هنا

[المحامي احمد التميمي]

أحمد ..ما تتوقع الحد اللي وصلله إعجابي بيك ..

اني مبرمج أكثر من كوني مهندس وايضا مصمم مواقع (و حاليا قانوني هع) ، افهم احتياجات المستخدم البسيط (اللي نريد نعتمد عليه من جهة) و افهم كذلك أنه تصحيح الأخطاء الأساسية بالبرنامج هو الإجراء الأول نحو تصحيح كامل البرنامج، و كثير من التفاصيل الجزئية راح تنحل بصورة اوتوماتيكية إذا صححنا الخلل الأساسي

مثلا لو وضعنا سقف زمني للبرلمان للمصادقة على القوانين وصار على شكل فقرة بنفس الدستور، هنا راح نحل هواي مشاكل متعلقة باصدار القوانين وتعديلها لاحقا كذلك إذا كان بيها خلل

و أفهم إذا كدرنا نقضي على قضية المحاصصة الطائفية بالوزارات (من خلال التعديل على الدستور)، راح نتمكن من معالجة عدد هائل من المشاكل الموجودة حاليا

نريد نعرض للناس (الأخطاء الأساسية والمهمة) اللي سببت (حال البلد البائس حاليا) ونعرضلهم من جانب اخر (التعديلات المقترحة بالدستور والقوانين اللي سببت هذا البؤس) ونخلليهم يفهمون معناها بنسبة 80% بمجرد قراءتها ، مع توفير التفاصيل للنسبة القليلة اللي تريد التفاصيل ، بهذه الطريقة بس هذا يتطلب أنه نعرضلهم (نقاط مختصرة وواضحة)


انته تعرف انه العراقيين يحاولون يبتعدون عن التفاصيل المملة و المطولة، اي واحد بيهم ما يعجبه يقرا اكثر من خمس اسطر والباقي يشربته عل سريع، شلون نكدر نخللي النسبة الاكبر تفهم (المشكلة الاصلية وين) وتوصل للي وصلناه احنه (ومتابعينا) بهذا الموضوع ولو عل اكثر انته فاهم وين الخلل من البداية،

حملة الغاء تقاعد البرلمان .. ليش اشتهرت و نجحت .. تدري ليش ؟ لان متكونة من (ثلاث كلمات بس) اللي هي الغاء تقاعد البرلمان، واضحة للناس و ما تدوخ نفسها بيها، مجرد (شير ولايك) والحك ربعك

راح نحاول (نمون) عل ناس اكثر، بحيث نخلليهم يقرون (5 اسطر) مشاكل، مقابل (5 اسطر) حلول بس، على شكل صورة ممكن عمل (شير) إلها بالفيس بوك بمنتهى السهولة هذا كمثال بس .. و هذا بعد ما ننهي نقاشنا هنا و نقترح مختصر التعديلات المقترحة للاخطاء المعروضة بشكل مختصر

إذا تفائلنا وصار اللي ببالنا، و كدرنا نخللي الناس تضغط على البرلمان لغرض إجراء التعديلات الدستورية المقترحة، اكيد راح هنا يتفعل دور (لجنة التعديلات الدستورية) بحيث تدرس هذه التعديلات (اللي الناس تريدها) و ايضا تعديلات اخرى لسد باقي اخطاء وثغرات الدستور العزيز

ممكن طبعا، انه نسوي اصدارين من زوج (أخطاء - تعديلات مقترحة) واحد مختصر والاخر تفصيلي (شامل لكل الاخطاء) نوجه الاصدار المختصر للناس الاعتياديين، و الاصدار التفصيلي للقانونيين، عموما الاصدار التفصيلي يتطلب جهد كبير اتصور

إذا كدر الشعب يجبر البرلمان على تغيير الدستور، راح يكون ممكن التعديل على كل الفقرات بدون استثناء (حتى غير القابلة بالتعديل حسب نفس الدستور) ، و هنا ممكن أنه يتم طرح النسخة المعدلة للناس لغرض التصويت عليها مثل ما صار بالت 2005 علمود تكتسب الشرعية من جديد اتصور.

مسألة الغاء فقرة مجلس الاتحاد ، ممكن نضمنها بالاصدار التفصيلي ، لأن هو نفسه (حاليا) مومشكلة، هو مشكلة او كارثة متوقعة بس ما صايرة لحد الان ، و ما راح نكدر نقنع الناس البسطاء (مباشرة) انه اكو فقرة اسمها (مجلس الاتحاد) لازم ايضا يتم الغاءها، كافي عليهم انه يفهمون شنو حلول المشاكل الحالية ، هذا نتركه إلى وقت استحكام النية الحقيقية بالشروع بتعديل الدستور فعلا

شنو رأيك لحد هنا ؟

ههههههههههه خوفي من تاليته هذا الاعجاب , بيا داهية راح تشمرني هع - ممنون ^_*

شوف سامر , الفكرة الي تطرحها كلش حلوة , انه نحدد اهم المعوقات والعراقيل في الدستور بشكل مختصر بقائمة لتجنب التململ من القراء , ونخلي قائمة ثانية بالحلول ايضا باختصار ,لنفس السبب , لكن تعال ناقشني بملاحظاتي البسيطة هذه:
1- يجوز انت نسيت حملة الغاء تقاعد البرلمان نجحت بالاضافة للسبب هذا الي ذكرته , انه الصور الفوتوغرافية لعبت دور كبير وهائل جداً , اني مو فني ولا اعرف اسوي صور لكن شفت انه اغلب ما ينشر هو صور فوتوغرافية تداعب مشاعر المتلقي ( الفقراء والمعدومين والمحرومين والمرضى والمعوزين....+&+ صور البذخ والاسراف والترف والنعيم الي عايشيه البرلمانيين ) طيب بحملتنا شنو نكدر نخلي صور ,!!!!! صورة احمد وسامر متكافشين على الصلاحيات

2- بموضوع التعديلات الدستورية الضرورية على الاقل ( الي اتوقع راح تكون محور نقاشنا او الزبدة الي نتوصل الها على شكل نقاط مختصرة)
انت يجوز تعرف ( اي شخص يتكلم عن ضرورة تعديل الدستور او حملة بهل جانب ) راح يتهم ...بعثي /معادي للعملية السياسية/ مغرض/ ذو اجندات ....الخ والسبب ياما حملات تشويهية خاضتها عشر ات القنوات الفضائية ومواقع .....لكن هذي الحملات تفرق انها للتشويه ان هذا الدستور فارسي او سلم العراق لايران .....الخ(مو تقويمية واقعية مثل ما احنا نفكر بموضوعنا هذا) ومن تاريخ سن الدستور 2005 وليومك هذا , حتى صارت مملة للمتلقي وقديمة ومحد يؤمن بيها .

شنو رأيك

[المحامي احمد التميمي]

وتدخل مجلس النواب ( سلطة تشريعية) بعمل الحكومة وعرقلتها في تنفيذ القوانين التي لاتخدم مصالح بعض الكتل وخاصة فيما يتعلق بمحاسبة المسؤؤلين المتورطين بالفساد المال والاداري

ما فهمت السؤال ؟ كيف يعني ممكن توضيح؟ الي يفترض يراقب هو البرلمان , لكن البرلمان يعرقل جهود محاربة الحكومة للفساد , ما افهم شلون


الي أقصده مو خطأ دستوري وانما اذا صار تقصير من أحد الوزراء راح اتهب الكتلة النيابية التابع الها للدفاع عنه وتبرئته

مضبوط , يجوز التعبير خان الي تقصديه نسمة العزيزة , المعرقل لجهود محاربة الفساد مو البرلمان , وانما الكتلة السياسية الي ينتمي الها الوزير المقصر ....عاشت ايدج على التوضيح القيم والمداخلة الرائعة بالفعل هذي احد صور المحاصصة الي أشرناها

[المحامي احمد التميمي]

اذن نرى بانهم هم من وضعو الدستور وهم من يعطلون الدستور فالبرلمان مرتبط بالحكومة لوجود مقاعد تساعدها على العمل والايقاف وكذلك الاحزاب الاخرى لها مقاعد تعمل على العمل والايقاف لصالحها حسب الاغلبيه والشعب هو من صوت على ذلك الدستور فما هي السبل القانونيه التي تقف تلك الخروقات فالحكومة تريد شيئ والبرلمان يريد شيئ وكل منهم له تكتلات سياسية وحزبيه فما هو الحل من وجهتك القانونيه والقصد من الاجتهاد ليس كشخص بل كجهة قانونية لها القدرة على توضيح ما نجهله بالقانون

مداخلة قيمة عاشت ايدك , اخي العزيز بالفعل هذا الي تتكلم عنه صورة من صور المحاصصة , والحل القانوني وسبيل النجاة الممكن التعويل عليه بهذا الجانب ...هو تعديل الدستور الي جميعهم يدعي انه حامي الدستور , حتى يقاد البلد الى بر الامان بحكومة مطلقة اليد تحاسب وزرائها بعيداً عن البرلمان وهيمنته وتكتلاته ...وبوقتها من تحاسب الحكومة او الوزير عن الفشل محد يكدر يتحجج بالبرلمان , لان الوزير الفاشل راح ينحسب على رئيس الوزراء وليس البرلمان
مودتي

[ليديا]

انعطافة جميلة جدا اعتقد حان وقت العمل

هذا المقطع الذي احبه اذا احتجتم لكامرتي فهي بالخدمة

[Samer]

ههههههههههه خوفي من تاليته هذا الاعجاب , بيا داهية راح تشمرني هع - ممنون ^_*

هههه لا تخاف .. احنه ما نحارب احد بالعكس، احنه راح نطلع بمقترح يخدم جميع الاطراف والمكونات .. حتى الحكومة الحالية عل اكثر راح تكون راضية

شوف سامر , الفكرة الي تطرحها كلش حلوة , انه نحدد اهم المعوقات والعراقيل في الدستور بشكل مختصر بقائمة لتجنب التململ من القراء , ونخلي قائمة ثانية بالحلول ايضا باختصار ,لنفس السبب , لكن تعال ناقشني بملاحظاتي البسيطة هذه:
1- يجوز انت نسيت حملة الغاء تقاعد البرلمان نجحت بالاضافة للسبب هذا الي ذكرته , انه الصور الفوتوغرافية لعبت دور كبير وهائل جداً , اني مو فني ولا اعرف اسوي صور لكن شفت انه اغلب ما ينشر هو صور فوتوغرافية تداعب مشاعر المتلقي ( الفقراء والمعدومين والمحرومين والمرضى والمعوزين....+&+ صور البذخ والاسراف والترف والنعيم الي عايشيه البرلمانيين ) طيب بحملتنا شنو نكدر نخلي صور ,!!!!! صورة احمد وسامر متكافشين على الصلاحيات

هههه نسيت اكول شنو يعني صورة، اني اقصد صورة و عليها كتابة لغرض انه تكون واضحة .. فد شي مثل هذا مثلا:



بعد ما نتفق شنكتب بالضبط بهذه اللوحة ، وراح نستقطب المثقفين بالدرجة الاولى اللي راح يفهمون شنو معنى اللي مكتوب بسهولة ويسر ونشرحلهم (بصورة تفصيلية خارج الصورة) ليش هذا التعديلات راح تسبب بالنهاية رضى جميع المكونات والاطراف (حتى المعارضين الصريحين للحكومة الحالية كاحتمال متفائل)

2- بموضوع التعديلات الدستورية الضرورية على الاقل ( الي اتوقع راح تكون محور نقاشنا او الزبدة الي نتوصل الها على شكل نقاط مختصرة)
انت يجوز تعرف ( اي شخص يتكلم عن ضرورة تعديل الدستور او حملة بهل جانب ) راح يتهم ...بعثي /معادي للعملية السياسية/ مغرض/ ذو اجندات ....الخ والسبب ياما حملات تشويهية خاضتها عشر ات القنوات الفضائية ومواقع .....لكن هذي الحملات تفرق انها للتشويه ان هذا الدستور فارسي او سلم العراق لايران .....الخ(مو تقويمية واقعية مثل ما احنا نفكر بموضوعنا هذا) ومن تاريخ سن الدستور 2005 وليومك هذا , حتى صارت مملة للمتلقي وقديمة ومحد يؤمن بيها .

الناس حايرة .. تبحث عن حلول لوضعها المأساوي ، راح نقنعهم بوسيلة او باخرى أنه هذا هو الحل الجذري لكل مشاكل العراق، حل يتضمن عدم اسقاط حكومة كاملة او دستور كامل، و إنما يتضمن مجرد تعديلات صغيرة (اساسية) بالدستور ، طبعا بعد ما نقنعهم انه الدستور هو سبب المشكلة بالاصل، هسة بعد ما اسمع تعليقك.اريد نرجع للـ اخطاء علمود (نتوافق هع) عليها ونكتبها بالجهة اليمنى من اللوحة ونشوف شنو نكتب كـ (تعديلات) نكتبها بالجهة اليسرى من اللوحة (اكتبلك مسودة) طبعا و اشوفك تصادق عليها لو لا خخخ

[المحامي احمد التميمي]

هههه لا تخاف .. احنه ما نحارب احد بالعكس، احنه راح نطلع بمقترح يخدم جميع الاطراف والمكونات .. حتى الحكومة الحالية عل اكثر راح تكون راضية


هههه نسيت اكول شنو يعني صورة، اني اقصد صورة و عليها كتابة لغرض انه تكون واضحة .. فد شي مثل هذا مثلا:



بعد ما نتفق شنكتب بالضبط بهذه اللوحة ، وراح نستقطب المثقفين بالدرجة الاولى اللي راح يفهمون شنو معنى اللي مكتوب بسهولة ويسر ونشرحلهم (بصورة تفصيلية خارج الصورة) ليش هذا التعديلات راح تسبب بالنهاية رضى جميع المكونات والاطراف (حتى المعارضين الصريحين للحكومة الحالية كاحتمال متفائل)





الناس حايرة .. تبحث عن حلول لوضعها المأساوي ، راح نقنعهم بوسيلة او باخرى أنه هذا هو الحل الجذري لكل مشاكل العراق، حل يتضمن عدم اسقاط حكومة كاملة او دستور كامل، و إنما يتضمن مجرد تعديلات صغيرة (اساسية) بالدستور ، طبعا بعد ما نقنعهم انه الدستور هو سبب المشكلة بالاصل، هسة بعد ما اسمع تعليقك.اريد نرجع للـ اخطاء علمود (نتوافق هع) عليها ونكتبها بالجهة اليمنى من اللوحة ونشوف شنو نكتب كـ (تعديلات) نكتبها بالجهة اليسرى من اللوحة (اكتبلك مسودة) طبعا و اشوفك تصادق عليها لو لا خخخ

ههههههههه بعدني مصر على رأيي انت راح توديني 60 داهية , اصادق عالشغل مو!! ... نائب رئيس البرلمان اني هع
حلو الشغل , طبعاً كل اجتماع او ورشة عمل او دورة , لازم تطلع بمخرجات هي أشبه بتوصيات لتطوير عمل ما او معالجة مشكلة ما , وبالتأكيد عن دراسة مستفيضة ونوعية بعد احاطة موضوع (المشكلة ) من كل جوانبها, واني اتوقع الي توصلنالة لا باس بيه كبداية , بس هم عندي بعد ملاحظات سامر

1- اتمنى لو نشرك اكبر عدد ممكن من مثقفي الدرر كل واحد ينطينا نقطة بـ ( الاخطاء ) او حتى (الحلول من وجهة نظره) حتى نناقشها باسهاب وبشكل ممل وتفصيلي , وليش هية خطا وتطبيقاتها الخاطئة شنو صورها ....الخ
2- اتمنى او اقترح تضيف حقل ثالث بالصورة ( الاخطاء في الدستور المقترحات او التعديل المقترح الاسباب الموجبة - المبررات) حتى تكون الصورة متكاملة
يعني مو كافي تكشف خطا وتخلي حل , بلا أسباب موجبة او مبررات تعديل...حتى الصورة تكون متكاملة وانصع وتستقطب المتلقي
وعاشت ايدك مجدداً

[Samer]

ههههههههه بعدني مصر على رأيي انت راح توديني 60 داهية , اصادق عالشغل مو!! ... نائب رئيس البرلمان اني هع

ههههههههههههه .. هاي شبيك .. (أوّي ألبك) ههههه

حلو الشغل , طبعاً كل اجتماع او ورشة عمل او دورة , لازم تطلع بمخرجات هي أشبه بتوصيات لتطوير عمل ما او معالجة مشكلة ما , وبالتأكيد عن دراسة مستفيضة ونوعية بعد احاطة موضوع (المشكلة ) من كل جوانبها, واني اتوقع الي توصلنالة لا باس بيه كبداية , بس هم عندي بعد ملاحظات سامر

1- اتمنى لو نشرك اكبر عدد ممكن من مثقفي الدرر كل واحد ينطينا نقطة بـ ( الاخطاء ) او حتى (الحلول من وجهة نظره) حتى نناقشها باسهاب وبشكل ممل وتفصيلي , وليش هية خطا وتطبيقاتها الخاطئة شنو صورها ....الخ

الدرر دا يشوفون الموضوع و اني دعيتهم بكل قوة للمشاركة، و قسم منهم شاركوا مشاركة فعالة والبعض لفتوا (انظاري على الاقل) إلى ثغرات مهمة (مثل احمد البغدادي بخصوص مصادقة رئيس الجمهورية على احكام الاعدام ومشكلة عدم وجود سقف زمني للمصادقة) ، بالنهاية الدرر كمستخدمين اعتياديين ، يريدون (الزبدة) بالنهاية، ولازم نطلعلهم بزبدة ، و نعرضها عليهم بالطريقة (المختصرة) كتجربة قبل ما ننطلق بالحملة الدعائية الحقيقية.

2- اتمنى او اقترح تضيف حقل ثالث بالصورة ( الاخطاء في الدستور المقترحات او التعديل المقترح الاسباب الموجبة - المبررات) حتى تكون الصورة متكاملة
يعني مو كافي تكشف خطا وتخلي حل , بلا أسباب موجبة او مبررات تعديل...حتى الصورة تكون متكاملة وانصع وتستقطب المتلقي
وعاشت ايدك مجدداً

المبررات للاسف ما نكدر نحصرها بـ (لوحة فيسبوكية) ، لأن المببرات تتطلب شرح تفصيلي اوشرح مختصر، على اي حال هو شرح، ممكن نكتبه على شكل موضوع بالمنتدى (بالاضافة إلى نفس اللوحة) او صفحة خاصة برابط قصير بالموقع ... وبحالة الفيس بوك، نكدر نكتبها فوق الصورة مثلا اونشير للرابط مالتها بدرر العراق

عل عموم الصورة عندي ضبابية لحد ما نكمل مسودة الاخطاء والتعديلات .. ممكن حتى نختصرها إلى (تعديلات فقط) او نسويها (تعديلات ومببرات) . ما ادري بعد لحد ما اكمل .. راجع بعد قليل

[ليديا]

صحيح أين بقية الدرر ؟؟؟

[بـاران]

صحيح أين بقية الدرر ؟؟؟

ذهبو الى يثرب جميعا..

[هدوء الكون]

صحيح أين بقية الدرر ؟؟؟

عيوني شاركت وهسة داتابع من بعيد اريد اشوف وين راح يوصلون حتى ياخذوني وياهم دادة