وصف وكلام جميل للحبيبه(شعر)
جيب أذنك خل أسمعك سر نهائي وأنته بكيفك شماتريد قرر
ياأجمل بشر بيه رقه وأحساس تدري أنت الأرض عالشمس تفتر
يالشايل برائه مال عشر أطفال والضحكه الحلوة البيها منضر
أخدودك ورد مزوعات بهدوء وباللمسه الخفيفه من أيدك أخدر
بياضك موطبيعي الثلج منه يغار واذا شافتك وردة مزاجها يتعكر
أحلى أحساس بيك من تزعل انته وياي وأجيك بكل لطف من عندك أتعذر
حبك الي سكته بس فضحته العين أضيع ىأبحر عينك وكلشي يتفسر
ألم أحساسي كوه والكبرياء وياه ومن أوصل البابك كلشي يطشر
صب جرحي النهر وطعناتك الناعور صار سنين ناعورك ماوكف يفتر
بس خلصت العتب مابعد أكتب ليك أنه من كثر العتب خلص الدفتر
يغفى جرحك بكلبي وينام سنين بس من توصل لحدي جرحي يتبخر
حبك أنطوائي وعزل نفسه وياي ومن سكوتك حتى الأخرس صاح الله أكبر
شجرة أنه بغيابك والغصن ذبلان تعال أغفى أعلى أغصانها ووكر
تدري السر شنو ياأعز الناس أحزر شرد أكلك يله أنته أحزر.......
أنه أحبك أنه أريدك مشتريك وويا غيرك ماأرضى العمر يتبعثر..!
رد مع اقتباس
