عظم الله اجورنا وأجوركم بهذا المصاب
لسان حال زينب مع ابيها امير المؤمنين
كلبي أنفجع يا مهجتي مو هامتك جن هامتي
صابوني بويه ابطيحتك وجروحي بالهم نادتك
كلبي انفجع يا مهجتي
*****
عاده المنجرح بشفه جرحة ايسكن ويبرة
ونته ابهامتك مطبور بويه اصوابك اشكبره
يا حيدر ردت دونك كون ابهامتي الطبرة
و يضل والدي سالم و من عمري على عمره
مهمومه عاين حالتي مدري أصبر عيلتي
مسبيه بويه أبفركتك وجروحي بالهم نادتك
كلبي انفجع يا مهجتي
*****
يا سلوة حياتي البيك كل احلامي وضنوني
أهنا يهلال المعيدين يا روحي و بعد لوني
عني لو رحت بويه خلافك يعمن عيوني
لو بيدي اندفن وياك أوصيهم يدفنوني
ظلمة اصبحت جن دنيتي ظليت اهل بس دمعتي
لو بيدي أجبر طبرتك وجروحي بالهم نادتك
كلبي انفجع يا مهجتي
*****
غابت ونتهت وياك أحلامي شيرجعهه
صفت مثل الغصن روحي ذبلت ونته فاجعهه
هاي جروحي من تنعاك بويه جروحي تسمعهه
تنعه ولا تبطل النوح دم ايسيل مدمعهه
أنته الامل يا هيبتي يا بويه سكن ونتي
ما بيهه تحمل غيبتك وجروحي بالهم نادتك
كلبي انفجع يا مهجتي
*****
الوادم لو لفاهه العيد بويه اتعيد وتفرح
وانه أهموم يا بو حسين خاله ابكلبي المجرح
شصبر و الصبر خلصان مل مني وبده يطفح
يا دهر النوايب ليش كلي و ياي ما تنصح
ابيا عين انامن ليلتي لو عني غابت سلوتي
يا بويه روحي اتعنتك وجروحي بالهم نادتك
كلبي انفجع يا مهجتي
رد مع اقتباس
