هنا

[المحامي احمد التميمي]

بعد ما صفنت صفنة طويلة، اقرا الدستور منا و ارجع اكتب منا، فهمت أنه احنه نحتاج أنه نتفق على (ماهية تغييرات) اكثر مما انه نلكي (اخطاء و نقترح نصوص قانونية)

اللي نكتبة باللوحة، نكتب (فحوى التغييرات بالدستور اللي نريد تحقيقها) مو نصوص او اخطاء، علمود تفهمها الناس مباشرة، و كذلك هذه التغييرات بالحقيقة تحتاج إلى تعديل العديد من مواد الدستور علمود يتم تحقيقها فعليا، وعلمود ما تتعارض اي مادة وياها ، لهذا راح اكتب المطالبات بس هنا، و اللي نريد الناس تطالب بيها نفسها.


1- أن يكون رئيس الوزراء قادرا على تعيين أو اقالة وزرائه بنفسه دون تدخل البرلمان
2- ان يكون اختيار الوزراء على اساس تكنوقراطي و من اصحاب الشهادات العليا
3- أن يتم الزام البرلمان بالمصادقة على القوانين في فترة لا تزيد عن شهرين
4- ان يتم الزام رئيس الجمهورية بالمصادقة على احكام الاعدام في فترة لا تزيد عن شهر
5- ان لا يتم انتخاب نفس رئيس الوزراء أو رئيس الجمهورية لاكثر من دورة انتخابية واحدة
6- ان يتم حماية رئيس الوزراء ورئيس الجمهورية من الاقالة طوال فترة الدورة الانتخابية
7- ان يتم فرض عقوبات رادعة بصورة حقيقية على حالة تغيب اعضاء مجلس النواب من الجلسات
8- أن يتم الغاء تقاعد كل من نواب البرلمان واعضاء مجالس المحافظات السابقيين والحاليين

هذه المطالبات ، تتطلب تعديلات عديدة بالدستور وبعض القوانين مدا اكدر احصرها او احددها بامكانياتي البسيطة ، هواي نقاط تحتاج للتعديل او الحذف او الاضافة حسب هذه المطالب، و كل وحدة طبعا إلها مبرراتها، و كفيلة بالقضاء على حالة المحاصصة الطائفية و تخللي الحكومة (بواسطة رئيس الوزراء المكلف) من ادارة البلاد بحرية ووفق الدستور والقوانين النافذة،و للتذكير، باقي المسائل في الدستور تلزم الحكومة والبرلمان باحترام حقوق جميع مكونات الشعب العراقي وحقوق إقليم كردستان، يعني ما راح يتأثر أي مكون إذا تم اجراء هذه التعديلات

أريد الآراء بكل ما ذكر

صباحك خير, صفنة موفقة وكالمعتاد هناك ملاحظات :

1- سؤال جوهري , مشروع الحملة يراد به مخاطبة الجماهير العراقية , اعتقد متفق عليه , لكن اتوقع اذا كنت تريد كمية على حساب النوع فنعم هذي المطالب مقنعة ومفهومة جداً لأن الكلام من يصير بيه تركيز على دستور وتعديل نصوص راح عامة الجماهير تنفر وتتلاشى واذا المقصود النخبة المثقفة فاعتقد الطرح لازم يكون مباشر ان الدستور ولد مشوه وهو سبب بلاوينا وتعالو يا ناس شوفو النصوص المفخخة وشنو نتائج تطبيقها على ارض الواقع وكيف تشل حركة الحكومة والدولة وتجعل مفاصل الدولة وقراراتها عبارة عن حصص ارثية بين الكتل.


هسة نجي ع النقاط ...
1- اني اشوف لو تتعالج جذريا ً , ( يقوم رئيس الجمهورية بالمصادقة على مرشح الكتلة الاكبر لتولي منصب رئيس الوزراء ويقوم الاخير باختيار تشكيلة حكومته ويعتبر اختياره للوزراء نهائياً ) وما اجيب طاري للبرلمان الكارثي ومصادقاته المارثونية

2- أقترح تعدل على النحو ....( يلتزم رئيس الوزراء باختيار الوزراء من ذوي الخبرة والاختصاص ومن حملة الشهادات العليا من غير المنتمين للكتل والاحزاب السياسية وله حق تبديله متى ما راى ذلك ضروريا لمصلحة العمل ) والسبب اكو ثغرة بالنص الي اقترحتة انت (تكنوقراط قد تنصرف الى الشخص المهني المتحزب , وعالجته بالتعديل بعبارة (ذوي الخبرة والاختصاص من غير المنتمين ....الخ)

3- فقرة التزام البرلمان بسن قوانين خلال شهرين اعتباراً من ماذا سامر؟

وأقترح يكون اعتباراً من تاريخ تقديم المقترح الى رئاسة البرلمان مع ملاحظة مهمة , أبرز القوانين المهمة والي تمشي الدولة اخلي سقف زمني حاسم لانه قد يتفقون على عدم تقديم المقترح فيذكر ( وبكل الاحوال يجب ان تشرع القوانين ادناه خلال الفصل التشريعي الاول للبرلمان (السنة الاولى لعمل البرلمان والقوانين هي البنى التحتية - النفط والغاز - الاحزاب - العلم - .....الخ اي قانون ضروري لتسيير عمل الحكومة )

4- ما الة نظير في دساتير دول العالم , دورة وحدة فقط ! يعني على الاقل خلي تمر خطة خمسية حكومية حتى الفشل الحكومي لا يبرر ...واقترح لا يزيد على دورتين أسوة بغالبية النظم العالمية , لان احنا نريد نعالج النشاز ليكون مقبول وليس العكس

5- فقرة رئيس الجمهورية واحكام الاعدام حالياً 15 يوم لكن هي (المصادقة ) جوازية , لا باس ان تكون الزامية مع شهر و منعاً للتلاعب نضيف (اعتباراً من تاريخ وصول قرارات الحكم لرئاسة الجمهورية - يعني من تدخل وارد ) لان تعرف فيكات احتساب الوقت كيف يتفنن المغرضين بالتلاعب بيها .


6- غامض وغير مفهوم , وليس له نظير في دساتير اي دولة اخرى يعني اني وياك كنا نعيب على البرلمان كثرة النصوص التحصينية (الي يحتمون بيها بالدستور) ونأتي بمثله لصالح الحكومة ونحصنها ايضاً!! ما راح نكون منصفين...بالعكس اذا الحكومة تعمل بروح الفريق الواحد والوزراء غير مفروضين عليه , اخلي رئيس الوزراء عرضة للاستجوابات البرلمانية (دورهم الرقابي) ولما ما يلكون تقصير, ماكو اقالة

7- هاي الفقرة بيها غموض شنو نوع العقوبات الرادعة ما دام هو النائب وافق يكون خادم للشعب , اعاملة معاملة الخادم (بتكرار الغياب 10 ايام خلال الدورة النيابية 4 سنوات يعتبر مقالاً ) وشوف شلون راح يجرون عدل
8 - بيها شوية اجحاف , مو الغاء التقاعد وانما احددة بشي بسيط كان يكون (راتب تقاعدي مقداره مليون دينار ) كاي مدير عام او موظف بسيط , مخافة الله هههههه


بالنهاية اتوقع الفقرات المعروضة جدا مفهومة وما تمس حقوق اقليات او اقاليم او محافظات او تحد من صلاحياتها , لان اتوقع الكل يشعر بالكارثة الكبرى في ادارة البلد لكن محد يعرف خارطة الطريق , وبهذا موضوعنا وضعنا اليد على الجرح الاكبر النازف في جسد المريض (العراق) وهو يشكل حسب تصوري 70% من الحلول , والـ 30% الباقية من الحلول تمثل وعي الناس وطريقة اختيارهم للنواب , ومدى ثقافة الاحزاب الصاعدة وادراكها بان العراق لا يجب ان يدار بطريقة الحصص الارثية , وانما للجميع ...واكيد مو مسؤوليتنا هذه المسائل ولا نكدر نحجمها , فقط الاشارة الها
التميمي

[qas!m]

حلوين وهاي بوسة (( اموااااه))
ما ادري ليش فرحان

[مواطن عراقي]

حلوين وهاي بوسة (( اموااااه))
ما ادري ليش فرحان

انشا الله دوم الفرح ابو بنين
أمواااااااا

[Samer]

صباحك خير, صفنة موفقة وكالمعتاد هناك ملاحظات :

يا اخي كمت احبك اكثر من زيد (عراقي وبس) ولو خاف يزعل الاخير

1- سؤال جوهري , مشروع الحملة يراد به مخاطبة الجماهير العراقية , اعتقد متفق عليه , لكن اتوقع اذا كنت تريد كمية على حساب النوع فنعم هذي المطالب مقنعة ومفهومة جداً لأن الكلام من يصير بيه تركيز على دستور وتعديل نصوص راح عامة الجماهير تنفر وتتلاشى واذا المقصود النخبة المثقفة فاعتقد الطرح لازم يكون مباشر ان الدستور ولد مشوه وهو سبب بلاوينا وتعالو يا ناس شوفو النصوص المفخخة وشنو نتائج تطبيقها على ارض الواقع وكيف تشل حركة الحكومة والدولة وتجعل مفاصل الدولة وقراراتها عبارة عن حصص ارثية بين الكتل.

شوف، لو فرضنا انه سوينا (صفحة عل فيس بوك) .. اكيد الصفحة ما راح ينزل بيها بوست واحد .. وإنما العديد من البوستات، لنفرض انه ننزل بالبوست الاول أنه الدستور ولد مشوه وهو سبب المشاكل، و بالثاني نكللهم العراق أولا و مفضل على جميع الشخصيات او بالثالث او العاشر راح ننزل المطالبات اللي راح نتفق عليها، شوف التسلسل مال مواضيعي مثلا، بديناها من موضوع (ما هي مشكلة العراق) إلى أن وصلنا إلى هذا الموضوع

هسة نجي ع النقاط ...
1- اني اشوف لو تتعالج جذريا ً , ( يقوم رئيس الجمهورية بالمصادقة على مرشح الكتلة الاكبر لتولي منصب رئيس الوزراء ويقوم الاخير باختيار تشكيلة حكومته ويعتبر اختياره للوزراء نهائياً ) وما اجيب طاري للبرلمان الكارثي ومصادقاته المارثونية

احمد هو رئيس الجمهورية نفسه (ينتخبه) مجلس النواب حسب الدستور (مادة 61) ؟؟.. بهذه الحالة رئيس الجمهورية نفسه راح يكون (اوتوماتيكيا) مرشح الكتلة الاكبر (مهما كانت) ، بالنهاية راح نطلع بـ رئيس جمهورية يمثل خلاصة اصوات الناس بالعملية بالانتخابية (الناس تنتخب البرلمان، البرلمان ينتخب رئيس الجمهورية)، فعلى الأكثر رئيس الجمهورية هو نفسه اللي راح يكون من الكتلة الاكبر (ما لم توجد هنالك شخصية من خارج الكتلة تعجب جميع الكتل) ، وهو راح يكلف (حسب الدستور) رئيس مجلس الوزراء من نفس الكتلة مالته (تلقائيا)، و الاخير يكلف وزرائه حسب مبدأ المؤهلات (ولو عل اكثر راح يخلليهم كذلك من نفس الكتلة اذا يكدر، بس مو مشكلة، بالنهاية راح نعرف نذب اللوم على منو)

اللي اقصده انه ماكو داعي نلزم رئيس الجمهورية باختيار هو يختار اللي يعجبه ما دام هو خلاصة تصويت الشعب ، أنه إنته مجرد تخلص من المحاصصة باختيار الوزراء ، راح هي الامور تمشي عدل اوتوماتيكيا ،و مثل ما صارت المحاصصة بالوزارات كنتيجة الخطأ بالدستور (خطأ تدخل البرلمان باختيار الوزراء )

لا تفكر انه حاليا مثلا رئيس الجمهورية كوردي بحيث اكو داعي (نلزمه بكذا او بكذا) رئيس الجمهورية بهذه الدورة ايضا تم اختياره بناء على المحاصصة الطائفية لهذه الدورة الانتخابية، التغييرات اللي نريد نسويها بالدستور راح تكون فعالة للدورات الانتخابية القادمة و القادمة، و ممكن انه يكون احد مطالبنا انه تكون هذه التغييرات فعالة ابتداء من الدورة الانتخابية القادمة بعد (سنة) و هو وقت مناسب اتصور إذا نريد نبدي بالحملة اليوم،و حتى لو تم اعتمادها بهذه الدورة الانتخابية ، فممكن جدا انه يتم تغيير رئيس الجمهورية ، او حتى إذا انتخب حكومة كوردية ما راح تبقى غير أقل السنة .. اترك إلك الرد على هذه النقطة علمود نطلع بصياغة نهائية للـ (مطلب)

2- أقترح تعدل على النحو ....( يلتزم رئيس الوزراء باختيار الوزراء من ذوي الخبرة والاختصاص ومن حملة الشهادات العليا من غير المنتمين للكتل والاحزاب السياسية وله حق تبديله متى ما راى ذلك ضروريا لمصلحة العمل ) والسبب اكو ثغرة بالنص الي اقترحتة انت (تكنوقراط قد تنصرف الى الشخص المهني المتحزب , وعالجته بالتعديل بعبارة (ذوي الخبرة والاختصاص من غير المنتمين ....الخ)

ولو ما شايفك .. بس اتوقع تكون حلو بالشكل كذلك ، بس نحتاج نصيغها على اساس كونها (مطلب) مو نص قانوني

3- فقرة التزام البرلمان بسن قوانين خلال شهرين اعتباراً من ماذا سامر؟

وأقترح يكون اعتباراً من تاريخ تقديم المقترح الى رئاسة البرلمان مع ملاحظة مهمة , أبرز القوانين المهمة والي تمشي الدولة اخلي سقف زمني حاسم لانه قد يتفقون على عدم تقديم المقترح فيذكر ( وبكل الاحوال يجب ان تشرع القوانين ادناه خلال الفصل التشريعي الاول للبرلمان (السنة الاولى لعمل البرلمان والقوانين هي البنى التحتية - النفط والغاز - الاحزاب - العلم - .....الخ اي قانون ضروري لتسيير عمل الحكومة )

نخلليها خلال شهرين من تاريخ تقديم مشروع القانون إلى رئاسة البرلمان وبس ، هذا كفيل انه يؤدي إلى المصادقة على القوانين اللي ذكرتها (البنى التحتية ، النفط والغاز، الاحزاب) لأن هي اصلا مقدمة إلى مجلس النواب (اما محال إلى مجلس النواب او بالقراءة الاولى او الثانية) صح لو مومو ؟


بس .. يا احمد انته دا تتصور أنه المطالب هي نصوص قانونية لذلك تريد تراعي بيها كل الثغرات ، و هي مو كذلك بالحقيقة، صحيح نكدر نقترح نصوص قانونية ممتازة لتعديل الدستور ، بس شلون نخللي صناع القرار يعتمدون نصوصنا احنه ؟ اللي نكدر عليه اتصور هو الإجبار على الاستجابة للـ (مطالب)

4- ما الة نظير في دساتير دول العالم , دورة وحدة فقط ! يعني على الاقل خلي تمر خطة خمسية حكومية حتى الفشل الحكومي لا يبرر ...واقترح لا يزيد على دورتين أسوة بغالبية النظم العالمية , لان احنا نريد نعالج النشاز ليكون مقبول وليس العكس

خللي اكللك شي ، بمجرد الغاء المحاصصة الطائفية،ومع اصدار قانون الاحزاب راح يتجه الناس إلى خلق قوائم انتخابية يحاول يجمع بيها اكثر من مكون بنفس القائمة علمود بالنهاية تفوز القائمة و يهيمن على البرلمان ، ووما راح يميزه عن غيره من الكتل اللي تسوي نفس الطريقة إلا برنامجه الانتخابي

فإذا فازت نفس الكتلة لدورتين متعاقبتين بسبب برنامجها الانتخابي الراقي، مو مهم اذا عينت نفس رئيس الجمهورية ونفس رئيس الوزراء او غيرهم من نفس الكتلة (بحيث تبقى نفس الحكومة بالأساس)، و طبعا إذا تبدلت الكتلة راح يتبدل تلقائيا الشخصية

طيب هنا راح تسألني، ما دام هذا رأيك ، ليش خليت الفقرة هذه اساسا ؟

خليتها علمود نقنع الناس باعتماد هذه المطاليب، هواي ناس (يجوز 40%) همهم الاول والاخير تبديل رئيس الوزراء الحالي حتى لو يحترك العراق بسبب ضيق افق تفكيرهم ، و ما راح يفهم انه التعديلات هذه من شأنها انه تنتج حكومات راقية تختلف بالنوعية كليا عن اللي شاهدناه بالسنوات السابقة شخصيات واسلوب، بس من يشوف هيج نقطة راح يرتاح وينادي بالمطالب بعلو صوته، وراح نلغي خوف هواي ناس (اللا مبرر) من سيادة الدكتاتورية، و هي بنفس الوقت (الشخصية نفسها) مو مهمة إذا بقت نفس الكتلة او الحزب

إذا ما وافقتني الراي بعد هذا الكلام نخليها دورتين

5- فقرة رئيس الجمهورية واحكام الاعدام حالياً 15 يوم لكن هي (المصادقة ) جوازية , لا باس ان تكون الزامية مع شهر و منعاً للتلاعب نضيف (اعتباراً من تاريخ وصول قرارات الحكم لرئاسة الجمهورية - يعني من تدخل وارد ) لان تعرف فيكات احتساب الوقت كيف يتفنن المغرضين بالتلاعب بيها .

ارجع و اكول . احنه هنا نريد نكتب مطالب ، مو نصوص قانونية و دا نتفق على فحوى المطالب،والمطالب لازم تكون واضحة و مفهومة للشعب ، فمن تستوفي بيها كل الثغرات راح تصير طويلة و غير مفهومة (بس تدخل بيها عدة كلمات مفتاحية راح ما يكمل قرائتها المواطن البسيط)

يعني إذا الشعب طالب بإلزام رئيس الجمهورية بالمصادقة على الاعدام خلال 15 يوم، وجبر البرلمان على اعتماد هذا التعديل،يعني الشعب يريد يسمع فعلا باعدام المجرمين مو تبقى القضية حبر على ورق معقولة راح يجي واحد و يخللي فد لعبة بيها بحيث يرجع الحال كما كان ؟ هذا يكون مجرد لعبة مكشوفة منهم، بالنهاية الشعب يبحث عن نتائج

6- غامض وغير مفهوم , وليس له نظير في دساتير اي دولة اخرى يعني اني وياك كنا نعيب على البرلمان كثرة النصوص التحصينية (الي يحتمون بيها بالدستور) ونأتي بمثله لصالح الحكومة ونحصنها ايضاً!! ما راح نكون منصفين...بالعكس اذا الحكومة تعمل بروح الفريق الواحد والزراء غير مفروضين عليه , اخلي رئيس الوزراء عرضة للاستجوابات البرلمانية (دورهم الرقابي) ولما ما يلكون تقصير, ماكو اقالة

ههههههههههه اوكي لا تصير عصبي

7- هاي الفقرة بيها غموض شنو نوع العقوبات الرادعة ما دام هو النائب وافق يكون خادم للشعب , اعاملة معاملة الخادم (بتكرار الغياب 10 ايام خلال الدورة النيابية 4 سنوات يعتبر مقالاً ) وشوف شلون راح يجرون عدل

هذا اللي ذكرته هو (عقوبة رادعة) .. عموما إذا تريد نصيغ العبارة كالآتي (أن يعتبر النائب مقالا بتكرار غيابه عن 10 جلسات (مدري ايام) خلال الدورة الانتخابية الواحدة) .. رأيك كـ (مطلب) مو نص قانوني

8 - بيها شوية اجحاف , مو الغاء التقاعد وانما احددة بشي بسيط كان يكون (راتب تقاعدي مقداره مليون دينار ) كاي مدير عام او موظف بسيط , مخافة الله هههههه

ههههههههههههههههههههههههه هه .. اي و الله هسة بيش طالبيهم المكاريد هع .. بس شلون نصيغ الـ (مطلب) بهذه الحالة ؟

تحديد الراتب التقاعدي لعضو البرلمان او مجلس المحافظة بـ (مليون دينار فقط)

همة شكد هسة صدك ؟

بالنهاية اتوقع الفقرات المعروضة جدا مفهومة وما تمس حقوق اقليات او اقاليم او محافظات او تحد من صلاحياتها , لان اتوقع الكل يشعر بالكارثة الكبرى في ادارة البلد لكن محد يعرف خارطة الطريق , وبهذا موضوعنا وضعنا اليد على الجرح الاكبر النازف في جسد المريض (العراق) وهو يشكل حسب تصوري 70% من الحلول , والـ 30% الباقية من الحلول تمثل وعي الناس وطريقة اختيارهم للنواب , ومدى ثقافة الاحزاب الصاعدة وادراكها بان العراق لا يجب ان يدار بطريقة الحصص الارثية , وانما للجميع ...واكيد مو مسؤوليتنا هذه المسائل ولا نكدر نحجمها , فقط الاشارة الها
التميمي

شوف .. اني وياك متفقين للغاية، مجرد اني اريد اسويها على شكل مطالب مختصرة بكلمات مألوفة و انته تحاول تصيغها على شكل نصوص قانونية

بانتظارك يا تميمي

[Samer]

نقاش ممتاز قريته سطر سطر.. الدستور بيه كثير تفاصيل تحتاج تغيير.. و جهد رائع ان نبدي نوعي الناس بقضايا مهمة ممكن تغير بلدنا للاحسن. النقاط اللي اقترحته سامر اكيد معظمها ايجابي.. يجوز ما اتفق وياك على بعض النقاط مثل ان يحق لرئيس الوزراء يعين وزراء بكيفه مع اني اتفق وياك انه لازم يكون من حقه اقالة الوزير بدون الرجوع للبرلمان. السبب انه على المدى البعيد انفراد شخص بالحكومة يمهد للانفراد بالقرار و للفساد و للدكتاتورية( ههههههه ادري شغلة الفساد تضحك). بالمناسبة نظامنا بما يتعلق باختيار رئيس الوزراء و الوزراء يشبه النظام الاسرائيلي.. يعني شفت حكومتهم واكفة..ههه.. النقاط اللي اتمنى اغيرها بالدستور مالها علاقة بالحكومة لهذا لن اتطرق لها. اني اتفق و يا الشعب انه مشكلة البرلمان هي المشكلة الاكبر. واحد من يشوف برلمانات العالم يفهم انه نظامنا البرلماني اعرج من اساسه. يعني اعضاء البرلمان لم ينتخبهم الشعب اصلا. فكرة القوائم الانتخابية الغت معنى الديمقراطية الحقيقي. انت تنتخب شخص لكن صوتك قابل للترحيل لاي شخص في قائمته و ليس لديك خيار. هذه كارثة الكوارث تمثيلنا البرلماني عبارة عن عدد محدود من الاشخاص و الباقي دخلوا البرلمان واسطة بالمعنى الحرفي. المالكي حصل اربعمية الف صوت و الهاشمي ميتين الف و علاوي كذلك. و هذا الاسلوب الانتخابي يستحيل ينتج عنه اعضاء برلمان مستقلي الارادة لان مستقبلهم و بالتالي تصويتهم مرتبط برئيس كتلتهم. من هنا بدأت التكتلات الحزبية و الطائفية و ليس فقط من الدستور. و لا اعتقد ان اية دولة ديمقراطية ناجحة في العالم ماشية بهالمنطق اللاديمقراطي.يجب تعديل القانون الانتخابي بحيث يعكس رأي الشعب. في دول العالم التصويت على الشخص بالاساس و حزبه يعبر عن توجهه السياسي فقط و لا يتحكم بارادته . و كثير نواب برلمان في امريكا و العالم يصوتون بما يلائم دائرتهم الانتخابيه و ليس حزبهم لان الناخب هو اللي يدخل النائب للبرلمان مو بس الحزب و دور الحزب يقتصر على الدعم المالي و المعنوي للحملة الانتخابيه. و اذا الحزب اعترض و فصله يمكن يرشح نفسه كمستقل و يبقى شغله ان يحصل بنفسه على تمويل حملته الانتخابيه. الحل ان يكون النظام عالدوائر الانتخابيه .اما تعاد الانتخابات للحاصلين على أصوات اعلى الى ان يحصل احد المرشحين على الحد الادنى او اي اسلوب اخر يضمن ان الناخب يعرف بالضبط اين يذهب صوته. النقطة الثانية اللي يجب العمل عليها هي خلق وسائل تبين اتجاه الرأي العام ووسائل ضغط شعبي اضافة للانتخابات. وحدة من هذه الطرق الحملات الفردية مثل الحملة لإلغاء تقاعد البرلمانيين. الصحافة الوطنية المستقلة مثل ما عملت جريدة المسلة بنشرها وثائق الفساد بصفقة اجهزة كشف المتفجرات. منظمات المجتمع المدني. او التجمعات الانترنتية مثل هذا المنتدى ( بقيادة سامر ) و غيرها.لا تزعل مني سامر لان طلعت عن الموضوع كلششششش بس كل اللي كلته يصب في نقطة علاج الشلل البرلماني الطائفي اللي عدنا. وبصراحة تغيير قوانين الانتخابات بالضغط الشعبي اشوفها اسهل من القفز الى الدستور. اني اؤمن انه البلد ينجح من يكون لكل افراده رأي و دور. ما اكدر احط مصير البلد بيد وزير او نائب و هوه و ضميره بدون ان يكون المواطن واكف على راسهم يتابع و يفضح و يكون عنده قدرة يغير الدستور و القانون و الحكومة. اني ايماني بديمقراطية الشعب الفعال مو الشعب عديم الحيلة. و اني متفائلة انه الشعب العراقي راح يبدي يتحرك اكثر و كل الحركات و الحملات بالحقيقة هي المصنع اللي ينتج قيادات شابه و ذكية. وعليه فاني اؤيد حملتك رغم اختلافنا بالتفاصيل وعلى بركة الله ..

مرحبا اينانا .. لو ادري هيج موضوع يجيبج كان كتبته من زمان:4


باعي..اذا ما خلينا رئيس الوزراء ينتخب وزراء بكيفه، ما راح يكدر يشكل (فريق) للعمل يتجه نحو هدف واحد و هو (انجاح حكومته بالادارة الصحيحة للبلاد) ، على سبيل المثال هسة نوابي بالمنتدى اني اختاريتهم بنفسي، .. لو تجي (عدة منتديات اخرى) و فرضت علي اختيار نواب للمنتدى ، و كل واحد بيهم ولائه للمنتدى الاصلي، شلون راح اكدر اخللي درر العراق ينجح؟

ما ممكن سيادة الدكتاتورية لجهة او شخص واحد ما دام الاساس هو تصويت الشعب بالانتخابات، و بوجود دستور يحمي الناس وحقوقها و ينظم عمل الحكومة، و إذا خايفين من استمرار شخص واحد ، نخللي احد مطالبنا انه يمنع انتخابه لاكثر من دورة او اكثر من دورتين

برأيي الشخصي، .. و ممكن التميمي يشاطرني الرأي، انه نظام الانتخابات نفسه ما بيه مشكلة، المشكلة بالاساس اللي دا يتم اعتماده بتشكيل القوائم الانتخابية، لأن القوائم (والناس) يدرون وراهم اكو محاصصة طائفية، فلازم يصعد اكبر نسبة من (ربعه) علمود يضمن بالنهاية حصوله عل اقل على مقعد وزاري واحد او اكثر

القضية هنا، مثل .. انه اني اسوي نظام (احتساب الزيارات من محركات البحث) و اخللي نجوم وملاعيب للاعضاء اذا زاروا الناس مواضيعهم من خارج المنتدى، هذا راح يخللي الناس تتجه (عل مدى المتوسط) انه يحاول يكتب مواضيع زينة و جاذبة للزوار ، وطبعا اكو قوانين تقيد نوعية المواضيع

وفق وجهة نظري ، وجهة نظر الاخ التميمي، ووجهة نظر هواي ناس أنه الغاء المحاصصة الطائفية عبر الحد من صلاحيات البرلمان (سواء بهذه الدورة او الدورات القادمة) هو الحل لعلاج 90% من المشاكل

إذا غيرتي قوانين الانتخابات ، ممكن نحصل فائدة فقط (10%) .. بس راح نتجه من جديد إلى المحاصصة الطائفية المدمرة ؟ نعم بالتأكيد ، لأن بالنهاية مكونات البرلمان ما راح توافق إلا على وزراء من كتلها و إلا ما توافق على التشكيلة الوزارية ايا كانت، و هنا راح نقضي على اساس اختيار الوزير حسب المؤهلات مثلا، و يكون ولاء الوزير لمكونه او كتلته و تلاص الامور

عقلي وصل إلى هذه النتيجة، انه الغاء المحاصصة الطائفية (اللي اوجدها ثغرة بسيطة بالدستور) هو السبب بحال العراق المتردي، و التصحيح جدير انه يكون من الاساس (الدستور) و اي محاولة تصحيح في مكان اخر راح تكون سطحية و ذات فائدة قليلة او معدومة

[نسمة الدرر]

نتائجكم مثمرة والنقاش ممتع وحلو وايجابي

الله يوفقكم ويبارك بجهودكم

وبنتظار المسودة النهائية للمطالب

وانشاء الله كل عضو من أعضاء الدرر راح يكون قائد لهاي الحملة الوطنية على الصعيد الشخصي ويحاول ينشرها على أوسع نطاق ويمثل دور الاعلامي

وآنه منهم طبعا

بالتوفيق يارب وانشاء الله يكون الفرج على ايديكم لخدمة وطنه الغالي وشعبه المظلوم

[المحامي احمد التميمي]

يا اخي كمت احبك اكثر من زيد (عراقي وبس) ولو خاف يزعل الاخير

انت هم تحب احد! , أشك ههههههههه منو زكي گــمعة , ما اعرفة هع , تحياتي لـــــه

شوف، لو فرضنا انه سوينا (صفحة عل فيس بوك) .. اكيد الصفحة ما راح ينزل بيها بوست واحد .. وإنما العديد من البوستات، لنفرض انه ننزل بالبوست الاول أنه الدستور ولد مشوه وهو سبب المشاكل، و بالثاني نكللهم العراق أولا و مفضل على جميع الشخصيات او بالثالث او العاشر راح ننزل المطالبات اللي راح نتفق عليها، شوف التسلسل مال مواضيعي مثلا، بديناها من موضوع (ما هي مشكلة العراق) إلى أن وصلنا إلى هذا الموضوع

نعم ,التسلسل كان منطقي وجميل ومتابعة وياك من الصفر , تمام

احمد هو رئيس الجمهورية نفسه (ينتخبه) مجلس النواب حسب الدستور (مادة 61) ؟؟.. بهذه الحالة رئيس الجمهورية نفسه راح يكون (اوتوماتيكيا) مرشح الكتلة الاكبر (مهما كانت) ، بالنهاية راح نطلع بـ رئيس جمهورية يمثل خلاصة اصوات الناس بالعملية بالانتخابية (الناس تنتخب البرلمان، البرلمان ينتخب رئيس الجمهورية)، فعلى الأكثر رئيس الجمهورية هو نفسه اللي راح يكون من الكتلة الاكبر (ما لم توجد هنالك شخصية من خارج الكتلة تعجب جميع الكتل) ، وهو راح يكلف (حسب الدستور) رئيس مجلس الوزراء من نفس الكتلة مالته (تلقائيا)، و الاخير يكلف وزرائه حسب مبدأ المؤهلات (ولو عل اكثر راح يخلليهم كذلك من نفس الكتلة اذا يكدر، بس مو مشكلة، بالنهاية راح نعرف نذب اللوم على منو)

اللي اقصده انه ماكو داعي نلزم رئيس الجمهورية باختيار هو يختار اللي يعجبه ما دام هو خلاصة تصويت الشعب ، أنه إنته مجرد تخلص من المحاصصة باختيار الوزراء ، راح هي الامور تمشي عدل اوتوماتيكيا ،و مثل ما صارت المحاصصة بالوزارات كنتيجة الخطأ بالدستور (خطأ تدخل البرلمان باختيار الوزراء )

لا تفكر انه حاليا مثلا رئيس الجمهورية كوردي بحيث اكو داعي (نلزمه بكذا او بكذا) رئيس الجمهورية بهذه الدورة ايضا تم اختياره بناء على المحاصصة الطائفية لهذه الدورة الانتخابية، التغييرات اللي نريد نسويها بالدستور راح تكون فعالة للدورات الانتخابية القادمة و القادمة، و ممكن انه يكون احد مطالبنا انه تكون هذه التغييرات فعالة ابتداء من الدورة الانتخابية القادمة بعد (سنة) و هو وقت مناسب اتصور إذا نريد نبدي بالحملة اليوم،و حتى لو تم اعتمادها بهذه الدورة الانتخابية ، فممكن جدا انه يتم تغيير رئيس الجمهورية ، او حتى إذا انتخب حكومة كوردية ما راح تبقى غير أقل السنة .. اترك إلك الرد على هذه النقطة علمود نطلع بصياغة نهائية للـ (مطلب)

ممكن توضحلي شلون رئيس الجمهورية اوتوماتيكيا هو مرشح الكتلة الاكبر؟؟؟ منين دبرتها هاي , لا ماكو هيج أرجع للدستور وشوف هاك النص مقتبس 61/دستور
يختص مجلس النواب بما يأتي:
اولاً :ـ تشريع القوانين الاتحادية .
ثانياً :ـ الرقابة على اداء السلطة التنفيذية.
ثالثاً :ـ انتخاب رئيس الجمهورية.

ومع ذلك حتى التطبيق العملي ما يسعف هذا الي تتكلم عنة الرئيس الطالباني ممثل عن الكتلة الفائزة تسلسل 4 مو 1 بعد العراقية والقانون والوطني (والكردستاني الي هوة منها)

زين , اني افهم منك انت تريد تفك الترابط بين رئيسي الجمهورية والوزراء بحيث محد يختار الثاني واثنينهم يختارهم البرلمان وما يكدر يتراجع البرلمان عن اختياره ....اذا هذا القصد ترة ما صايرة هع خوب فد نوب فك ارتباطهم حتى من مجلس النواب وخلي انتخابهم مباشر من الشعب حتى تنطيهم حصانة وحرية اكثر وبهذا ما راح يكون فضل للبرلمان عليهم ولو هذا غير ممكن لان بهل حالة انت راح تنقلنا من نظام برلماني الى نظام رئاسي , ويختفي رئيس الوزراء ويبقى رئيس الجمهورية هو رئيس الوزراء , ونرجع للصفررررررر من جديد لان هذا يتطلب تعديل للدستور بفقرة طبيعة نظام الحكم في العراق الموجودة بالدستور , وهذي الفقرة مستحيل يكدر احد يتلاعب بيها ,,,

فبقينا اني وياك بدائرة مغلقة بخصوص هل فقرة ( شلون نحصن رئيس الوزراء من تدخل البرلمان وهوة لازم يختارة البرلمان!!! او يصادق على اختيارة )


ولو ما شايفك .. بس اتوقع تكون حلو بالشكل كذلك ، بس نحتاج نصيغها على اساس كونها (مطلب) مو نص قانوني


هههههه سامر اني حتى بالبيت طريقتي بالتعامل مع اخواني قضائية , وبعبارات قانونية ....كلشي اشوفة قانون واكون دقيق بصياغتة على شكل نصوص ,,, فانت حول النصوص الى مطالب بطريقتك اما اني ما اكدر او تستعين بصديق هع



نخلليها خلال شهرين من تاريخ تقديم مشروع القانون إلى رئاسة البرلمان وبس ، هذا كفيل انه يؤدي إلى المصادقة على القوانين اللي ذكرتها (البنى التحتية ، النفط والغاز، الاحزاب) لأن هي اصلا مقدمة إلى مجلس النواب (اما محال إلى مجلس النواب او بالقراءة الاولى او الثانية) صح لو مومو ؟

هذا في الوقت الحاضر لان ماكو نص يجبرهم يقروها خلال مدة محددة لكن من يصير دستور , راح تشوف مماطلات اللجان بتقديم المقترح الى رئاسة اللمجلس و ومع ذلك مو مشكلة


بس .. يا احمد انته دا تتصور أنه المطالب هي نصوص قانونية لذلك تريد تراعي بيها كل الثغرات ، و هي مو كذلك بالحقيقة، صحيح نكدر نقترح نصوص قانونية ممتازة لتعديل الدستور ، بس شلون نخللي صناع القرار يعتمدون نصوصنا احنه ؟ اللي نكدر عليه اتصور هو الإجبار على الاستجابة للـ (مطالب)

جاوبتك عليها , اني اشوف الدنيا بعين القانون

خللي اكللك شي ، بمجرد الغاء المحاصصة الطائفية،ومع اصدار قانون الاحزاب راح يتجه الناس إلى خلق قوائم انتخابية يحاول يجمع بيها اكثر من مكون بنفس القائمة علمود بالنهاية تفوز القائمة و يهيمن على البرلمان ، ووما راح يميزه عن غيره من الكتل اللي تسوي نفس الطريقة إلا برنامجه الانتخابي

فإذا فازت نفس الكتلة لدورتين متعاقبتين بسبب برنامجها الانتخابي الراقي، مو مهم اذا عينت نفس رئيس الجمهورية ونفس رئيس الوزراء او غيرهم من نفس الكتلة (بحيث تبقى نفس الحكومة بالأساس)، و طبعا إذا تبدلت الكتلة راح يتبدل تلقائيا الشخصية

طيب هنا راح تسألني، ما دام هذا رأيك ، ليش خليت الفقرة هذه اساسا ؟

خليتها علمود نقنع الناس باعتماد هذه المطاليب، هواي ناس (يجوز 40%) همهم الاول والاخير تبديل رئيس الوزراء الحالي حتى لو يحترك العراق بسبب ضيق افق تفكيرهم ، و ما راح يفهم انه التعديلات هذه من شأنها انه تنتج حكومات راقية تختلف بالنوعية كليا عن اللي شاهدناه بالسنوات السابقة شخصيات واسلوب، بس من يشوف هيج نقطة راح يرتاح وينادي بالمطالب بعلو صوته، وراح نلغي خوف هواي ناس (اللا مبرر) من سيادة الدكتاتورية، و هي بنفس الوقت (الشخصية نفسها) مو مهمة إذا بقت نفس الكتلة او الحزب

إذا ما وافقتني الراي بعد هذا الكلام نخليها دورتين

دورتين سامر رحمة لاهلك عصفور في اليد خير من بطة على الشجرة ... يعني انت هيج عندك امل الناس تنتخب على البرنامج وتعوف ربعها واحزابها !! والله مو اشك متاكد محد يسويها , لان اللاستقطاب الطائفي بالنتخابات اكبر بكثير عن اي حملة فيسبوكية وبافضل الاحوال ما راح تتجاوز نسبة التغيير 1% مو اريد احبط الهمم , بس عن قناعة



ارجع و اكول . احنه هنا نريد نكتب مطالب ، مو نصوص قانونية و دا نتفق على فحوى المطالب،والمطالب لازم تكون واضحة و مفهومة للشعب ، فمن تستوفي بيها كل الثغرات راح تصير طويلة و غير مفهومة (بس تدخل بيها عدة كلمات مفتاحية راح ما يكمل قرائتها المواطن البسيط)


عمي اني قانوني والحياة نصوص هههه اوكي هاي سهلة


يعني إذا الشعب طالب بإلزام رئيس الجمهورية بالمصادقة على الاعدام خلال 15 يوم، وجبر البرلمان على اعتماد هذا التعديل،يعني الشعب يريد يسمع فعلا باعدام المجرمين مو تبقى القضية حبر على ورق معقولة راح يجي واحد و يخللي فد لعبة بيها بحيث يرجع الحال كما كان ؟ هذا يكون مجرد لعبة مكشوفة منهم، بالنهاية الشعب يبحث عن نتائج


مو مشكلة لا خلاف على هذي الفقرة


ههههههههههه اوكي لا تصير عصبي

عليمن هالعصبية , احنا نريد نصلح والمصلح يتحمل


هذا اللي ذكرته هو (عقوبة رادعة) .. عموما إذا تريد نصيغ العبارة كالآتي (أن يعتبر النائب مقالا بتكرار غيابه عن 10 جلسات (مدري ايام) خلال الدورة الانتخابية الواحدة) .. رأيك كـ (مطلب) مو نص قانوني

هم نعدلها بشكل وسطي مقبول , فماكو مشكلة اهنا ما دام الجوهر واحد


ههههههههههههههههههههههههه هه .. اي و الله هسة بيش طالبيهم المكاريد هع .. بس شلون نصيغ الـ (مطلب) بهذه الحالة ؟

تحديد الراتب التقاعدي لعضو البرلمان او مجلس المحافظة بـ (مليون دينار فقط)

همة شكد هسة صدك ؟

ههههههههههههههه يعني راتب تقاعدي للمدير العام ما يقل عن مليون ونص , بس بسبب الضغط الشعبي احنا ننزل النائب الى دون المدير العام ونخليه مليون ,,,
ما ادري نتركها بلا تحديد بس نكول الغائها حتى ما نتقاطع مع حملة الغاء تقاعد البرلمان ...مجرد راي

شوف .. اني وياك متفقين للغاية، مجرد اني اريد اسويها على شكل مطالب مختصرة بكلمات مألوفة و انته تحاول تصيغها على شكل نصوص قانونية
الحمد لله ماكو شي جوهري مختلفين عليه بس نحتاج حالة وسط ندمج بيها المطالب والنصوص القانونية ونطلع بـــ مطالب انقاذ دستورية

يعني مسالة صياغة فقط , لكن تحتاج دقة ما دام اهم المعوقات شخصناها تفصيلياً , طبعا اني بديت اتفائل ما ادري ليش
بانتظارك يا تميمي

تعال سامر گــابلني ههههههه وخلي نرسيها على جانب ونطلع بشي نافع

[qas!m]

اخوان اللي مرينا به بعد الانتخابات السابقة
ان الكتل الكبيرة والمؤثرة
اتفقت في ما بينها على المرشحين للرئاسات الثلاث
وطبعا اكو عرف (غيردستوري ) مرروا الجماعة( استنساخا للحالة اللبنانية ) بحيث كل طائفة منها رئيس سلطة معينة
وهذا نوع من المحاصصة المشؤومة
لكن اذا الغي هذا العرف..... شلون الكتل راح تتفق على رئيس الجمهورية
واذا ما الغي بقت بذرة المحاصصة على حساب الكفاءة
هاي شلون تنحل ؟
ـــــــــــــــــــــــــ ـــــــــــــــ

[المحامي احمد التميمي]

اخوان اللي مرينا به بعد الانتخابات السابقة
ان الكتل الكبيرة والمؤثرة
اتفقت في ما بينها على المرشحين للرئاسات الثلاث
وطبعا اكو عرف (غيردستوري ) مرروا الجماعة( استنساخا للحالة اللبنانية ) بحيث كل طائفة منها رئيس سلطة معينة
وهذا نوع من المحاصصة المشؤومة
لكن اذا الغي هذا العرف..... شلون الكتل راح تتفق على رئيس الجمهورية
واذا ما الغي بقت بذرة المحاصصة على حساب الكفاءة
هاي شلون تنحل ؟
ـــــــــــــــــــــــــ ـــــــــــــــ

عاشت ايدك ابو بنين تمام , والحالة العراقية واللبنانية يسموها حكومات توافق
لكن ....مع فرق بسيط
اللبنانية كانت بناءً على اتفاق مكتوب , انه المنصب الجمهورية للمسيح والبرلمان للشيعة ورئاسة الحكومة للسنة اتوقع اتفاق الطائف, اما العراق لا بالاتفاق الغير رسمي بين الكتل السياسية

معلومة جميلة عاشت ايدك

[qas!m]

احمد
هل يستطيع الدستور ان يحصر الرئاسات الثلاث
بالكتل الاكبر الثلاث بغض النظر عن قومياتهن وطوائفهن
وهاي الكتل هي المفروض تتفق على المرشحين واشوف هذا الشي بسيط
هذا راح - مع وجود حسن النية - يؤدي الى تنافس حتى بنسب التصويت
ومقدار تحقيق رغبات الناخبين
ممكن هيج حالة لو لا
ـــــــــــــــــــــــــ ــــــــــــــ
طبعا هنا لازم نأكد على طرح اينانا
بخصوص قانون الانتخابات وما به
من طرق لتزوير ارادة الناخب
هذا الشي جدا مهم
لان الفائزين هم المعنيين بتطبيق التعديلات في حال اقرارها
ـــــــــــــــــــــــــ ـــــــــــــــــــــــــ ــــــــــ
لذلك اشوف من اللازم حملة ثانية الان او بعدين للتحذير
من قانون الانتخابات واسلوب قوائمه العجيب