هنا

[إبن العراق]

السلام عليكم جميعآ
أعضاء دُرر العراق الكرام

محتاج تعريف طابعة
Canon LBP 3010B
على نظام التشغيل Windows 7

وأكون شاكر لمن يزودني به

تحياتي

[fairy touch]

السلام عليكم ...ذكرك لويندوز سفن ..يخليني اسأل ...انت ما عندك التعريف ...لو الطابعة مدا تتعرف لأن نصبت وندوز 7...اذا المشكلة هي الثانية ..الها حل بسيط ...اسمع جوابك .

[إبن العراق]

أولآ .. شكراً لإهتمامج بطلبي ،
ثانيآ .. آني التعريف ماعندي لأن الــ CD ضايع
بس سحبت تعريفها من حاسبة أخرى منصب بيها نظام الوندوز XP عن طريق برنامج سحب التعاريف وجانت تشتغل عادي .
من اجيت نصبت التعريف باللابتوب الي بيه وندوز 7 تنصب عادي وحتى طلعت علامة صح على اسمها ،
بس من ربطت الطابعة بالابتوب عن طريق الـUSB ميصير شي وكأنه الحاسبة مدا تتعرف انه اكو ديفايس مربوط بيها !
ومن اجي اريد اطبع بالوورد أو الاكسل تطلع حالة الطابعة خاملة
عبالي السبب بالكيبل .. غيرته بقت المشكلة نفسها !
سألت كالو يردالها تعريف يلائم الوندوز7
وبس

عذرآ للإطالة بس حبيت اوضح المشكلة بكل تفاصيلها

[fairy touch]

بالعكس ..توضيح ممتاز ...

سبق و جاوبت الاخت كوين ... ورح اجاوبك وان شالله تستفيد ...وندوز 7 بيه خاصية انه ممكن اذا نصبت عليه برنامج او عرفت جهاز ما يتوافق الا وية الاكس بي ...انه يكدر يشغل حسب نظام الاكس بي ...هسة رح اراويك بالصور شلون اشغل السكنر اللي عندي .واللي عرفته ومثل ما صار وية الطابعة عندك ..

1- تروح على ايكونة الطابعة وتنطي كلك ايمن وتختار compatibility troubleshoot



2- رح يفتح و يخيرك انه تعتمد عليه يسوي تيست لو انت تختار الـsettings طبعا اختار الاولى :



3- رح يسوي تيست ويكولك جهازك متوافق وية اي نسخة وندوز ...ويقترح تشغل الجهاز حتى تعرف اشتغل تمام او لا ...فأنت تختار تشغيل الجهاز



بعدها جهازك يعمل بشكل سليم تختار next


4- تختار الان ان تثبت settings الجهاز حتى لا كل مرة تقوم بهالعملية ..وتضغط الخيار الاول ...



وان شالله تنحل المشكلة ...
ونسمع منك ..حتى اذلا ما استفدت ممكن احد الاخوان يفيدك بحل اخر ...

تحياتي .

[إبن العراق]

أشكرج جزيل الشكر فايري
على المعلومة المفيدة حول هذه الخاصية بالوندوز7
وكذلك على الجواب السريع منج
حاليآ الطابعة مو يمي .. هيّ بمكان عملي
ان شاء الله السبت اجرّب
ويكون ماتفضلتي به هو الحل
يعني آني ردت افرمت وارجع للوندوز XP بسبب هالطابعة !!
انقذتيني
يخليلج زينب يارب

[fairy touch]

تدلل و ان شالله تنحل الاشكالية ...

[إبن العراق]

مــرة أخرى شكــرآ فــيري
اليوم جربت الطريقة اللي تفضلتي بيها
بالبداية مصارت وانصدمت وردت افرمت بعد مابيها مجال لأن جدآ محتاج الطابعة ،
بس بعدين رحت للإعدادات وغيرت الـ Port يله اشتغلت
تحياتي الج
راح اقدملج شكر الكتروني (تقييم) عرفانآ بفضلج

[fairy touch]

مــرة أخرى شكــرآ فــيري

تدلل اخوية ..ما سويت غير الواجب

اليوم جربت الطريقة اللي تفضلتي بيها
بالبداية مصارت وانصدمت وردت افرمت بعد مابيها مجال لأن جدآ محتاج الطابعة ،
بس بعدين رحت للإعدادات وغيرت الـ Port يله اشتغلت

يابة لو مصايرة ..يا شماتة ابلة دالين بية ...هههه..مو دالين ما موافقة تكول هاي الطريقة ترهم للبرامج بس مو للتعريف مالت الدرايفرات ..رغم انيشخصيا مجربتها واكثر من مرة
تحياتي الج

ولك كل التحايا


راح اقدملج شكر الكتروني (تقييم) عرفانآ بفضلج

اشكرك عيني بس ماكان يحتاج بس تكولي اشتغلت وهذا كافي انه كدرت افيد احد بشغلة اعرفها ...كل الهلا

[إبن العراق]

لا صارت ودحضت إدعاء أبله دالين
وبخصوص الـ(ماكان يحتاج)
آني ماسويت شي .. مجرد تقييم لأنج ساعدتيني وكنت محتاج التعريف كلش ،
وتحياتي الج والـ دالين