بيومك ياعلي اوياك الوطن طاح ___اهتزت كاعنه من الانفجارات
بشهر الخير هذا شهر رمضان __انشد ليش ذبحوهه الحمامات
ليش بلا سبب اطفال حلوين ___يعيدون بدماهم وسط الاموات
شكد جانو يتانون المراجيح ____فرحانين همه باحلى فراّت
ياعيد الاجاهم هذا ياعيد ___عيد الدم ذبحهم باه واهات
ذنبهم من يحمله ودمهم السال ___الارهاب لو صوج الحكومات
ياعمي الحكومه نايمه دوم ___وتكعد فقط وكت الانتخابات
مته يهتز ضمير الغيره ياناس ___مته المحبس ينادي صاحبه بات
مته الشاهول يلزم سبحته بزود _ مته لهل الكراسي تصير وكفات
كافي مو نهبتو الشعب والناس __وسالت من غدركم دمه الدمعات
بهذا الشهر ادعي بدمعة الروح ___واقسم يا الاهي باقوى دعوات
الارض مليانه قتل وظلم وارهارب___نريد المهدي يظهر بيده رايات
وياخذ ثارنه وثار المساكين ___ويصول اعله الاعادي باحلى صولات
رد مع اقتباس
