هنا

[fairy touch]

مرحبا ....

قبل يومين انتهى اشتراك النت ...و جددناه اليوم ...ولاحظنا مشكلة غريبة ...كل اللابتوبات و الهواتف الذكية تلتقط اشارة الراوتر بشكل طبيعي لكنها لا ترتبط بالنت ...عدا تطبيقي الواتساب و الفايبر يعملان بشكل عادي ...اضافة لوجود لابتوب يرتبط بالانترنت بشكل سليم وبدون مشاكل ...البقية كلها عند فتح المتصفحات تطلب الارتباط بالنت ...علما انه كما قلت الاشارة فيها كاملة....

لا داعي للقول اننا لم نتلاعب بأي من الاعدادات لا في الراوتر ولا في النانو ولا في الحاسبات او الهواتف ...ببساطة كل شيء كما كان ...

هل من تصور عما حدث ؟

شكرا لكم

[محمد البصراوي]

امممم اما النت نفسة ضعيف من المصدر جربي مباشر على الحاسبة برونباد اذا كان الانترنيت طبيعي وجيد
قومين في ترسين الروتر وبرمجته من جديد من تقير اسم الاشارة والباسورد حتى تكنكين من جديد

[Samer]

مرحبا، راح اجاوب حسب المعطيات بهذا السؤال

الراوتر (وخاصة الـ TP-LINk) معرض للعطب، بحيث تصير مشاكل غريبة بادائه، صارت حالة مشابهة (اني اللي هو اني) وما انحلت إلا بشراء راوتر جديد نوع NetGear

عموما ما اكول عندي الخبرة الكافية بالراوترات .. على أي حال إذا ردتي (قبل لا تشترين) تشوفين الحلول الممكنة تسوين الاتي:

1- تفصلين الحاسوب عن الراوتر (تطفيه مثلا) و تحاولين تربطين باحد الهواتف على الاشارة تشوفيه يشتغل اذا الحاسوب طافي ؟

2- تتأكدين أنه حاسوبج (اللي دا يشتغل اوكي) يخلو من (الايبيات الثابتة) و أنه بالفعل دا يستلم ايبيات (ديناميكية) من الراوتر

اذا تطبقت وحدة من هذه الحالات، معناها اكو خلل باداء ما يسمى بالـ DHCP و هو النظام داخل الراوتر المسؤول عن اعطاء الايبيات الضرورية للحصول على خدمة الانترنت عند ارتباط جهاز جديد، و هذا الأكثر سبب المشكلة لأن اشتغال تطبيقات معينة على الهاتف بصورةاعتيادية مقابل تطبيقات اخرى ما تشتغل معناها أنه اكو خلل بعنوان ايبي الـ DNS المسؤول الراوتر (بواسطة الـ DHCP) عن توفيره


1- تغيير نوع أمنية الاشارة إلى (مفتوحة، بدون امنية) بدون تغيير اي شي آخر وتحاولين تربطين على الراوتر باستخدام الاجهزة اللي حاليا ما تعمل (ولو مااتصور هي المشكلة)
2- عمل (Reset) للراوتر لاسترجاع الاعدادات الافتراضية للراوتر و محاولة تسييته من جديد بالاعدادات الصحيحة (اذا تكدرين)

ودييي و عبير ورررررردي

[هدوء الكون]

يمكن يحتاج ريسيت للراوتر اعادة ضبط للراوتر او النانوستيشن حتى لو يشتغل قبل فترة صارت هيج
حالة عدنة الاشارة مالت النت موجودة بس مانقدر نفتح اي متصفح لهذا استعنا بالخبير وكال هيج سوو وضبطت عدنة

[fairy touch]

من كل كلامك سامر وقفت عند نقطة :

2- تتأكدين أنه حاسوبج (اللي دا يشتغل اوكي) يخلو من (الايبيات الثابتة) و أنه بالفعل دا يستلم ايبيات (ديناميكية) من الراوتر

الحقيقة اني اصلا كنت مسوية الاي بي ستاتك حتى ادخل على النانو ....و هسة لما سويته داينامك لاحظت انه مادا ينطي اي اي بي ....بس بقت الحاسبة هذي تشتغل حتى بعد التغيير الى الداينامك ...و ما اشتغل الموبايل .
فصلت الحاسبة عن الراوتر بأن طفيت الوايرليس و ما اشتغل الموبايل ايضا ...

[fairy touch]

محمد و هدوء ....شكرا جزيلا للنصائح

[ليديا]

جيت وجبت نفسي حتى اتضامن

[Samer]

الايبي (الديناميكي) تكدرين تشوفيه بمكان واحد ، كلك ايمن على (لان الوايرليس) و تختارين Status و بعدين Details .. اذا لاحظتي الايبيات كاملة (ايبي و subnet mask) من جهة ، و Gateway و DNS من جهة اخرى يكونان نفس الايبي ، يعني دا تشتغل الامور بصورة طيبعية

اذا تريدين تشوفين انه الراوتر دا ينطي (ايبيات) لباقي الاجهزة او لا ، تدخلين على الراوتر و تشوفين على الـ Leases بالـ DHCP .. تشوفيه بالفعل دا يوزع ايبيات للاجهزة لولا

كل جهاز يتصل بالراوتر راح يحاول الـ DHCP اللي موجود بداخل الراوتر يخدمه و ينطيه ايبي (اجار) ، و هذا الاجار يكون لمدة بعدها يبقيه على نفس الايبي إذا بقى متصل، او يحرر الاجار و ينطيه لجهاز اخر


إذا تريدين تشوفين اكو مشكلة بالايبيات ايضا، حاولي تدخلين (ايبي ستاتك) لحاسبة اخرى او موبايل، نفس الايبيات بالحاسبة (اللي تشتغل) و اللي عادة تكون

192.168.1.100
255.255.255.0 سب نت
192.168.1.1 كيت وي
192.168.1.1 دي ان اس

تغيرين من جهاز لجهاز بس الرقم الاخير الاحمر بالايبي الاول

اذا خلينا (ايبي ستاتك) راح ينتهي دور الـ DHCP اللي هو مسؤول عن توزيع الايبيات

هذه علمود بس اعرف أنه (ماكو مشكلة) بالايبيات، و أنه المشكلة في مكان اخر