النجم تعبان و مغندب
گعد یتخذل امن الغیم ظل ایهاب
هلیله الگمر نحلان
خالف موعده و ما سطع علی الحباب
متگلی اشسده و اشصار
بشر یلمبشر بالگلب عطاب
گلی امن الاحبه ابیا ظعن غیاب
و ابعبره الصدی یتناشق ولن جاب
یا وسفه اعلی شبل الکون
یم طرت الفجر ینغدر بالمحراب
بمصابک یحیدر کل چبد ینعاب
دم ، دمع الیتامه اعلی الوجن سچاب
رسمک یا علی حب و حنان و شوگ
صعدوا للمعالی ابدربک الاطیاب
یا حیدر کلامک للفلک قاموس
بی نهج البلاغه و للهدایه اسباب
عدلک یا علی مثل الکرم للضیف
و البات ابمضیفه اتزول منه اتعاب
سیف یا علی ابوجه الظلم وهام
لو صال الشراسه اتگوم بی تنصاب
عزمک یا علی مثل الچهف للمای
چم رویه اعلی رویه ابخندق و صفین
ما هزن صمودک تشهد الایناب
یا حید و شهم و ابکل حرب مقدام
انته ابخبیر السموک داحی الباب
******
انته الگلت شیعه احنه و ابد لا ما نصیر احزاب
انته الگلت لجل الدین یتخاوون شیب و شاب
انته الگلت بالشدات
عند الموزمه لازم نموت اصحاب
والسلام علیکم و رحمة الله و برکاة
القصیده للشاعر موسی الجرفی الاهوازی
رد مع اقتباس
اميري علي ... أحسنت
المشاركة الأصلية كتبت بواسطة سماأإهر أحمد
