ابوذيات اتمنی ان تنال اعجابكم
اسلام عليكم
صدى حبك بقلبي انتة وانته
وترى كلبي ونينة انتة ونته
احب خمسة بحياتي انتة ونته
وحضرتك وانتة نته وهاي هية
******
ألح عالكلب مايقبل ملاحه
على البالكون مايوجد ملاحه
همش عالعنب جفي ملاحه
كلت حامض عنب غصبن علية
******
هاك خيوط روحي هاك أبرهة
ولو صاير بحرها هاك أبرهة
ألك حصرة بدليلي هاك أبرهة
علي ثكلت مثل ثكلك علية
******
سهام عينك بكلبي حيل شرعآ
وسفن حبك بخليج الروح شرعآ
ردت مذهب يحلل بوستك شرعآ
واذا ماكو اردن للجاهلية
******
خشن كلبي بسبب هجرك ونعمة
ومحبتك ياترف رحمة ونعمة
واذا مريت من يمي وانة اعمة
اشم عطرك يرد الشوف بية
******
ليالي الهجر ببعادك وجني
وراحن باسن خدودك وجني
لون عفريت الي بدربك وجني
اجيلك والسبب غالي علية
******
ذبت وبنار حبك مايع اني
وتركت كلبي يعاني مايعاني
لون تعطش رويتك ماي عيني
واحط الروح لعيونك هدية
******
احبك اكثر من الكون ونسه
وعندي الموت اذا يرضيك وانسه
ما افارك ابد ذكراك يوم وانسه
واقدم روحي لعيونك هدية
******
سكر عسل كل منظاك نفسك
واكوغيرك حلو بس ماكونفسك
تمنيتك حبيبي تبوس نفسك
بس بداخلك تنويهة لية
*****
عليك الليل صدك انه آوانه
ومعاك العتب هسة آن آوانه
تهدد بالنفاهة آنه وآنه
وبالشدة تكول انة شعلية
*******
تحياتي
******
رد مع اقتباس
