هنا

[Samer]

مرحبا

حقيقة دا اعيش حياتي و اسعى لتحقيق اهدافي ، و بالمنتدى اشتغل و ارد و اضحك .. بس بداخلي نار مشتعلة منذ زمن.. بسبب ما يجري بالعراق ، و بسبب عجز الحكومة عن معالجة الوضع البائس

الإرهابيين يبدو إنهم سيطروا من جديد، و بدوا يمارسون اعمالهم الارهابية ضد العراقيين بحرية إلى حد ما ، و اخرها كان الهجوم على التاجي وابو غريب اللي اسفر عن هروب مئات السجناء من الإرهابيين تحديدا اللي لم يتم إعدامهم من قبل الحكومة لسبب مجهول لغاية هروبهم، اسفر عن الهجوم قتل عشرات من العناصر الامنية، و المهاجمين كما يبدو مسلحين كـ (جيش نظامي) و القاعدة ترقص جذلا للاسف

التفجيرات والاغتيالات والاعمال الارهابية تطال الناس من السنة والشيعة على حد سواء، وكل مناطق بغداد، وكذلك المحافظات .. عدا المنطقة الخضراء المحصنة سالمة من التفجيرات

الشرطة والجيش .. كما يبدو عاااجزة تماما، الحكومة كما يبدو .. عاجزة تماما .. مدا نعرف المشكلة وين او مدا نعرف منو دا (يحرص) على استمرار الوضع بهذا الشكل ، مفاصل الدولة ايضا مليئة بالفاسدين والأشخاص غير المؤهلين او المناسبين بدون اي أمل بالتغيير.

حال العراق دا يتجه نحو الاسوء يوم بعد يوم رغم المفروض انه يكون العكس تماما، احد الأسباب كما يبدو هو وجود المحاصصة الطائفية وغير الطائفية بداخل الرئاسات الثلاث بحيث مستحيل على رئيس الوزراء او البرلمان او اي جهة انه تتخذ اي اجراء بحق اي شخص او تجاه اي مشكلة لان مبدأ المحاصصة يسبب الشلل التام بكل مفاصل الحكومة.

الوزراء .. ولائهم للجهات اللي ينتمون إلها مو للعراق، المحافظ و مجالس المحافظات ولائهم للجهات مو للعراق، الناس اللي صوتوا كذلك ولائهم للجهات مو للعراق بنسبة كبيرة. .. هذه فكرتي عن المشكلة و سبب عجز الحكومة ومؤسساتها عن معالجة الوضع الأمني او الاقتصادي او باقي الملفات المهمة بالدولة


هذا الموضوع.. و من كل عقلي حبيت أخذ ارائكم بيه .. كـ (مثقفين عراقيين) .. أريد اعرف العلة وين بالعراق.. بالحكومة ؟ بالشعب ؟ بالبرلمان ؟ باحد الشخصيات ؟ باحد مفاصل الدولة ؟ بكل صراحة و بكل موضوعية ، و بكل (نقد بناء) بدون إساءة أو تجريح لأحد أو مهاجمة ..مجرد نقد بناء بدون تجريح ، ما نريد مخالفات للقوانين

مو بس نريد نعرف المشكلة او المشاكل وين .. اريد منكم تذكرون (حلول) لأن انتوو عراقيين و من حقكم تقترحون حلول، من كل شخص نريد (مشكلة +حل) يقدملنا هنا علمود نستفاد منها احنه بالخطوات القادمة، لان ملينا من ذكر المشاكل بس

مثال على أحد الحلول اللي ببالي : مظاهرات شعبية بكل انحاء العراق مثلا ؟ طيب شنو لازم تكون المطالب المهمة (الموحدة من الشمال للجنوب) بهذه المظاهرات ؟ اسقاط الحكومة الحالية و انشاء حكومة جديدة وقتية او دائمية عبر انتخابات مبكرة مثلا ؟ محاولة حث الحكومة الحالية على تقديم حلول ناجعة بوقت قصير مثلا ؟ الاقتراح بتشكيل حكومة (اغلبية) ؟؟ ، طيب إذا الحكومة ما عالجت الوضع خلال فترة شنو ممكن نسويه إحنه كشعب ؟ نبقى نسمح للارهابيين والمخربين بحصد ارواح العراقيين وسفك دمائهم ؟ ؟ تريدون نهاجر كلنا من العراق ونخلص انفسنا ؟ لو لازم نلكي الحلول ؟

ما اريد نقاش يصير (بين الرادين) عل موضوع، ممنوع اي عضو يرد على اي عضو آخر كاتب رد بالموضوع، ردودكم فقط على نص الموضوع هذا ، اكتب بصورة مسهبة (مطولة) اكتب كل اللي ببالك بكل حرية مع مراعاة القوانين، و خللي نحاول نلتمس الحلول من بعضنا و نطبقها على أرض الواقع بالأيام القادمة بإذن الله

[بهلول الرشيد]

هم خليت بيه قوانين !!! اذا كتبت يمكن راح هالمره تخليني بخانة الشواذي بس احترم نفسي ومااكتب احسن ولو بيه حسره جبيره وماتطلع من كلبي الا نتكامش اني وياك من الروس

[Samer]

هم خليت بيه قوانين !!! اذا كتبت يمكن راح هالمره تخليني بخانة الشواذي بس احترم نفسي ومااكتب احسن ولو بيه حسره جبيره وماتطلع من كلبي الا نتكامش اني وياك من الروس

هذا احد أسباب مشاكلنا .. انه ما نكدر نعبر عن ارائنا بصورة موضوعية، عمر العصبية ما تحل المشاكل، المشاكل ما يتم حلها إلا بواسطة العقل و ضبط النفس ورفض اسلوب العنف و الاعصاب

[بركان حبك ياعلي]

اولا اشوف الحكومه والشعب مخطئين على حدا سواء والحل برأي بسيط نكون ايد وحده حتى نكدر نواجه الفساد والارهاب انا مو ساسيه بس حبيت انطي رأي

[المعماري 12]

يا أخي الموضوع أكبر بكثير من الملف الأمني ، لا أريد الدخول في هذا الموضوع ، ولكن من واقع الحال تبين عدم جدية الحكومة للحفاظ على وحدة وسيادة العراق ، وللاسف رضا الكثير من العراقيين على هذه الحكومة .

[هدوء الكون]

عاشت ايدك ياسامر انا من قدر حبي لوطني اكعد اكتب خواطر يعني اللي جاي يصير وين الامن احنة خلي نكول مانحجي على الحكومة
زين احنة نريد امان وين الامان اذا ماكو امان مانريد اي حكومة احنة نرأس نفسنة بنفسنة يعني هي بس بالاسم صحيح جاي اشوف بعض التطورات
من الناحية التعليمية وبعض الجوانب كالتعمير لكن هناك نقص مثلا الكهرباء صار النظام السابق له 10 سنوات من راح الكهرباء اول شي لازم يصلحوها لو هم يفتهمون
ويردون يكسبون الشعب لهم لازم يبدون يدارون الشي الناقص وانت تعرف الناس بالصيف عدهة اهم شي الكهرباء اول شي ثاني شي يمكن انا وانت حالتنا زينة ونقدر نعيش
ع الراتب اكو ناس عايشة من غير معيل ناس همها تاكل من الكمية اي حتى الكمية ناقصة والي يوزعها جاي يبوكها تروح للناس ناقصة زين الناس الي ماعدها من وين تجيب
ثالثا العراق ماشاء الله خير من الله النفط والخيرات تعيش بلدان وين الخير يروح ليش الفرد الي عنده اطفال مايكدر يعيش الا وية اهلة موظف صارلة عمر يخدم البلد ماعندة قطعة ارض
لو يوزعون على الموظفين شوي الناس ترتاح العوائل يفك الضغط والحمل منها هاي اهم مهمات للشعب الي يحتاجها فعلا ويستحقها يعني لو الحكومة تشتغل عدل كان الشعب شيريد منها
وكان الارهابيين مايقدرون يدنسون شبر من ارضها لان راح يصيرون متكاتفين اولاد العراق لانهم كلشي مامحتاجين ليش الارهاب يتدخل بلدنة بعد والله انقهر مرات انت جاي تشوف البلدان
العربية مثل دول الخليج عايشة بإمان مثال الامارات ليش ماتصير عدها مشاكل مثلنا لانه ناس تعرف تفكر تبني وترفه عن ابناء شعبها مو بس تريد وماتعطي الحياة نظام مبني على الاخذ والعطاء يعني يادوب راتب الموظف يكفي يعيش فيه هو واولاده شيقدر يجمع حتى يبني له بيت

[Samer]

اولا اشوف الحكومه والشعب مخطئين على حدا سواء والحل برأي بسيط نكون ايد وحده حتى نكدر نواجه الفساد والارهاب انا مو ساسيه بس حبيت انطي رأي

نعم بالفعل .. الوحدة هي أهم خطوة نحو حل كل المشاكل .. طيب عل اقل احنه متوحدين برفضنا لسفك الدم العراقي، و برغبتنا بمستقبل جميل لهذا البلد صح ؟؟ طيب ليش ما نتفق فعلا اذا كان الهدف واحد ؟

يا أخي الموضوع أكبر بكثير من الملف الأمني ، لا أريد الدخول في هذا الموضوع ، ولكن من واقع تبين عدم جدية الحكومة للحفاظ على وحدة وسيادة العراق ، وللاسف رضا الكثير من العراقيين على هذه الحكومة .

يا اخي .. اني و انته و اني متأكد اكو مئات الالاف على نفس الفكرة .. خللي نحاول نطلع بفكرة واحدة عن طريق اللي نغير بيها هذا الواقع، اللي نحل بيها هذه المشكلة .. اريد منك بالفعل تدخل بلب الموضوع، اذا نبقى ساكتين .. برقابنا كل الأبرياء اللي يموتون بالتفجيرات .. لازم عل اقل (نقول كلمة الحق)، بس بكل موضوعية، بدون تهجم

[ياسين الجبوري]

لا حكومة تقدر علينا اذا كنا يد واحدة

[Echo]

مراحب

شنو فائدة الحكومة اذا ما توفر الامن والاستقرار لشعبها
الا بعداً لمثل هذه الحكومة
وبخصوص الارهاب لو كان يطبق ما وجد في القرآن الكريم لأقلها خفت علينا كل هذا لكن الارهابيين بعد كل ما يفعلونه عفوا لو تهريب والخ

وحقوق انسان وما ادري ايش من امور ما انزل الله بها من سلطان وضرب كتاب الله عرض الحائط

ما ادري ليش احس السالفة عويصة وما ادري يمتى تفرج

ما احب ادخل بالسياسة لكن شاركتم رايي

شكرا على الموضوع

[qas!m]

راح اضغط على نفسي والزم لساني واصير حباب من احجي
يابة الحلول اللي راح تنطرح راح تكون مثالية وما الها حظ من التطبيق
ليش ؟ لان صاحب القرار هو اس المشكلة

لكن بصراحة اكول البداية تكون ان نكون مثل المصريين
من ما صبروا على الفاشل بس سنة وحدة وما انطوا فرصة يتغلغل اكثر واكثر
زين هنا راح نقول ممكن للعراقيين (( اسود الرافدين )) ان يكونوا كذلك
بكل امانة اجاوب واكول لا لا لا ولابعد 100 سنة
لاسباب كثيرة لا محل لها من الاعراب الان
لان خربانة من ساسها لراسها
واسف جدا على تشاؤمي
بس ارجع واكول بداية الحل تكون من نشعر احنا كشعب اننا مضحوك علينا شئنا ام ابينا
والسلام