اخواني هناك بعض القصص اللطيفة ذات العبرة والمثل التي ترسخت في ذهني من بعض المجالس مع ابي وبعض كبار السن رحم الله الماضين منهم وحفظ الباقين وارتأيت ان اسردها لكم باللغة الدارجة وعلى شكل حلقة لكل قصه
قصتنا الاولى هي: الديره اليربط بيهه فصوع ويحل بيهه جربوع ما أريدهه
وهي أكو يوم اسد صعد ويه ابنه على الصخرة الجبيره وكَل لابنه ابني تشوف هاي المملكة بحيواناتهه الابن كَله اي كَله كلهه الك بس دير بالك من بني آدم كَله خوش وبعد فتره مات الاب والابن ضل يفكر بوصيت ابو ويمشي بالغابه شافله زرافة كَلهه تعاي لج انت بني آدم كَلتله لا مولاي آني خادمتك الزرافه ....وبعدهه شاف الفيل باعتبار ذني اضخم الحيوانات كَله تعال بابه انت بني آدم خاف الفيل وكَله مولاي آني خادمك الفيل كَله يله ولي لعد ,,,,وبعدين هو ويمشي بطرف الغابة البعيد شافله فلاح مستوي جبير بالعمر اجاه وكَله انت بني آدم كَلي إي استغرب غاية الاستغراب وكَله انت ابو الوصخ أبويه يوصيني أحذر منك اليوم أتويك وسأله أنت شسمك بابه كَله الفلاح آني فصوع كَله الاسد دتعال يمي خل اخبزك كَله فصوع ماشي نتعارك اني وياك بس لازم اجيب قوتي من البيت هسه آني ماعندي قوة وانت كَله خوش روح جيبهه كَله لا اذا أجيب قوتي يجوز تشرد مني كَله والحل كَله اربطك بهذا الحبل حتى متشرد وبعد ماربطه لزمه بالكرك وتواه توي وحط الكرك على جتفه وراح ..... بعد فتره وحاره الدنيا والاسد يجري دمه ومربوط شافله فارة زغيره وكَام يتوسل بيهه وين اختي وين الفراه بس فكيني كَلتله امشي ولي قبل 15 سنه جدك داس على جدي وموته باختصار كَامت كلهه ادور ثارات وبعد فتره اجه واحد من القوارض واسمه جربوع وكَله الملك المسكين وهو يتوسل اطلق سراحي وبعد مسواهه كَله هاي المملكه كلهه الك لان الديره اليربط بيهه فصوع ويحل بيهه جربوع ما اريدهه ....وهذا مثل ينطبق على المكان البي الفوضى واكو واحد يريد يهجره
وتابعونه بالحلقه الجايه
رد مع اقتباس
