هناك قانون يشترط على من اسقط جنسيته العراقيه من اجل الحصول على الجنسيه الاجنبيه ان يرجع الى الوطن ويقيم لمده سنه كامله ومن ثم تعاد له جنسيته ..........الاساتذه الافاضل الموضوع هنا بالنسبه الي اتمنى استرجع جنسيتي اليوم كبل باجر بس اني هنا عندي التزامات وطفل مريض ما اكدر اعوفه واقيم بعيد لمده سنه ..........سالت هوايه بس انسدت الابواب لو الاقامه لو ما تصير ......الله يخليكم تساعدوني اذا اكو ثغره قانونيه اكدر من خلاله استرجع جنسيتي بصرف النظر عن شرط الاقامه ..ولكم مني دعوه صادقه ودمتم سالمين
احيل الموضوع للمختصين..منورتنا سعاد
اهلا سعاد
حسب نص الماد6 من قانون الجنسية رقم 26 لسنة 2006 النافذ , لاتمنح الجنسية ( لغير العراقي ما لم يكن مقيماً في العراق ) بأعتبارك اجنبية قانوناً
و للوزير أن يقبل تجنس غير العراقي عند توافر الشروط الآتية :
أ- أن يكون بالغا سن الرشد .
ب-دخل العراق بصورة مشروعة ومقيما فيه عند تقديم طلب التجنس ويستثنى من ذلك المولودون في العراق والمقيمون فيه و الحاصلون على دفتر الأحوال المدنية ولم يحصلوا على شهادة الجنسية .
ج-أقام في العراق بصورة مشروعة مدة لا تقل عن عشر سنوات متتالية سابقة على تقديم الطلب .
د-أن يكون حسن السلوك والسمعة ولم يحكم عليه بجناية أو جنحة مخلة بالشرف .
هـ-أن يكون له وسيلة جلية للتعيش .
و-أن يكون سالما من الإمراض الانتقالية .
ومع ذلك , لا نقطع الامل بأعادة الجنسية العراقية ولك في سبيل ذلك مراجعة القنصلية العراقية او السفارة العراقية في بلدك الاجنبي وتقديم طلب يتضمن كافة الوثائق المتوفرة للنظر في الحالة ( خارج نطاق القانون) لدوافع انسانية
تسلمون ومشكورين على الاجابه السريعه
استاذ احمد مشكور على الاجابه ...... نزلتلك البند الثالث من الماده 10 بس مر عليه وكلي رأيك: للعراقي الذي تخلى عن جنسيته العراقية أن يستردها إذا عاد إلى العراق بطريقة مشروعة وأقام فيه ما لا يقل عن سنة واحدة . وللوزير أن يعتبر بعد انقضائها مكتسبا للجنسية العراقية من تاريخ عودته . وإذا قدم طلبا لاسترداد الجنسية العراقية قبل انتهاء المدة المذكورة . ولا يستفيد من هذا الحق ألا مرة واحدة . استاد احمد الله يخليك هيه سنه واني مستصعبته لا تشمرني 10 تره والله اموت .ودا اسال مثلا اذا تعرف اكو حالات خاصه صارت والواحد كدر يسترجع جنيسته بطريقه قانونيه ..مثلا اقدم طلب بالمحكمه واكول ظروفي جانت كذا وكذا وانجبرت اتخلى عن جنسيتي العراقيه واريد ترجعوهه الي بس بدون ما اقيم ....الله يخليك شوفلي صوره حل الله يوفقك بجاه هذا الشهر الكريم
اختي العزيزة سعاد... كوني واثقة , أذا اكو اي منفذ قانوني او طريق مختصر ما راح ابخل عليج بأستشارة , لان هدفنا هنا خدمتكمالمشاركة الأصلية كتبت بواسطة سعاد 1
المادة العاشرة مثل السادسة , تشترط الاقامة , يعني لازم ترجعين تقيمين بلعراق حتى تحصلين الجنسية والنص واضح سنة في الاقل , يعني المسألة جوازية .. وحسب ما فهمت منج انتي ما تكدرين تقيمين بلعراق لظروفج الخاصة والله يكون بعونج
ومع ذلك اني انصح تراجعين القنصلية العراقية او السفارة العراقية بالبلد الي انتي بيه وتقدمين طلبج بعد ما تعززيه بالموجود عندج من وثائق او أية اوراق اصولية عندج وراح يصير خير ان شاء الله , لان واجب السفارات العراقية في الخارج هو مساعدة العراقيين وارشادهم وتوجهييهم والمحافظة عليهم ومتابعة شؤونهم وبخاصة في مجال الاقامة والتجنس
تحياتي
صار اراجع القنصليه مثل ما اتفضلت حضرتك ...وعندك يم اختك سعاد دعوه مفتوحه تتفضل يمنا معزز مكرم ضيف عزيز شوكت ما تريد وانشاء الله ما انقصر بخدمتك
والله وكفو منكم , عراقية الاصل ومعدنج الطيب والكرم
ممنون
ولكنك لم تسألها اين؟؟ يعني رايح تلبي الدعوة هكذا فقط؟؟ هههههههههههه
اذا مستحي تسأل انا اسألك انت رتب حقيبتك وخذ معك مبلغ محترم تجيب فيه لي هدية معك
اختي سعاد ان شاء الله تسترجعي جنسيتك بما انه حقك ان شاء الله تحصليه في اقرب وقت ونفرح جميعا معك
يتفضل يمنى على بومباي ...استاد احمد لا تستحي هاي عزيمه عرب..................وبالنسبه لست ليديا هديتج يمي ماكو غيرهه بهارات هنديه حاره ومشكوره على دعواتج
رد مع اقتباس