يالبعدك طفل .. وشجـابك اعله الضيم
وك .. نقمه العشـكَ مــن كَالك نعمه
تكَلي انطيني كلمه .. انطيـك كلشي تريد
وعلى الاحوط وجوباً تــــرك هالكلمه
احبـــك ما اكَلك .. بس اكَلك ليش
لان حب الورد معنــــــاها نشتمه
وياممنوع لمســــك انت بس للشوف
طبع .. جنح الفراشه اتفـــرهده اللزمه
وايدك من ثلج .. وجفـوفي حـــر تموز
تبدّي الماي ليــش ونعــــجز انلمه
ياشسمه .. لحلاتك قاصــــره الاسماء
وبدقة اوصـافك ســــودنت شسمه!
للقمه حلم توصــل محــــاسن ناس
بس انت الوحــــــيد انولد عالقمه