السلام عليكم
لا تكول(شعلية) .. بعض فقرات هذا الدستور هي اساس المصائب بالشعب العراقي، ما نكول كله غلط، بالعكس معظمه صح ، بس اكو بعض المفردات بمحتواه هي اللي أدت إلى وجود (المحاصصة الطائفية) و كان على كاتبي هذا الدستور الإلتفات إلى أن هذه المفردات راح تسبب مشاكل لاحقا، و هسة المشاكل هذه سببت شلل كامل بعمل الحكومة، و لازم يتم تغيير هذه المفردات
لازم تصرف من وقتك (نصف ساعة) لمراجعة دستور بلادك .. ما اريد اكثر من (نصف ساعة من وقتك) لمراجعة دستورك علمود من تحجي تعرف شتحجي، و من تطالب تعرف بيش تطالب .. تفضل بقراءة الدستور على هذا الرابط بداخل موقعنا (بعد ما رتبته شوية):
http://dorar-aliraq.com/t/20667
اغلب التفاصيل مو مهمة و منها المقدمة، بس المهمة هي اللي تتعلق بصلاحيات مجلس الوزراء، و صلاحيات مجلس النواب ، و صلاحيات رئيس الجمهورية و كيفية تعيينهم و كيفية اقالتهم .. حاول تركز على هذه التفاصيل اكثر من غيرها (اقرا لخاطر الله)
بعد ما تقرا الدستور، اكيد اكو تفاصيل ما راح تفهمها ..لذلك خصصنا هذا الموضوع للإجابة عن الاسئلة بخصوص الدستور ، و راح يقوم الاخ العزيز (المحامي احمد التميمي) للإجابة عن هذه الأسئلة مشكورا .. و للمعلومات رسالة الماجستير للاستاذ احمد التميمي معظمها بخصوص الدستور، يعني مفلسه تفليس
بانتظار اسئلتكم حتى لو كان بسيط مثلا (شنو يعني الاغلبية المطلقة وشتفرق عن الاغلبية البسيطة) . من كل واحد نريد سؤاااااااال، اسألوا عن كلشي وكلاشي بخصوصه ، علمود نعرف شنو سبب المشاكل اللي تعاني منها الحكومة الان ، وليش هي عاااااااااجززة تماما
رد مع اقتباس
المشاركة الأصلية كتبت بواسطة Samer
