السلام عليكم
الصفحات (غير الوطنية) تارسة الفيس بوك، الصفحات التحشيشية الصفحات البناتية ، الصفحات الطائفية اللي الغرض منها زيادة الفرقة بين مكونات الشعب ، الصفحات الشعاراتية اللي تنطلق فقط لإجل محاربة الحكومة لغرض اضعافها و تأليب الرأي العام ضدها
هذا كله ما ما يخدمنا، و لا راح يغير من واقعنا شي، الإتجاه الوحيد اللي يخدمنا حاليا هو الإتجاه الوطني ، الحكومة ما نكدر نكول عليها زينة او مو زينة لان المقاعد الوزارية موزعة بين كل الطوائف، (فما نعرف البركة بيا حباية) و هذه الطوائف هي اصلا من اختيار الشعب، .. نريد نخللي الناس تعرف.. انه العراق قبل كل الطوائف والمكونات، نريد الناس تفكر بالاتجاه الوطني فقط، و تصوت للكتلة اللي تخدم العراق و تخلليها هي المسيطرة علمود بنهاية الدورة الانتخابية نعررف نلوم منوو ، اما هسة .. فما نكدر نلوم اي كتلة ، و لا أي كتلة راح تعترف بخطئها لأن تذب الصوج على أطراف اخرى، و بهذه الدوامة عايشين من يوم تأسيس حكومة الشراكة الوطنية ..
للي ما يعرف شنو الصفحة، الصفحة مو يعني حسابك كله لا ، و إنما هي صفحة ضمن حسابك بالفيس بوك .. هسة كل اللي نريده، انه نسوي صفحات ذات طابع وطني في الفيس بوك، كجزء من حملتنا الوطنية، علمود نقنع الناس بالتوجه الوطني، و نكثر (السواد) الوطني بعيون الناس هذا ، المنهاج يكون كالآتي:
1- كل واحد مقتنع بالوطنية، .. يسوي صفحة فيس بوك ذات طابع وطني وحدوي، إنشاء الصفحة امر غاية بالبساطة و بنهاية هذا الموضوع اني حاط صور حول كيفية ادارة إنشاء الصفحات الوطنية ،البنات خللي يسوون صفحات وطنية بناتية إلى حد ما ،والاولاد صفحات وطنية عامة
2- نخللي غلاف فيس بوك وطني للصفحة، ونختار صورة شخصية معبرة
3- كل واحد يسوي صفحة يدعوا اصدقائه إلها
4- يخللي رابط الصفحة مالتها هنا علمود احنه بيناتنه ندعم صفحاتنا
5- ننشر منشورات وطنية ، بحيث متابعين الصفحة يحسون أنه الوطنية هي الموجودة على أرض الواقع فعلا، ما نذم اي جهة او كتلة، بس نذم (المحاصصة الطائفية) بتوزيع الوزارات
6- نوضح للناس انه العراق لكل العراقيين ، و أنه ماكو فرق بين الكوردي والعربي والشيعي و السني ما دام كلهم يريدون يعيشون بسلام على ارض العراق
7- نوضح للناس، الاخطاء الموجودة حاليا بسير العملية السياسية، وأنه ليش مدا نكدر نلوم جهة معينة، و اكرر لا تذمون اي جهة بحد ذاتها اطلاقا ولا تمدحون كتلة معينة ، ولا تخللي صورة او تمدح اي سياسي موجود حاليا، و إلا راح ياخذون نظرة على الصفحة مالتك أنه هي متحيزة لاحد الاطراف
8- نوضح للناس، انه احنه مستعدين نساند الحكومة (ايا كانت كتلتها او رئيسها) ما دامت منتخبة، و في أي دورة انتخابية
لازم تصير صفحات هواي باسماء متعددة مختلفة ومعبرة و يديروها اشخاص مختلفين تجمعهم الوطنية والدافع نحو التغيير، صفحة وحدة مركزية ما راح تفيد و لا تسوي شغل
هسة .. كيفية انشاء صفحة على الفيس بوك (كل واحد عنده حساب بالفيس بوك، من حقه يسوي صفحة او صفحات مجانا)
العراق أولا محجوووز حجزته اني عاااااااا .. اختار اي اسم بيه كلمة العراق
تختار (غلاف وطني) من الأغلفة اللي نشرناها بهذا الموضوع للاولاد و هذا للبنات.. و تروح على (تحديث معلومات الصفحة) تكتب وصف قصير (ما يتجاوز 10 كلمات) و وصف آخر اطول نسبيا .. اكتبهن بكيفهن .. هو اسم الصفحة مالتك هو الوصف اولا واخيرا، بس لازم تمليهن
بالنسبة للمنشورات .. اكتب منشور اولي كتجربة ، داارمي وطني او عبارة وطنية او اي شي انته تحب تكوله للناس كـ (وطني) ، و بعدين ممكن نتفق على المنشورات اللي ننشرها بصفحاتنا
اذا ردت تسوي (رابط قصير) لصفحتك شوف هذا الموضوع
http://www.dorar-aliraq.net/showthread.php?t=177008
هسة كل واحد يسوي صفحة ويرتبها خللي ينطينا رابطها هنا .. بانتظاااااااااركم، .. و لو زحمة نكولها .. بس شكو بيها إذا تقييم لكل واحد عااااااا
تم نقل جدول الصفحات إلى هذا الموضوع:
http://www.dorar-aliraq.net/showthread.php?t=177389
رد مع اقتباس
المشاركة الأصلية كتبت بواسطة مصطفى العراب
.. تر كلكم مطلوب منكم صفحات 
