يا خوان خل انعوفة كل الجاي
وخل نلغي العراقي ونكتب استشهد
وخل نلغي الافراح , الابتسامه تروح
بس خلونة اخوه بوجه كل مرتد
وخل ينزل دمع من عين كل مظلوم
بس خلي الدمع يسكَي الورد ع الخد
وخل تبجي امهات اليوم بالتفجير
الشباب بهالبلد يوميه تتفرهد
وما ضلت .....
ماضلت حبيبه تكول هذا يخون
كلها تصيح مات وبالكَبر ورد
ولا ضلت شباب تكول احبن هاي
ضلت تنتظر يمته الجسد يبرد
وعلى طاري الموت .......
كلها اتصيح كلها اتكول
جن جوكَه بلابل واكفة تغرد
هذا يصيح اخويه وذاك ابوه الراح
وذاك ابن عمي الطايح امدد
ويا بسمه فرح بسج ددكَي الباب
واكَف انتظر يمته اني استشهد
راقي لي
رد مع اقتباس
المشاركة الأصلية كتبت بواسطة كبريائي قاهرهم
