(الخلوي) المحمول والحب , , حسين الحمداني

الخلوي والحب , حسين الحمداني


نوكيا

انه الوياك مادكَيت دكَه
وانه العمبر ابد ماصير دكَه
دغلط بالرقم فد يوم دكَه
ورصيدك لو خلص رمّش عليه

***
سوني أركسن



سن سيفه الدهر بحشاي سنتين
وأضن باقي من المشوار سنتين
أخبرك من رصيدي بقن سنتين
وإذا عندك رصيد إتصل بيه






***

موتريلا
أنا الصياد صادتني شبكتك
تذوب الروح لو لحضة شبكتك
أدك عليك مشغولة شبكتك
أظن مغلق جهازك بس عليه



***





سام سونك


اليــرمــّـــش مـــا أدكـَـــّــن له واردلـَـة

أخــلــيــه دوم عـــالــصــامت واردلـَـة

وعـَـلــَـة عنـَادَة مـَسـِـج فارغ واردلـَـة

خاف يــكـَــول فــكــّــر لــحــضـَـة بـيـّــة***




ابل

بعد إسمك مَكِتبه أحمر ولا خَط
لأن عصفور ما ظل لك ولا خيط
أحبك من جنت شرطي ولا خيط
صرت نايب عريف وخنت بيه






***

جي سي ال

مره تروح مني مره اصيدك
حلاوه تشوف صيدي مر صيدك
خمس سنتات اطني من رصيدك
رساله شبيك ماتسأل عليه


*****





قلبي ينتظر مشحون ويبات

تلفوني بيوم على الشحن ما بات

شحصدت من الهجر وياياي ويبات

وكلبي من غدركم يدور المنيه

**
الشطر الأخير , حسين الحمداني