اكو واحد كاعد بالكهوه
لا والله اول مره اشوف واحد كاعد بالكهوه المهم
اجاله صديقه كاله انطيني دولار رحمه على والديك
كاله ما انطيك لو تطلع براسك نحله ويتبدّه عليك العسل هم ما انطيك
صديقه كالّه يمعود مروتك اخيك مفَلِّس بس دولار واحد
الرجال كاله ما انطيك لو تطلع براسك نخلة برحي هم ما انطيك بعد شتريد
صديقه باوع يسره يمنه شاف فد رجال كاعد بنص الكهوه اجته فكره
كال لصديقه شنو رأيك لو اضرب ذاك الرجال الكاعد بالنص راشدي وتنطيني دولار
هذا عجبته الفكره وكال لصاحبه المستفلس بس كون راشدي راشدي مو شقه
المستفلس كاله مو تدلل المهم
راح للرجال الكاعد بنص الكهوه من وره وضربه راشدي وكاله ها ابو جاسم شلونك شلون صحتك
الرجال استغرب وكال للمستفلس اخي انا مو ابو جاسم ليش ضربتني
المستفلس اعتذر من الرجال وكال
اعذرني اخويه والله انته تشبه صديقي ابو جاسم وعبالي انته ابو جاسم وضربتك
الرجال جانت عنده روح رياضيه تقبَّل العذر برحابة صدر وكال للمستفلس
مو مشكله اخي يخلق من الشبه اربعين بس لا تعيدهه المستفلس اعتذر مره ثانيه ورجع لصاحبه
كالَّه شنو رايك تنطيني دولار ثاني واضربه راشدي ثاني
هذا همات عجبته الفكره وراد يعرف هالمرّه شلون راح يدبّرهه المهم انطاه دولار ثاني
المستفلس اخذ الدلار وراح من وره الرجال وضربه راشدي معدَّل وكاله
هاي انته ابو جاسم وتكول انا مو ابو جاسم مو عيب عليك تنكر الزاد والملح بيناتنه بساع تبرّيت من صديقك
الرجال صارت عيونه بعلباته تعرفون شنو علباته مو المهم كال للمستفلس اخي انا مو ابو نعال مو ابو جاسم انا اسمي خضير ارتاحيت
المستفلس هم اعتذر مره ثانيه وكال
والله اخي انته تشبه صديقي ابو جاسم وعبالي ما تريد تحجي وياي عبالك انا مستفلس لا حبيبي انا بخير وجيوبي مليانه
الرجال كال اخي مو مشكله انا مو ابو جاسم ولا اعرفك ولا تعرفني ارجوك لا تعيدهه بعد
المستفلس كالَّه شنو انا مخبل واعيدهه انا هسَّه تأكدت انته مو ابو جاسم ارجوك اعذرني
سمع ابو الكهوه بالصايح اجه للرجال وكاله اخي مو مشكله غيِّر مكانك حتى ما يشتبه بيك
الرجال قبل بالفكره وكام وغيّر مكانه والمستفلس رجع لصاحبه وكالّه ها شنو رأيك تنطيني دولار ثالث واضربه راشدي
صاحبه كالّه عمي هاي عشر دولارات بس شلون راح تدبرهه هالمره
المستفلس اخذ الفلوس وراح للرجال من وره وضربه راشدي وكالّه
ها ابو جاسم انته كاعد هنا وانا ضربت ذاك الرجال راشديين
هسه شنو رايكم نكمِّل لو الرجال خطيه مو لو مو مو
اذا مو نكتفي بهذا القدر
واذا مو مو
نشوف ردودكم ونكمِّل
رد مع اقتباس
