هنا

[Samer]

الضوابط يعبر عنها بعادات وتقاليد المجتمع وتكون متأصله وموروثة نابعة من الفكر الاسلامي تنعكس على مجمل مظاهر الحياة من مسكن وملبس وعرف ...الخ ولا ارى ان يتم دمج هذه الضوابط مع السياسة او الحكم كونها معروفة عن الناس وهم احرار في مدى درجة الالتزام بها ... كون دخول الدين في الحكم يفرز مشاكل خاصة في مجتمع متلون فليكن القانون هو الحاكم ولا اعتقد ان يكون القانون في بلد مسلم هو بعيد عن العرف او عادات المجتمع .... وهذا ما افرزه الواقع ضمن الموقع الجغرافي او للمناطق المجاورة حيث يتم اعتبار الدين هو القانون الحاكم لتسيير المجتمع المتلون وبأيادي هي بريئة من الدين الاسلامي لا في معتقداتهم ولا في اساليبهم المتبعة في تطبيق الشريعة الاسلامية . لقدا اصبح العالم يشير الى الدين الاسلامي بانه ارهاب (واني على يقين بان هذا الشي مخطط له من قبل اعداء الاسلام ) ..

• فنظام حكم وطني عراقي يراعي الضوابط الاسلامية ..... هو خيار مرشح لكنه غير واضح في مدى قوة وهيمنة تاثير المتغيرين احدهما على الاخر (الحكم الوطني - الدين )
• نظام حكم وطني عراقي لا علاقة له بالإسلام، شبيه بانظمة الغرب .. هو ايضا خيار قائم ولا اعتقد ان مجتمعنا سوف يكون اشبه بالغرب كون عاداته هي التي تحكمه لكن يستفاد من هذا الخيار ان يفصل بين الدين والسياسة في مجتمع متكون من عدة طوائف فيكون خيار محايد

مع ملاحظة ان الخيارات المطروحة ممكن ان تفسر باكثر من معنى من قبل اي شخص حيث تعكس مايؤمن به ويرجح تفسيره الى مدى قوة توجهاته الداخلية

ممممم نعم .. بالفعل .. عدا الخيار الثاني اتصور واضح

كلمة (مراعاة الضوابط الاسلامية) .. يمكن لازم نصححها نسويها (يراعي الضوابط الاسلامية المشتركة بالحد الادنى)

اللي افكر بيه .. انه عل اقل يتم منع الظواهر الاسلامية المنحرفة (بالشوارع) .. يمنع المجاهرة بالانحرافات، مو لغرض الحلال و الحرام لا .. و إنما لغرض المحافظة على مشاعر المواطنين المتدينين،

لو فكرنا مثلا . بشخص فتح (محل بيع خمر) بداخل منطقة سكنية، منطقة شيعية او سنية، راح الاهالي يرفضون هذا الشي

في حالة النظام المشابه لانظمة الغرب، الاهالي ما راح يكدرون يمنعوه لان القانون يحميه

في حالة النظام (المراعي للضوابط الاسلامية) .. تمنعه البلدية او الشرطة من فتح هيج محل بالمنطقة السكنية أو تمنعه مطلقا لأن مجرد فتح هذا المحل يكون مجاهرة بالانحراف

اللي اقصده أنه يتم صياغة القوانين، بحيث يتم منع الناس (المنحرفين دينيا) عن الحاق الاذى النفسي بالمواطنين (المتدينين) عن طريق المجاهرة بالانحراف الديني الصارخ بالشارع، يحتاج المشرع انه يقوم بصياغة القوانين بدقة لأجل تحقيق هذا الهدف بناء على دراسة لواقع المجتمع العراقي ، و دون الوقوع في مطب (التعصب) من جهة، و (العلمانية) من جهة اخرى، و ما اعتقد هذا شي متعذر على اهل القانون ابدا

هذا الشي نسويه .. لأن هو نفسه اعتبره جزء من الوطنية، .. مراعاة مشاعر المحافظين او المتدينين، بحيث يكون العراق وطن مناسب للجميع

[prïnċë häïdër]

تسلم سامر ع مواضيعك الحلوة واعتقد صاعدة عندك الوطنية كلش هاي الايام هع
المشكلة مو بنظام الحكم المشكلة بينا كشعب هسه شوف الهنود شكد حلوين الف ديانة عدهم ومتصافين
واحد يعبد بقرة والثاني يعبد نار والثالث مدري شيعبد
لا ابو البقرة من يذبحون بقرتة يتعارك ويا الذباح ويكول ليش ذبحتو ربي هع
ولا ابو النار من يطفون النار كدامه يتعارك وياهم ويكول ليش طفيتوو ربي ..

هسه احنة ما صرنا مثل الهند الف ديانة بيها وهسه تباوع عليهم تشوفهم بكولشي متقدمين احسن منا بمليون مرة
وهنا عدنا ما شاء الله حتى بهذا المنتدى الطائفية بأعلى صورها والدليل انو انت غلقت الردود بالقسم الاسلامي وحتى السياسي حتى تخلص من المشاكل
اذا فعلآ الشعب يكون بعيد عن الطائفية والتعصب القومي اكيد يكون اختيارة لنوع الحكم نابع من اسس علمية مدروسة
وطبعا هاي متصير بالعراق لو بعد مليون سنة ولاسباب معروفة وماكو داعي نذكرها ..

[Samer]

تسلم سامر ع مواضيعك الحلوة واعتقد صاعدة عندك الوطنية كلش هاي الايام هع
المشكلة مو بنظام الحكم المشكلة بينا كشعب هسه شوف الهنود شكد حلوين الف ديانة عدهم ومتصافين
واحد يعبد بقرة والثاني يعبد نار والثالث مدري شيعبد
لا ابو البقرة من يذبحون بقرتة يتعارك ويا الذباح ويكول ليش ذبحتو ربي هع
ولا ابو النار من يطفون النار كدامه يتعارك وياهم ويكول ليش طفيتوو ربي ..

هسه احنة ما صرنا مثل الهند الف ديانة بيها وهسه تباوع عليهم تشوفهم بكولشي متقدمين احسن منا بمليون مرة
وهنا عدنا ما شاء الله حتى بهذا المنتدى الطائفية بأعلى صورها والدليل انو انت غلقت الردود بالقسم الاسلامي وحتى السياسي حتى تخلص من المشاكل
اذا فعلآ الشعب يكون بعيد عن الطائفية والتعصب القومي اكيد يكون اختيارة لنوع الحكم نابع من اسس علمية مدروسة
وطبعا هاي متصير بالعراق لو بعد مليون سنة ولاسباب معروفة وماكو داعي نذكرها ..

لو ما الوطنية صاعدة عندي من البداية .. جان انضميت لوحدة من الطوائف و اسوي المنتدى على شاكلتها وخلص

فكرك .. ننتحر ؟ نهاجر ؟ لو نبقى هذا الحال المفخخات والتفجيرات تحصد باخوانك .. و حال العراق من سيء إلى اسوء

شنو المانع نصير مثل الهند او ماليزيا او الامارات ؟ ناقصنا ايد رجل لو عقل ؟ لو فالحين بس نحشش ؟

مجرد نحتاج انه نكون وطنيين .. بدل ما نكون طائفيين ، و نجمع القدر الاكبر من الوطنيين امثالنا علمود نحقق التغيير ؟ يمكن ما تحتاج القضية اكثر من (سنة) علمود نحقق تغيير شامل بالعراق .. و مظاهرة البصرة البارحة اللي رفعوا بيها الاعلام العراقية ونادوا (نعم نعم للعراق) .. هي البداية بس

[Archi]

اصوت على 2 ... بعد المعايشة مع الواقع الماضي يجب فصل السياسة عن الدين ... لان الناس التي تنفذ شريعة الدين فاهمة الدين غلط وينطبق عليها مقولة ( عذر اقبح من ذنب )

وسؤال يطرح نفسه ماهو الحكم الحالي في البلد ؟؟؟ على الاغلب هي خليط من المفردات المشمولة بالتصويت ... كل فئة ترغب بتمشية مايكون اقرب الى اهوائها ومصالحها وليس ان يكون شرط بماتؤمن به .. اما بخصوص التشبه بالغرب فاكرر اننا لايمكن التشبيه بهم كون عاداتنا تمنع ذلك على الاغلب وقانون الدولة عندما يوضع سيتم فيه الاخذ بنظر الاعتبار ذلك الشي حتى وان لم يكن بصفة الدين الاسلامي

[Samer]

اصوت على 2 ... بعد المعايشة مع الواقع الماضي يجب فصل السياسة عن الدين ... لان الناس التي تنفذ شريعة الدين فاهمة الدين غلط وينطبق عليها مقولة ( عذر اقبح من ذنب )

وسؤال يطرح نفسه ماهو الحكم الحالي في البلد ؟؟؟ على الاغلب هي خليط من المفردات المشمولة بالتصويت ... كل فئة ترغب بتمشية مايكون اقرب الى اهوائها ومصالحها وليس ان يكون شرط بماتؤمن به .. اما بخصوص التشبه بالغرب فاكرر اننا لايمكن التشابه بهم كون عاداتنا تمنع ذلك على الاغلب وقانون الدولة عندما يوضع سيتم فيه الاخذ بنظر الاعتبار ذلك الشي حتى وان لم يكن بصفة الدين الاسلامي

عزيزي اركي .. نحن متفقان للغاية .. فهذا (الذي لونته بالاحمر) هو ما قصدته تماما وإن كنت انا قلته بطريقة اخرى فوضوية

اما الحكم الحالي للبلد .. فهو حكم الـ (لا حكم) لان رئيس الوزراء الحالي نفسه يعترف بعجزه امام شاشات التلفزة، بسبب المحاصصة الطائفية

[بركان حبك ياعلي]

تم التصويت ما انه عندي دوله ابالي بس اعرف محد راح يسويهه وما راح تصير بالعراق مع انها كانت موجوده سابقا شكرا

[حسن الانيق]

ااعتقد الخيار الاول هو الخيار المنطقي والمعقول والمقبول بحكم تركيبه المجتمع العراقي فهو
يجمع بين الخيار الثالث والرابع والخامس ...اخ سامر لازم نتكلم بصراحه الاسلام هو الغلبيه في
العراق ويتكون من الشيعة والسنة اما بنسبه لديانات الخرى فهي اقليه ضمن السلام لها حقوقها

[المعماري 12]

والله بالنسبة لي أفضل حكم كوردي ولكن ليس كالموجود حالياً في كوردستان ( بصراحة عنصري ) ، وأتوقع الفترة القادمة للكورد والله أعلم بناءا على عوامل حتفظ بها لنفسي .

[احمدالبغدادي]

بما ان العراق بلد اسلامي من ناحية الدين رغم وجود بعض الاقليات التي لها دياناتها ومعتقداتها الا ان الواجهه الدينية للبلد هي الاسلام
فالحكم الوطني الذي يراعي الضوابط الاسلامية و يحفظ حق باقي الطوائف والديانات من الاقليات الاخرى هو الحل ..
واقصد مراعاة الضوابط للدين الاسلامي السمح الذي يدعوا بالتي هي احسن وليس دين شبيه بطالبان افغانستان الذين امتدت جذورهم الى موسسات الدوله
فأحكموا سيطرتهم عليها واصبح البلد رهينة ارهابهم .. وهذا ما نخشى في العراق من تسلق البعض عقيدة الناس ومعتقداتهم الدينية تحت شعار الاسلام
ويعيدوا البلد الى دوامة العنف كما جرى الحال في مصر ابان حكم الاخوان المسلمين .. لا اختلاف على الحكم الوطني ما دام يعطي كل ذي حقاً حقه
وينظر لابناء العراق بعيناً واحده ويحكم بما تمليه المصلحة الوطنية لا كما تملي علية مصلحتة كعضو من طائفة او كتلة يمثلها ..
مشكلتنا لا تتمثل بقبول المشروع الوطني للحكم وانما بالاشخاص الذين يتصدون للشروع بتطبيقه . فكلنا يعلم ان الاختلاف ليس بين ابناء الوطن انما
الخلاف بين السياسات التي تتبناها الكتل في الحكومة والبرلمان ..وكل يسعى للايقاع بالاخر لتمرير اجندته السياسيه .
وبصراحة اننا شعب لا نغير ما يلم بنا من اوضاع مؤلمة والطامة الكبرى اننا نتعلم كيف نروض انفسنا للتعايش معها ..

شكرا سامر
بارك الله بك
آن للمنتديات بأعتبارها صرح اعلامي
ان تشارك في توعية واعداد الشباب لانقاذ البلد من واقعه المرير

[هدوء الكون]

اختاريت الاول لانه احنة ملتزمين باتباع ماانزله الله ولولاه لكانت حياتنا خراب
بس الثاني اختارمن عندة انظمة الغرب بالتعليم بإدارة المؤسسات اي بخدماتهم اتمنى تكون حياتنا مضبوطة بالمواعيد هنا راح
يكون تنظيم ادارة الدولة والرقي بها نحو الاعلى



شكراا سامر