يااااااااااااااااااااااا اخونا سامر (( اليدري يدري والميدري يكول كضبة عدس ))
ان رغبت ان اجيبك فيكون بشكل مقال نحلل فيه الوضع منذ بدايته ولحد هذه اللحظة.
يا ابن الحلال دخيلك لتحجيني تره راح ازهك.
متفرغ لشيء اخر ولا اريد اخوض بالنقاش (( نسكت تكتلنا علتنا ، نحجي تفضحنا قضيتنا ، بس وين انولي وجهتنا؟ دلينا يا دكتور ))
و اقول باختصار: كل شيء مبني على خطأ ، فالنتائج لابد ان تكون خطأ.
شعبنا يذبح علنا ، اطفالنا لا مستقبل لهم ، السجون تعج بالناس ، انخفاض بالمستوى العلمي بجامعاتنا ، البطالة منتشرة ، الجهاز الصحي ماخذها شاطي وباطي ، الامان معدوم ، والسادة بالحكم ونوابنا يتحلوا برواتب خيالية بشكل تصدم كل مخلص. قارن يا اخي بين راتب احدهم ورواتب رئيس اي دولة في اوربا.
كل واحد منهم يتمتع بجوازين!!!!!!!!!!!!!!!!!!!! هذه لوحدها جواب لكل سؤال. سيارات تفجر وابرياء بالمئات من اهلنا تموت !!!!! فتن طائفية ، يعني كل هذا واتريد جواب؟ الله يكون في عونك. على علمائنا الافاضل ، سنة وشيعة يجلسوا مع بعضهم ويحطموا الطائفية. مو شعبنا راح ينتهي. كبل جم يوم 700 قتيل في يوم واحد مو هذوله اهلنا ، يا ناس اهلنا. وامصيبتاه.
من 8 سنوات الفت قصيدة راح انشرها لعيونك لان مفعولها بعده موجود.
يا سامر العراق منهوب . شعبنا يريد يعيش ، يريد علاج ، يريد أمان.
اثارنا سرقت ، نفطنا سرق ، والويل كل الويل لابنائنا الذين عاشوا بعد الاحتلال. سيكونون ضحية مأساوية. ارضنا اتسممت. هذا هو الواقع خلي منضحك على نفسنا.
هاك بيتين من عندي والعاقل يفهم:
اسيادنا الزعماء طال ركوبكم ... بظهورنا ، ما ان ان تترجلوا ؟
قسمتمونا اسهما ومضيتموا ... هذا يغربلنا وذلك ينخل
يزي عاد ، حجيتني بالكوه !!!!!!!! الله يكون ابعون اهلنا بالعراق من الجنوب للشمال ومن الشرق للغرب ، يا ربي امين.
اخوكم ابن العراق الجريح: عراقي مجهول
رد مع اقتباس
المشاركة الأصلية كتبت بواسطة Samer
. هاي إذا لحكت اطلع من باب البيت خخخخخخ
