تسوى الدنيا عندي من اكعد وياك.
و بدونك كلشي ما تسوى دنيتــــــــــــــــــــي *
من اطب لبيتكم اشبك على الباب.
ويشبكك بابنه من تطب بيتــــــــــــــــــــي*
فرق مابين عمري وعمرك هواي.
وكمت لخاطرك اصبـغ لحيتــــــــــــــــــــي *
اتأذى اذا وي غيرك ارتاح.
وحيل ارتاح اذا منك اذيتــــــــــــــــــــي *
ويغيرك من يردلي العمر ماريد.
واريد وياك لو يمك منيتــــــــــــــــــــي *
عليك العين تبجي ليل و نهار.
وأكلهه شعطلج شو ما بجيتــــــــــــــــــــي *
يوصي اهله بجهاله الرايد يموت.
وبس اسمك لكو اهلي بوصيتــــــــــــــــــــ ي*
انشع من اشوفنك علي جاي.
واسكر من تصل يمي واطوطــــــــــــــــــــ ح*
ويصير العيد ماتم لون ماجيت.
وبيوم الطبك لوجيت افــــــــــــــــــــرح*
اكول ربحت وانه وياك خسران.
واكول خسرت اذا ويغيرك اربــــــــــــــــــــح*
حلو وتلمع وتكتل انته كالسيف.
اذن عذرك وياك وانته تذبــــــــــــــــــــح*
اعرفنك غلط بس مستعز بيك.
كمت لخاطرك حتى اكره الصـــــــــــــــح*
ماريدك سهل مالي فخر بيك.
الفخر من تصعب انته وانه اسهلـــــــــك*
ومادامك طير تحتاج انه اربيك.
وانه افتح جناحك وانه اشكلــــــــــــــــــــك *
وترى خيطك بدي لتروح لبعيد.
بس تلعب بذيلك والله انزلــــــــــــــــــــك *
خابص نفسك انته وكالب الكون.
شنهي الخالقك ما خلق مثلــــــــــــــــــــك*
صحيح لخالقك بيك اعتنى هواي.
موبس معتني مبدع برسمــــــــــــــــــــك *
لكن يا نجم لا تنكر الليل.
لو ما الليل ياهو الشاف شكلــــــــــــــــــــك*
وما بدلك لان ربك امرني.
اذا يخلقلي غيرك يجوز ابدلــــــــــــــــــــك *
واذا بدلتك انه افترض فد يوم.
هم اكره بديلك حتى اردلــــــــــــــــــــك *
احبك حب ولا مر على انسان.
تدري شكد احبك راح افهمــــــــــــــــــــك *
اذا انته حبل وتلف ركبتي . واحس بروحي تطلع ما افلــــــــــــــــــــك
رد مع اقتباس
