نزلتلهم لان ماكدروا يصعدون
نزلة روجة بس غركت سفن بيها
نزلت كلش..بحيث شوي وأطخ الغيم
الشمس جنت بكفاي من امشي اخليها
نخلتين زرعت..صارن تراجي الكاع
وغيري شكد زرع بس تمرة مابيها
من اكض عكازة جنت مجامل العميان
وأتعثر جذب بدروب ماشيها
سابوح الصدك..يلبس الروجة حزام
ويضخلها نفس..مايختنك بيها
وأنه اركض عالسراب ..وكاحة مو عطشان
النهر يابس وأمر بجروفة وأسكيها
الليل شما يطول ..اشعل سرب شمعات
واذا شمعاتي تنصة بخزرة اطفيها
هلي بوكت الشدايد سبكوا للموت
انه ابن البصرة غير الدنيا الاويها
ملح بسوالفي ملوحة خبز تنور
الجلمة الماصخه مااعزب عليها
بحكمتي تحيروا لقمان والبهلول
احط سالفتي بالميزان واحجيها
وانه من اهل الله..بس صاحبتي بت ابليس
وأعرف الغيمة جم كطرة مطر بيها
ومن بعيد اعرف البير مابي ماي
من اشوف الناكة تتجه عله راعيها
من اشوف الحوم يفتر..يعني خالي البير
ومااتت يمة وادم مامرويها
بظهري من الربع...شايل عثك طعنات
ومريم ماكو حتى تهزني وانطيها
صحبان ودمع...طاحوا سوى من العين
مسحت الدمعه...بس الصحبة اخليها
يتقربولي ...وانه اعرفهم شيردون
عرفت فلاحهم .....وافكارة قاريها
يصعد عالنخل..يشبكها خاف يطيح
مو شبكة محبه ومستعز بيها
شلتهم عالجتف..مو رتبة ..لا..تابوت
وأشيع صاحب بكل خطوة الامشيها
على الوجنات طاحت زفة مال دموع
بثكل دمع اليتامى المات واليها
شوكت ياجرحي تنشف؟؟كافي عوزك طول؟
البعمرك عقل...والطعنه ناسيها
وعلى حس الجرح...خفيت دمع العين
مو روحي التخف عالطبلة رجليها
رد مع اقتباس
المشاركة الأصلية كتبت بواسطة عـطـر الـورد
