قصيدة الشاعر المرحوم عبد الحسين الحلفي
شنو انت؟
انت ذاك الرسم فوك شفافي بسمه
هم شفت فد يوم واحد عاف شفته
وشنو انت؟
انت ذاك الصرت للدلال نبضه
وهم شفت كلب النسه فد يوم دكته
شمالك انت؟
تعوف طيبة ذاك كلبي المشتريك
وعلى ساعه بلحظه ذاك الكلب بعته
شمالك انت؟
لك تعال وخلي ايدك فوك كلبي
واحسب شجم جرح بي انت جرحته
شمالك انت؟
لك تعال وسكّت حلوك الشماته
العذبتني مو خلص كلبي بحسرته
شمالك انت؟
صارن الجلمات عندك جالخناجر
تطعن بكلبي واكلك ما طعنته
شمالك انت
ازعلت من جلمة احبك من كلتها
وليش من غيري حجاهه مامنعته؟
شمالك انت
ورده روحي وانثرتهه ابين اديك
بدل ما تشتم عطرها الورد دسته
شمالك انت
دوختني وعذبتني وجننتني
وبغرامك عكلي من راسي اخذته
شنو انت
ياجمال الشايله بوجهك حبيبي
وياحسن حط بيك ربك والحملته
شنو انت
فتنه صاير كلك آيه من الجمال
ولون يوسف بالوجود يمكن اليوسف فتنته
رد مع اقتباس
المشاركة الأصلية كتبت بواسطة @ امير الذوق
