قصيده رثائيه للامام علي عليه السلام ( على طور سلام الله على صوتك حبيبي يا حسين)
المستهل:
سلام الله على علي امير المؤمنين
* * * *
يا علي محد يعرفك غيري اني والاله
كَالهه الهادي محمد والمحب يسمع نداه
الناصبي لمن سمعهه جن سهم صكه وعماه
حجة الباري علينه وشهد كل العالمين..سلام الله على علي امير المؤمنين..
* * * *
ابن ملجم تبت ايدك هاذه ابن عم الرسول
هاذه باب الله الوسيعه يحرم عليك الدخول
هاذه للايمان مصدر بالفروع وبالاصول
من طُبرته براسه تدري تهدم وينزف الدين..سلام الله على علي امير المؤمنين..
* * * *
الف حيف انطبر حيدر ضجت املاك السماء
من وكَع ظلت تصلي كل جروحه والدماء
بجت الايتام لجله وبجت حتى الانبياء
الحسن ناده من ايدينه راح ابونه ياحسين..سلام الله على علي امير المؤمنين..
* * * *
شلون يا شيعه وليكم علي بالمحراب طاح
زيدو هذاه اليوم ونكم والبواجي والنياح
والوحي ناح عله فكَده جبريل بعالي الصياح
تهدمت اركان الهدايه صرح الروح الامين..سلام الله على علي امير المؤمنين..
* * * *
علي اولاده تدفنه وتبجي يمه بكل حنان
والولي يبجي عله ابنه الحسن ينسم برِ ِهان
والحسين يفيض دمه تلاثه يبقه بلا جفان
وبخدر زينب يوصي علي لعباس الامين..سلام الله على علي امير المؤمنين..
قلم صبر الحسن
رد مع اقتباس
المشاركة الأصلية كتبت بواسطة ابو علي المياحي
