هنا

[Suzana]

اوك تم التصويت ع الثاني طبعا لكونه قريب ع اللي في بالي اللي هو نظام مدني ديمقراطي يفصل فيه الدين السياسي عن الدولة ويحكمه القانون والدستور ويتعامل الناس على وفقه بالتساوي سيما ووطننا ملىء بالاقليات الدينية ... ومادمنا واحد جاي ايكفر بالثاني ..فاتمنى ايعوفون الاسلام بصفحة لان للاسف تشوه الاسلام على ايديهم..

.

[البصراويه]

شكراً اخ سامر تم التصويت

[حنين الوطن]

طبعا بالبداية موضوع مهم جدا
شكرا الك استاذي سامر
بالنسبة الي اختار الاول هو الاختيار الصائب
لان احنه بالاختيار راح نوحد الشعب
واريد حكم يكون عادل مع جميع الطوائف الموجودة بالعراق
مريد حكم لصالح طائفة وحدة
فأذا نختار الافضل هو الخيار الاول يكون عادل واسلامي اي يتبع القران الكريم
وهو افضل للجميع من الخيارات الاخرى
هذه من وجهة نضري........................

[Gardi]

تم التصويت ....... شكرا سامر

[Archi]

اوضحت قبل لحظة، انه اكو (ضوابط اسلامية مشتركة) بين كل المكونات المسلمة، و هي معروفة ، فلازم انه يتم مراعاتها بنظام الحكم .. وكلمة (ضوابط) يعني (موانع او تقييدات) ، لأجل أنه ما تكون هناك حالات بالشارع او المناطق تتضمن مخالفات صريحة للإسلام، بحيث ما يكدر يسكت عليها الشخص المسلم حسب مبدأ الأمر بالمعروف و النهي عن المنكر، اتصور هذه الضوابط (الاسلامية) ممكن تتلخص بكم نقطة فقط، وباقي المسائل هي اصلا مخالفة للأخلاق او للنزاهة

الضوابط يعبر عنها بعادات وتقاليد المجتمع وتكون متأصله وموروثة نابعة من الفكر الاسلامي تنعكس على مجمل مظاهر الحياة من مسكن وملبس وعرف ...الخ ولا ارى ان يتم دمج هذه الضوابط مع السياسة او الحكم كونها معروفة عن الناس وهم احرار في مدى درجة الالتزام بها ... كون دخول الدين في الحكم يفرز مشاكل خاصة في مجتمع متلون فليكن القانون هو الحاكم ولا اعتقد ان يكون القانون في بلد مسلم هو بعيد عن العرف او عادات المجتمع .... وهذا ما افرزه الواقع ضمن الموقع الجغرافي او للمناطق المجاورة حيث يتم اعتبار الدين هو القانون الحاكم لتسيير المجتمع المتلون وبأيادي هي بريئة من الدين الاسلامي لا في معتقداتهم ولا في اساليبهم المتبعة في تطبيق الشريعة الاسلامية . لقدا اصبح العالم يشير الى الدين الاسلامي بانه ارهاب (واني على يقين بان هذا الشي مخطط له من قبل اعداء الاسلام ) ..

• فنظام حكم وطني عراقي يراعي الضوابط الاسلامية ..... هو خيار مرشح لكنه غير واضح في مدى قوة وهيمنة تاثير المتغيرين احدهما على الاخر (الحكم الوطني - الدين )
• نظام حكم وطني عراقي لا علاقة له بالإسلام، شبيه بانظمة الغرب .. هو ايضا خيار قائم ولا اعتقد ان مجتمعنا سوف يكون اشبه بالغرب كون عاداته هي التي تحكمه لكن يستفاد من هذا الخيار ان يفصل بين الدين والسياسة في مجتمع متكون من عدة طوائف فيكون خيار محايد

مع ملاحظة ان الخيارات المطروحة ممكن ان تفسر باكثر من معنى من قبل اي شخص حيث تعكس مايؤمن به ويرجح تفسيره الى مدى قوة توجهاته الداخلية

[Samer]

على الرغم من عدم اقتناعي بكل الخيارات وانما اختار اهون الشر ومادامت الخيارات محصورة بما قدمت , وما اتمناه قد يكون بعيد الحدوث . ومحتواه معجزة الهية لا يؤمن بها الكثيرون. إلى حين حدوثها اصوت على ما قدمت لنا عسى ان يكون هذا الموضوع نواة حملة واقعية تطبق على ارض الواقع

الانتظار (السلبي) لمعجزة تغير حالنا هو ما نعيشه الان ... نحن نصنع المعجزة (إن صح التعبير) لو اردنا .. لو اتفقنا على حق كل عراقي بالعيش الكريم وحفظ كامل حقوقه دون تفريق بين مكون ومكون

اهلا سمسم

شكرا للمواضيع
اشو نازل علينا بالقوانين والتشريعات شيدور ابالك الله اليستر

الاختيار الاول هو الامثل من وجهة نظري مع احترامي لآراء جميع الاعضاء

نظام حكم وطني عراقي يراعي الضوابط الاسلاميه
والوطني يعني يشمل كل الاطياف الموجوده في البلد ومنهم الاقليات ايضا
الطائفيه ما هي الا مخطط صهيوني للنيل من الشعوب العربيه

شكرا على مرورك وردة . بالفعل يجب علينا الخروج من كهف الطائفية إلى نور الوطنية

[Samer]

صحيح العراق كله رفع العلم ,, لكن من تجي تناقش آية بالقرآن او حديث للرسول او غيرها
بين اثنين كل واحد بيهم من طائفة وهاي حقيقة ثابته
رح تعرف بان العراقي لايؤمن بالمكون العراقي
وكل واحد بيهم يريد يثبت وبكل عنف ان مذهبه ومايعتقده هو الاصح وان الطرف الاخر هو ملحد كذاب
ويخلي وره ظهره بان افرازات هذا التعصب تمزق وتدمر كل خيوط اللحمه الوطنية
الي نريده ان يبتعد العراقي عن عقلية الجاهلية ويتمدن يعني يتحضر
وهسه لو تخير اي عراقي تكله تريد مكون بعيد عن الاسلام ويشبه الغرب ؟؟
يكلك شلون واحنا مسلمين نترك ديننا ونصير مثل الدول العلمانية ,, لعد شنو الحل
قابل نبقى نسب ونلعن ونكفر بعضنا والحال يمشي !!

نعم .. بس ماكو داعي للـ (نقاش) بين اثنين .. كل طائفة، بل كل شخص هو حرررر بمعتقده و تفسيره للقران او الاحاديث ما دام نتيجة معتقده ما تسبب الأذى لغيره من ابناء وطنه، بل من كل البشر.. ماكو داعي نصير مثل الدول العلمانية، و لا اكو داعي تصير دولة متعصبة للدين (باتجاه معين) .. اكو امثلة رائعة بالدول المسلمة المتحضرة نكدر نطبقها على اي حال

[Samer]

نحن صحيح مسلمين بس هو وين الاسلام الموحد حتى نمشي عليه حتى الشهادة مختلفين عليها واكيد اي حكم له علاقة بالدين راح يجرنا لصراعات اكثر من اللي موجودة هسه

لذلك اختار حكم وطني لا علاقة له بالاسلام حتى نرتاح شوي

تم التصويت والله يحفظ العراق

وجهة نظر سديدة ، على اي حال لو تخيلنا وجود نظام يراعي الضوابط الاسلامية (المشتركة) ولو بالحد الادنى .. عل اقل يمنع المجاهرة بمخالفة الضوابط الاسلامية بالشارع، راح اشرح وجهة نظري بصورة معمقة اكثر بردي القادم على (Architect_4ever)

[Samer]

على فكرة وبدون زعل يعني ما اقصد بيها احد ...المشكلة انه على الورق وفي حالتنا على الانترنت تشوف العراقيين احلامهم وردية ومشاعر المحبة تفيض بلا حدود والشعارات الرنانة تصم الاذان بس على ارض الواقع ومن تدخل للتفاصيل تصير دعاوى التكفير واستباحة الدماء والشماتة بما يجري للآخرين بلا حدود ..المشكلة هي عدم وجود شعور صادق ونية حقيقة للتعايش ولا اتباع للقران الكريم في قَوْلِهِ تَعَالَى : ( لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ)) واتمنى يركزوا على كلمتي البر والقسط وما تحمل من معاني ..اذا كان هذا حال ما لا ينهاك الله عنه في تعاملك مع الكافرين فما بالك بباقي المسلمين حتى وان كانوا لايؤمنوا بتفاصيل ما تؤمن به ...القران الكريم لو اجتمعوا على محكمه فقط لما كان هذا حالهم

لا لا .. .. اتصور اللي راح نلكاه هنا راح نشوفه على ارض الواقع، او احسن منه، اذا كدرت تحرر الناس من الطائفية الكترونيا .. راح تشوف النتائج على ارض الواقع، و التاريخ لحد الان اثبت شواهد على مقدار تأثير الانترنت بالاحداث الجارية على ارض الواقع، و نفسه الانترنت هو سبب كبير بدفع الناس نحو الطائفية و التعصب ، و نفسه ممكن يكون هو الحل

[Samer]

اوك تم التصويت ع الثاني طبعا لكونه قريب ع اللي في بالي اللي هو نظام مدني ديمقراطي يفصل فيه الدين السياسي عن الدولة ويحكمه القانون والدستور ويتعامل الناس على وفقه بالتساوي سيما ووطننا ملىء بالاقليات الدينية ... ومادمنا واحد جاي ايكفر بالثاني ..فاتمنى ايعوفون الاسلام بصفحة لان للاسف تشوه الاسلام على ايديهم..

.

ههه مبين قلبج محترك .. ممممم .. طيب سؤال: شنو رأيج بشي مثل درر العراق ؟ يحافظ على الضوابط الاسلامية (ولو بالحد الادنى) ؟

طبعا بالبداية موضوع مهم جدا
شكرا الك استاذي سامر
بالنسبة الي اختار الاول هو الاختيار الصائب
لان احنه بالاختيار راح نوحد الشعب
واريد حكم يكون عادل مع جميع الطوائف الموجودة بالعراق
مريد حكم لصالح طائفة وحدة
فأذا نختار الافضل هو الخيار الاول يكون عادل واسلامي اي يتبع القران الكريم
وهو افضل للجميع من الخيارات الاخرى
هذه من وجهة نضري........................

شكرا (حنين) العزيزة، .. بس خللي ببالج انه من اكول (يراعي الضوابط الاسلامية) يعني مو اسلامي ويتبع القرآن ،لأن سبب وجود الطوائف اصلا هو (اتباع القرآن بطرق مختلفة) ، و إنما يراعي الضوابط الاسلامية بالحد الادنى المقبول