الأوليه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
5)الشاعر حسين الساعدي
أبد ما تكله غيره لو تهده
وترى الانسان يربح لو تهده
وترى سور الصداقه لو تهده
تخسر كل وَفي وروحه حميه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
7)الشاعر حسين الساعدي
مو كلهه سوى ربعك ولا هَم
بيهم يمك الغيرك ولاهم
ويركضولك لَون هالهم وِلاهم
هذوله اصحاب غايه ودنيويه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”"
9)الشاعر حسين الساعدي
اخذ كلبي ابهوى الطيبيين شرحه
وَفي ولو شرح للصحبان شرحه
حيل انشرح كون اتشوف شرحه
من سَر الصديق ابكل قضيه
“”"”"”"”"”"”"”"”"”"”"”"” "”"”"”"”"”"
“”"”"”"”"”"”"”"”"”"”"”"” "”"”"”"”"”
11)الشاعر حسين الساعدي
روحي إبملكة المحتاج فرهه
لون حالته الصوب العسر فرهه
وإذا اترهيت بلتمكينفرهه
بس لتعير ابهاي القضيه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
13)الشاعر حسين الساعدي
إذا وصلت هديه ابيوم منك
أبد لا تمن بيها عيب مَنك
تمنيت الستر وانطاك مَنك
واستره اللي طلب منك عطيه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
15)الشاعر حسين الساعدي
يسرهه الكريم ابخير يسراي
وما أدري اشوكت بالنعش يَسراي
باليمنه أنطي أبد ما تدري يَسراي
هَم عزه وثواب اتصير اليه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
17)الشاعر حسين الساعدي
ابشهر رمضان ربك منته شهره
وسيف الجشع تخسر من تشهره
الحاير لو انطيته من تشهره
اشهرت روحك وجبتلهه الاذيه
“”"”"”"”"”"”"”"”"”"”"”"” "”"”"”"”"”
“”"”"”"”"”"”"”"”"”"”"”"” "”"”"”"”"”
19)الشاعر حسين الساعدي
تنهشن ليش بالطيبين ينياب
وليش الزين بالموزين ينياب
عقلي الجان ثابت شوف يَن ياب
ابسبب من جازوا الطيبه ابرديه
حسين الساعدي
- السؤال الثاني
- مساجله بالأبوذيه
- كل يوم سؤال جديد
- من حسين الساعدي
- السؤال الثاني
- الدنيه اتجيب وبكل يوم نِفسه
ويكولون اليحب ايضحي نَفسه
وابنك غِرك كوه ويجر نفسه
اشتنقذه وللسبح مالك هَويه
؟؟؟؟؟؟؟؟ - المطلوب
جواب جديد مباشرر بخصوص هذا الموضوع
وان شاء الله يجيك ايها الرائع بجواب جديد مباشررر
لا للقديم لا للمنقول رجاءا
ورمضاك كررريم
والدعوه عامه لجميع الشعراء
تحيات
الشاعر حسين الساعدي
أويلي انته اشكثر صَلفه يعينك
تكول ارجيج تنطر من يعينك
ادعي الله مثل موسى يعَينك
وتشق البحر وبهل بليه
الشاعر حسين الساعدي
أطب للبحر لو بالموت مالي
وأنه ابذيج الرزيه عقل مالي
هذا ابني الكلب والكلب مالي
وإذا ما انقذه نتشابك سويه
الشاعر حسين الساعدي
البحر ياما خمد أنفاس منه
رَغم كل خير هذا الوصل منه
أبنك لو تنقذه ابغير منه
لو روحك تقدمله هَديه
الشاعر حسين الساعدي
الدنيا إمن المصايب عيب تخله
الِتصيبه عله الهمه تخله
منو المثلي العله ابنه تخله
وعافه ابنص بحر ويه المنيه
الشاعر حسين الساعدي
لأن جان اعتقادك سمح وابناك
عجن بيك الدهر بلقهر وابناك
وحته البحر ضدك صار وابناك
تشوفه وما تنقذه إمن المنيه
الشاعر حسين الساعدي
غرك دجله ابهموم الناس هَمه
لان ما لاكي بلتنظيف هِمه
هُمه الصوج منهم بعد هُمه
ناسه العافته ابهاي الرزيه
الشاعر حسين الساعدي
ضَل عت بالأمل للموت عت بَه
وكل بيت الإله بحضوض عتبه
كون البلم عنده اوياك عَتبه
يغدرك بالبحر مو بالثنيه
الشاعر حسين الساعدي
اكيد الروح وبهل وضع هامت
لان كلنه نطخ للموت هامات
اشمدرينه الغرك ها عدل ها مات
المهم نسعى وأكو رب للبريه- ا
- الشاعر حسين الساعدي
العبد اللات ندري لاته غَمه
وترى المجنون دنياه لا تغِمه
يصاحب واليودع لا تغُمه
غُم الوكت دكاته رِديه
الشاعر حسين الساعدي
غرك شفته وإالي بالأيد يوماي
عجب كلب البحر من صخر يوماي
خله اسود عليه ايصير يوماي
خذه الغالي وبعد ما منه جيه
--------------------------
مضانية للشاعر حسين الساعدي وشعراء اخرون
3
السؤال الثالث
مساجله بالأبوذيه
كل يوم سؤال جديد
من حسين الساعدي
السؤال الثالث
دَخَلَك عله هالحاله دِخَلك
اخوك وراس مالك هوَ دَخلك
وإذا جَتال اخوك الصاح دَخ لَك
دخيلك صاح مايدريك اخيه
؟؟؟؟؟؟؟؟؟؟
المطلوب
اكتب مشاعرك ببيت ابوذيه لتلك الحاله
جواب جديد مباشررررررر بخصوص هذا الموضوع
وان شاء الله يجيك ايها الرائع بجواب جديد مباشررر
لا للقديم لا للمنقول رجاءاااااااااااااااا
ورمضاك كرررررررررررريم
والدعوه عامه لجميع الشعراء
تحيات
حسين الساعدي
=
الشاعر حسين الساعدي
يروحي عله الثار اليوم بيدي
اجه جتال اخوي وصار بيدي
لَون بيتي يصير الان بيداي
يصير الثار وَكته ابهل قَضيه
=
الشاعر حسين الساعدي
اله جيلاتي من الغيض ثارت
وروحي للدخيل اليوم ثارت
نسيت انه أطلبه اهوي ثارت
لانه ادخيل اجه ويتحامه بيه
=
الشاعر حسين الساعدي
عله جتله قبل ساعات حامي
وهسه انته صرتله انوب حامي
ابجيلاتك تفكتك كوم حَمي
دخيلك عدو بس روحك أبيه
=
الشاعر حسين الساعدي
جم واحد ابواحد ماتَ خله
لكن عن حميته ماتخله
عدوك دخل عندك ما تخله
بيد اعداه وتضوكه المنيه
خ
الشاعر حسين الساعدي
نوبات الاحكام اتسير بينه
نحكم عكس رغم الحجه بَينه
بَين معدنك للناس بينه
وتحامي دخيلك للمنيه
-
ضهري ابطعنة الصحبان ما مال
وحملي اشما يزيد اوياي مامال
ويا ماال الكلب محتام مامال!
ويحن الهم رغم كل الأذيه
ااالساعدي
-
-
سواعد وأحنه بلطيب سعدنه
وطير السعد يتسمه سعدنه
وسهل الساعدي الجازه سعدنه
بمجازه سبايا الغاضريه
ااالساعدي
-
يدمعه اتبسطي ابخدي وربعي
أنه العافوني كل أهلي وربعي
وربع دينار ضلالي وربعي!!
وبعجة هوه وطار إمنديه
ااالساعدي
-
-
إذا الدخان يطلعلك وجالك
سبب كلبك ابنيرانه وَجالك
اجروحك يربن ابعزك وجالك
ويتحمن عله نارك سويه
ااالساعدي
-
بسمراني!!
حسين الساعدي
،،،،،،،،
دخت باللونه خَمري بسمراني
ومن شفته ابمكاني بسمراني
كلتله مر عليه وبس مَراني
سلمته الكلب بثنين اديه
ااالساعدي
-
-
أمر يتوسع ابروحك وامر ضاك
وأمر يتلاعب ابزعلك ومرضاك
ابحث عن سبب علتك ومرضاك
قبل لتلوحك اجفوف المنيه
ااالساعدي
-
وَهَم بيك!!
حسين الساعدي
؛؛؛
من أوهام هالدنيا وهَم بيك
وتهم ابغيري أشوفنك وهم بيك
وهَم بيك الزعل والشك وهَم بيك
طبع ما ينحمل كلش أذيه
االساعدي
-
-
دَور بلسلف وادم وجاهه
تره الطَالب نضر روحك وجاهه
وحضر ناره ولجتلك وجاهه
وعلاسك قريب ابهل قضيه
ااالساعدي
----------------------
زلزال!!
حسين الساعدي
؛؛؛؛
إعذره الساني بلزلات زل زال
وزلت كل عاذل ابملكاك زل زال
يل هجرك مصيبه ومثل زلزال
السابع منطقه وهدهن سويه
االساعدي
-
اجروحك كلفه ماظن يوم تلام
ومعفي إمن الملامه اشلون تلام
وطحت وتفرهدت ماظنتي تلام
وأعز الناس راووك الأذيه
االساعدي
-
ربعك زين من ضلوا ربعهم
وعدهم ربع ونطولك ربعهم
لا ربعي البقولي لا ربعهم
ولا واحد بقه ويسئل عليه
ااالساعدي
-
رايد موعضه ابهل يوم عضني
والجوعان عض اللحم عض ني
إذا عندك جلب والجلب عضني
العتب مو عالجلب علجابه اليه
ااالساعدي
-
-
تلكه اللي على راسه ربع شال
وتلكه ربع ماتسوه ربع شال!!
وببيهم شالها وبيهم ربع شال
وبيهم صَيح ابهايه اشعليه!!
ااالساعدي
-
-
عله الطيبيين صار اليوم همنه
وكتبنه اشعار بلاشعار همنه
ومهمومين محد عرف همنه
صفت كلمن يكول أنه اشعليه!
ااالساعدي
-
وانته منهم!
حسين الساعدي
××××
ولو لو يون كلبك ونته منهم
اخوتك ذول اخوتك وانته منهم
ولو منو ابحبهم وانته منهم
ابحليب الوالده الضكتوه سويه
ااالساعدي
-0-
بكيت اتسولف الوحدك تهمهم
واخوتهم مهما تجهلهم تهم هُم
هم اتهم عله روحك و تهم هم
عله اخوانك اشما راووك أذيه
ااالساعدي
اليحبك بيك يهتم وانته همه
لان شافاك نخوه وانته همه
أنه وهاي ناسك وانته همه
ما ننسه الوفي وراعي الحميه
ااالساعدي
-
همنه!!
حسين الساعدي
÷÷÷÷
عله الطيبيين صار اليوم همنه
وكتبنه اشعار بلاشعار همنه
ومهمومين محد عرف همنه
صفت كلمن يكول أنه اشعليه!
ااالساعدي
-
أنته مامحتاج وتدور شمع
انته شمعه وبلكروب امنوره
ياحساني ونطبع بينه الطبع
عنك وطيبتك عدنه امصوره
االساعدي
______________
-
الساني بلحجي وياك مازال
وجدمي الغير دربك يوم مازال
مازال الكلب يهواك مازال
لأنك طيب وكلك حميه
ااالساعدي
_________________
العسره اتصير الك سهله ويسره
والك أنه أفتدي اليمنه ويسره
والك ظعن الألك ينوي ويسره
ولا تبقه وحيد ابهل ثنيه
ااالساعدي
________________
ماخسران
كلمن يشتري الخِوان!
واليتعنه للطيبيين!
صَدك هذا خوش انسان
ماخسران
ومازال الجرح نيشان!
ومازال الزمن خَوان!
ومازال النوايا الوان!!
ومازال الدرب عنوان!
لازم تنتقي الصحبان
ماخسران!
وترك لدغة الثعبان
وحذر لدغة الأنسان
جرب ياعظيم الشان!
جرب وستفز الجان!!
ونظر ثورة البركان!
ماخسران
والغيرة صكر ماهان
حارس بيتك ابوجدان
وجنحانك على الجيران
وأذا ماصنت جيرانك!
حرام ابحقك الجنحان!
وإذا ما فدت صحبانك!
لا تستنظر الأحسان!
وإذا ماتلم خوانك
تضل ابذلة الحيران!
وإذا ما ظبط سكانك!
لا تعتب عله السكران!
جرب وبتشر يفلان!
ماخسران!!
ااالساعدي
_________________
من يا ناس طلعنه بيانك
أشوفك مهتم وعاجل بيانك
نكك يختلف داخل بيا نك!
وأشمن بيك طيب الناصريه
االساعدي
___________
أبقه ابشعري ضاوي والمع اني
وخذ مني القوافي والمعاني
وأحن للي يقاسي والمعاني
أعاني اوياه لحد وصل المنيه
االساعدي
__________
هذا اكروب للطيبين محسوب
ماظن ينحسب بس للسواعد
يامحمود وانتَ اهوايه محبوب
وهلوادم نحبك والله شاهد
ااالساعدي
-
___________________
وَكولن والنعم من الأجاويد
ونستوها هاليوم القوافي
صفحتكم غنيه ابهل أناشيد
شبعت وأنه اكللها عوافي
وفرحانه القصيده ومدري شتريد
هسه وكعدتني وأنه غافي!
جنها اتكلي دكعد للمواعيد
وكتب للوفه وكلمن يوافي
ونته الساعدي وبيك التواكيد
عجيبه وياضواك الهسه طافي!
االساعدي
--
ابو طالب ع!
حسين الساعدي
××××
للوله الهاشمي الوفاي لوله
بلاسلام جان اتصير لوله
أبو طالب وفي ياناس لو لا!
جا ياهو الكفل خير البريه!!
االساعدي
--
بلحال!!
حسين الساعدي
××××
يل بعدك ترده الحال بلحال
أريدنك تجيني ابساع بلحال
سئلوني الشماته ودخت بلحال
شهر ماواصلك شنهو القضيه؟
ااالساعدي
-
ملحي المانفع وياك بل زاد
وضيمك ما يقل وياي بل زاد
عارضني ابمزاد وبعت بلزاد
وتدري ابشامتي الزود عليه
االساعدي
-
زاد الطيب عدنه ومنه بعنه
وفاض الوفه النابع من نبعنه
ولا منينه مره ومنه بعنه
مامنينه مره ابكل هديه
ااالساعدي
-الورد من غير معدن معدناهه
وحضريه وهواها معدناهه
ويا نغمة حجلها مَع دناههه
تدنه وتزيد النغمه بيه
ااالساعدي
نسب طيب يشرف يا نسبنه--وجثيره من تعدهم يا نسبنه--ليش اللي نوده يانه سبنه---من شاف العمر نهديه هديه
االساعدي
--
ظهري ابطعنة الصحبان مامال
وحملي اشما يزيد اوياي مامال
ويا ماال الكلب محتام مامال!
ويحن الهم رغم كل الأذيه
ااالساعدي
---
يهل كون!
حسين الساعدي
××××
اهلالي ابجيتك ريته يهل كون
و الحرموني من جيتك يهلكون
ودمع العين أريدنه يهل كون
وأبجي إمنالفرح ويدك بديه
-
سواعد وأحنه بلطيب سعدنه
وطير السعد يتسمه سعدنه
وسهل الساعدي الجازه سعدنه
بمجازه سبايا الغاضريه
ااالساعدي
-
-
كسير اذراع وأيامك لونك
وتون ومحد ايرحمك لونك
لَونك ماخذ ابرايي لَونك
جا ما صدكيت الخان بيه
ااالساعدي
-
كَصيت الوصل وابحر وصلكم
ولا ينكطع بلطيبه وصلكم
جنوبيين أهل غيره وأصلكم
يرجع يم علي حامي الحميه
ااالساعدي
-
اليه أحباب حاسبكم وعدكم
لكن للاسف خنتو وعدكم
وضل الكلب يهواكم وعدكم
إذا ممكن ترجعونه اليه
------------------
ماتمَلهم!!
حسين الساعدي
××××
أمل عدهم ولكن مات أملهم
وروحك للتحبهم ماتمَلهم
ونصَبت يوم راحو مأتم الهم
ويضل امصابك اليوم المنيه
--
إشماله الكلب ما ينسه شماله
ابيساره اتمسك وماهد شماله
العراق ومن جنوبه الحد شماله
والغربيه احبنهم سويه
االساعدي
-
-
-
اتعِبن من صفكت الندمه يراحاك
وينزفن أبد ما طابن يراحاك
تفرها وتسحل ابروحك يراحاك
وكل فره وتراويك المنيه
ااالساعدي
هله ابهل يوم وشما كثر هليت
وبدر ولفاطمه ابهل يوم هايت
ومن دمع الفرح ياناس هليت
اليوم انولدت الزهره الزجيه
ااالساعدي
-
بخدودي وبدمع العين خطيت
والخطوه اويه درب الموت خطيت
والاشعار بسمك دوم خطيت
يل ما تنعتني وتسأل عليه
ااالساعدي
-
كسير اذراع وأيامك لونك
وتون ومحد ايرحمك لونك
لَونك ماخذ ابرايي لَونك
جا ما صدكيت الخان بيه
ااالساعدي
-
كَصيت الوصل وابحر وصلكم
ولا ينكطع بلطيبه وصلكم
جنوبيين أهل غيره وأصلكم
يرجع يم علي حامي الحميه
ااالساعدي
-
اليه أحباب حاسبكم وعدكم
لكن للاسف خنتو وعدكم
وضل الكلب يهواكم وعدكم
إذا ممكن ترجعونه اليه
------------------
ماتمَلهم!!
حسين الساعدي
××××
أمل عدهم ولكن مات أملهم
وروحك للتحبهم ماتمَلهم
ونصَبت ابيوم راحو مأتم الهم
وهل مأتم يوصلك للمنيه
ااالساعدي
-
-
اتعِبن من صفكت الندمه يراحاك
وينزفن أبد ما طابن يراحاك
تفرها وتسحل ابروحك يراحاك
وكل فره وتراويك المنيه
ااالساعدي
هله ابهل يوم وشما كثر هليت
وبدر ولفاطمه ابهل يوم هايت
ومن دمع الفرح ياناس هليت
اليوم انولدت الزهره الزجيه
ااالساعدي
أسولف صرت وي روحي وهمهم
ولا ضلت بعد همه وَهم هَم
وَهم بلما يهم بيه وهم هم
بلراواني أنواع الأذيه
ااالساعدي
كل البخت عد فاطم واهلها
والهم بسمتي ودمعه واهلها
فرحة عمري والروحي واهلها
مثل هل الهلال ابهل وطيه
ااالساعدي
هسه لا تخيط الجرح خله
كلبك ينتظر ويريد خله
وصارت بي ابهذا الجرح خله
الغايب من يرد تنسه الاذيه
ااالساعدي
جم فجعه الدهر عاين فجعلك
واخر فجعه وبكلبك فجعلك
جعل منك شبه ماكو فجعلك
عليل وانته ولماكو سويه
ااالساعدي
عليل ويادواي الضاع طبه
وبلطبات طبه بأثر طبه
يمهم طحت كالو مرض طبه
أحبابي وشامتي صاحو سويه
ااالساعدي
-
ليش اجيت؟
وجرحك استوه غفه وما صدكيت
ليش اجيت ا
وتَوني سكَت الدمع وتعوديت
ليش اجيت!
ورجعت كلشي قديم!
وكلمة ال الله كريم
الله لا ينطيك حسبالي نسيت
ليش اجيت!!
ااالساعدي
يدمعه اتبسطي ابخدي وربعي
أنه العافوني كل أهلي وربعي
وربع دينار ضلالي وربعي!!
وبعجة هوه وطار إمنديه
ااالساعدي
-
-
أمر يتوسع ابروحك وامر ضاك
وأمر يتلاعب ابزعلك ومرضاك
ابحث عن سبب علتك ومرضاك
قبل لتلوحك اجفوف المنيه
ااالساعدي
-
إذا الدخان يطلعلك وجالك
سبب كلبك ابنيرانه وَجالك
اجروحك يربن ابعزك وجالك
ويتحمن عله نارك سويه
ااالساعدي
ابوذيات مساجله بين حسين الساعدي ومنذر الدراجي
رد مع اقتباس
