هنا

[a7la.bzona]

عزيزي سامر نتمنى انو نلكه حل لكل مشاكل العراق لكن اتصور هذا شي مستحيل..لأن العله هي بالشعب نفسه
احنه كشعب وكمواطنين غير متحالفين وعمرنا مراح نكدر نصير ايد وحده مادام نفكر بشي اسمه طائفيه وهذا المشكله مراح تنحل
اني مدا اسد الحلول كلها بوجه العراق لكن هذه حقيقه منكدر ننكرها
للأسف احنه شعب اناني كل واحد يفكر بمصالحه الشخصيه وقليلين كلش الي عدهم غيره على العراق.
لكن الى متى راح نبقى هيجي...الحل انو لازم تصير ثوره مو بس مظاهرات عاديه واسقاط الحكومه كلها من الرأسا الى الذيل.
ونبدي من جديد احنه الي نأسس حكومه مثل منريد..حكومه عادله تنظر لكل طوائف الشعب
..ليش منصير مثل باقي الدول العربيه الي صارت ايد وحده بوجه الظلم همه احسن من عدنه بشنو..
شنو الي ناقصنه احنه كشعب حتى منصير هيجي..!!!
اسفه ع الاطاله ...بس هذا كله جزء بسيط جدا من النار الي جوايه كمواطنه عدها غيره على بلدها
شكرا....

[Sajad•s]

شكرا استاذ سامر علموضوع
قبل تسمع ماتحجي هسه تحجي محد يسمعك
المشتكى لله والله عليم بصير

[المحامي احمد التميمي]

قد لا يكون من اليسير ضبط اتجاه القلم وعنفوانه في موضوع كهذا لان المشكلة كبيرة ومع ذلك... طاب لي ان أبوح بجزء مما الم بي عن وضع العراق المأساوي الذي يجعل الحزن رفيق أي مكسب مفرح على الصعيد الشخصي او الوطني فلا فرحة كاملة برفقة اخبار مفجعة كهذه.

المشكلة وين , بلا شك وحسب تجربة العراق الوليدة منذ 2003 فان عدم استقامة الوضع الامني والسياسي ...وبالتاكيد يتبعه الاقتصادي وحتى الاجتماعي باسباب نتوقع ان تكون أساسية وكما يلي:
1- التعددية المذهبية والقومية , والتي يفترض ان تكون عامل قوة ...أصبحت في العراق عامل انتكاسة , بسبب أستنجاد البعث والقاعدة بانصارهم من خارج الحدود ممن لا يجيدون غير التفجير والقتل والتفخيخ وفنون الشر والشعوذة...والاخرين ايضا ولكن بمستويات اقل , وأي كلام او محاولات عن مصالحة وطنية اصبحت عقيمة في ظل هذا الاستقطاب المخيف
2- المصالح الفئوية الضيقة للمتربعين في قمم السلطة والرئاسات والمحافظين , فالكل يتبع توجيهات حزبه ...حتى اصبح شائعا استخدام مفردة محافظي الحزب الفلاني ومحافظي التيار الفلاني ....الخ , فالنظرة الوطنية للموقع المتقدم مغيبة وغائبة تماماً ... والتوجيهات والاوامر لا تطبق من التسلسل الهرمي كما ينبغي بل من التبعيات التي ينتمون اليها هولاء المسؤولون كما اوردت انت في سردك الرائع للموضوع.

والحل من وجهة نظرنا, فدراليات قاسية ومحكمة على اسس طائفية , وجدران فصل منيعة بينها وهدنة اعلامية بين الطوائف ... ولو ان الامر غاية في التعقيد بسبب تداخل الحدود الادارية لبعض المناطق والمحافظات , لكني وصلت الى قناعة راسخة ان الحل لا بد ان يكون بتدخل جراحي بعد اعيت مصائب العراق مهدئات ومسكنات المصالحة والوفاق

لموضوعك الشجي هذا سيد سامر كل التقدير والاحترام , وجنبنا الله واياكم والعراقيين شر القادم
المحامي التميمي

[عماد الحمزاوي]

برأي فشل الحكومة هي القاعدة التي ترتكز عليها
بقية المشاكل
فالحكومة الناجحة
تستأصل المشاكل جذريا
وتهيكل ابنية الفساد
شكرا للموضوع الراقي

[last samurai]

والله اني اشوف الخلل الاول بالشخصيات الي زرعت بذهن الشعب انو الحكومه لازم تبقه بأيد طرف معين بأعتبار مظلومين والثاني جهل الشعب وتصديقه بهاي الاكاذيب والوعود الفارغه المفروض من الشعب ماينتخب شخص او كتله اثبتت فشلها على مدار 4 سنوات .. الحل مظاهرات نظاميه شعبيه عارمه لاسقاط الحكومه بدون اي تردد وتشكيل حكومه مؤقته لحين اجراء انتخابات

[Samer]

عاشت ايدك ياسامر انا من قدر حبي لوطني اكعد اكتب خواطر يعني اللي جاي يصير وين الامن احنة خلي نكول مانحجي على الحكومة
زين احنة نريد امان وين الامان اذا ماكو امان مانريد اي حكومة احنة نرأس نفسنة بنفسنة يعني هي بس بالاسم صحيح جاي اشوف بعض التطورات
من الناحية التعليمية وبعض الجوانب كالتعمير لكن هناك نقص مثلا الكهرباء صار النظام السابق له 10 سنوات من راح الكهرباء اول شي لازم يصلحوها لو هم يفتهمون
ويردون يكسبون الشعب لهم لازم يبدون يدارون الشي الناقص وانت تعرف الناس بالصيف عدهة اهم شي الكهرباء اول شي ثاني شي يمكن انا وانت حالتنا زينة ونقدر نعيش
ع الراتب اكو ناس عايشة من غير معيل ناس همها تاكل من الكمية اي حتى الكمية ناقصة والي يوزعها جاي يبوكها تروح للناس ناقصة زين الناس الي ماعدها من وين تجيب
ثالثا العراق ماشاء الله خير من الله النفط والخيرات تعيش بلدان وين الخير يروح ليش الفرد الي عنده اطفال مايكدر يعيش الا وية اهلة موظف صارلة عمر يخدم البلد ماعندة قطعة ارض
لو يوزعون على الموظفين شوي الناس ترتاح العوائل يفك الضغط والحمل منها هاي اهم مهمات للشعب الي يحتاجها فعلا ويستحقها يعني لو الحكومة تشتغل عدل كان الشعب شيريد منها
وكان الارهابيين مايقدرون يدنسون شبر من ارضها لان راح يصيرون متكاتفين اولاد العراق لانهم كلشي مامحتاجين ليش الارهاب يتدخل بلدنة بعد والله انقهر مرات انت جاي تشوف البلدان
العربية مثل دول الخليج عايشة بإمان مثال الامارات ليش ماتصير عدها مشاكل مثلنا لانه ناس تعرف تفكر تبني وترفه عن ابناء شعبها مو بس تريد وماتعطي الحياة نظام مبني على الاخذ والعطاء يعني يادوب راتب الموظف يكفي يعيش فيه هو واولاده شيقدر يجمع حتى يبني له بيت

انتي ركزتي هنا على الجانب الاقتصادي والخدماتي ، عموما كل الجوانب ممكن حلها من خلال حل لب المشكلة أو اساسها مشكلة وحدة، أتصور .. السمكة تفسد من رأسها، المشكلة بداخل الحكومة نفسها (واقصد بالحكومة عموم المتنفذين بالدولة) سواء عبر العجز أو التعمد او الاهمال

لا حكومة تقدر علينا اذا كنا يد واحدة

ولكن عدونا ليست الحكومة، فقط الحكومة فشلت في تحقيق الاهداف التي من اجلها انتخبناها صحيح ؟

[warda]

موضوع حلو عاشت ايدك سمسم

اول شي الخلل بينا احنا تعرف لويش؟؟؟؟؟لأن احنا بيناتنا ما متصافين وصايرين تكتلات يعني بمختصر مفيد (كلمن يحود النار لكرصته)ومجتمعنا صاير اخويه وابن عمي ...لذالك لو نبقى 100 سنه ما راح يصيرلنا حل ...انت تتكلم بالمحاصصه الطائفيه ...سامر رحمة لموتاك اشو حتى لو سوو محاصصه طائفيه هم الطوائف كلمن يشتغل لنفسه وبكيفه وصايرين اقاليم ماشاء الله هسه صيروا اقاليم بس غير اكو فايده لخدمة الشعب؟؟؟؟مجرد تكتل وبس ....العراق مابي اي عله بالعكس بلدنا جريح وشاف المر بسبب السياسات الخاطئه..اما بالنسبه للمسؤولين الله يسلمهم من يصير خلاف بين فلان طائفه يروح يفجر سياره لطائفة الخصم ومنو الي واكع بهاذي الخلافات والانفجارات غير بس الشعب...اما بالنسبه للحلول الي طرحتها حضرتك عن تشكيل حكومه وانتخابات جديده ....انتو ما تلاحظون اغلبية الي يصعدون بكراسي الحكومه والوزارات كانوا بدول الخارج قله جدا من شارك الشعب همومهم وجوعهم وسوء الخدمات الاجتماعيه..المفروض ننتخب شخص نعرفه من نفس المنطقه او المحافظه شايفي ومسلمين عليه ونعرف بالضبط شنو ماضيه ...بالأضافه لهذا احنا بيناتنا لازم نكون ايد وحده وما نسمح لأي نفس طائفي...خلي يكون كل العراق بيتي من الشمال للجنوب ...واليسئلني سني لو شيعي لو كوردي اجاوبه انا عراقي ...........ارجوا ان لا اكون قد اطلت عليك بالحديث فهذا بعض منه و ما خفي كان اعظم
...................
تحياتي واحترامي لشخصك ولرأيك ولآراء جميع الاعضاء

[qas!m]

للاخوة المتشائمين واني على راس قائمتهم
اقول
نقاشنا الان واتفاقنا على وجود مشكلة خطيرة جدا
هو اول خطوة من خطوات التغيير الداخلي اللي لازم يكون
حتى نكدر نأسس لتغيير الواقع الخارجي
وينرادنا خارطة طريق بدون خطوط حمراء

[بهلول الرشيد]

الموضوع شائك ياأستاذ سمير ولانخرج من هذا الموضوع بليله وضحاها بل نحتاج الى دراسه واقعيه اولا على الشارع العراقي وثانيا على مراقبة الاحداث الخارجيه التي تريد النيل والاطاحه بالحكومه الحاليه !!!
وبذلك صنعنا ارباك مجاني للمتسولين السياسين والمفلسين من العمليه السياسيه !!!
القوى الاقليميه لها المخالب المفترسه والتي تراقب الاحداث بعين الشيطان وبمباركه من يساندها في الداخل ويصنع لها الاليات والاجندات التي يرتكز عليها وبذلك جعلنا هم يضاف الى همومنا الحاليه !!!
اما الحل الوحيد الذي يخرجنا من المأزق الحالي هو
تهميش الاحزاب والتخندق الجماهيري وجعل مصير البلد فوق كل المصالح الفرديه
لي عوده

[هدوء الكون]

يعني الساكت عن الحق شيطان اخرس الحمدلله اني من زمان ردت اتكلم وانت اتحت الفرصة من ناحية ثانية الشعب
اخرس والموظفين الي مايخافون الله رشاوي وفساد أين العقل المفكر باجر نتحاسب وكلكم راع وكلكم مسؤول عن رعيته
اين الراع الذي يحمينا ويؤمنا من الوحوش الضالة الي هاجت هسة من السجون زيادة للارهاب الله اعلم في القادم شراح يصير بينة