هنا

[محمد غازي]

اخواني اخواتي الحلق الثانيه او القصة الثانيه هي خل اكل موسي واحفظ ناموسي وهي كالتالي:


أكو جريذي ساكن ويه زوجته واطفاله يم حلاق عايش على الوصاخه الي يتركهه الحلاق البلماسه مال الحلاقه وطبعا مسلوع وكاتله الوصخ هو وعائلته ,,, في مره من المرات زاره صديقه صار فتره كلش طويله مشايفه شو هذا اجه ملابسه شنو ومتفح اتفح وطاكَ طكَه فوووول وجايب وياه غراض صوغه اكل يخبل بتعبير اهلنه صاحبه تعجب غاية العجب كَله لك هاي شنو هاي انت وين ساكن كَله ساكن بمحل مال كرزات وانته عمي عوف هذا الحلاق وتعال اسكن يمي دشوف حالك شلون اهلك شلون حالهم .... عموما راح صديقه .... بعد فتره من خلصت الصوغه كَلتله المره ابو صلبوخ (ابنهم) خل نروح لرفيجك يمعود والله الماسه متنكال تلعب النفس باعتبار الحمه من الرجلين ومحد يهلكَهه غير النسوان عفوا مع الاحترام لاخواتي ... الحاصل كشخت ام الوصخ راحوا لكَ صاحبهم ضاربي بالمصياده ومنفوخ ميت كَللهه ام صلبوخ خل اكل موسي واحفظ ناموسي....
وهذا مثل يضرب لمن يخاف من شيء ما
وووووانتظرونا عمي بالحلقة الجايه

[زهرة اللوتــس]

حلوو .. عبالك جاي اسمع لسالفة من سالوفات جدو .. ربي يحفظه هههههههههه
شكرا اخي .. وبانتظار المزيد طبعا هع ^_^

[نسيم الروح]

حلوة شكرا لك سلمت اناملك

[المثال الطيب]

لا حرمناا من روعة احرفكم
تحياتي