قالوا تتـوب وقلـت ماظني اتـوب.........................
عن الهوى والحب ماني بتايـب
منساك لوالشمس تشرقبي غـروب.........................
واطيح عجزانً على الارض شايـب
منساك لو بعدك لبست الكفن ثـوب.........................
وادفن وتركز فوق راسي نصايـب
جيتك واجر اخطاي زلات وذنـوب.........................
اجهل طريق الحق واقول صايـب
جيتك مع النسيان وجفاك من صوب.........................
جيتك وشوف الحال وانت السبايب
حلمت حلم محمد وصبـر ايـوب.........................
هذي ثـلاث شهور يازيـن غايـب
من سبت غيابك بدى الخافق يـذوب.........................
ودموع عيني فوق خـدي سكايـب
حبيت قلبي يـوم حبـك يمحبـوب.........................
واشتقت لك شوق البـذر لسحايـب
حبك بقلبي حب يوسـف ويعقـوب.........................
غارو اخوانه كيف عـاد القرايـب
قلبي غنيمه حرب لك صار منهوب.........................
وقفيت به عقب النصر منـت خايـب
طال الغياب وجمر الاشواق مشبوب.........................
وطيفك يجيني مع نسيـم الهبايـب
للعين نظره تشوف وللخطوه ادروب.........................
وللبعد وصـل وللمحبـه حبايـب
ولولا التفائل والقدر لوح مكتـوب.........................
سلمت نفسي في يديـن المصايـب
حزني ملك وهموم قلبي له اشعـوب.........................
صغير سن وجرح الأشواق شايـب
ولوقالـوا التوبـه لابالله مـاتـوب.........................
إن كان حبه ذنـب مانيـب تايـب
راق لــِ
الشاعر محمد العبدلي
رد مع اقتباس
المشاركة الأصلية كتبت بواسطة عازفة الامل
