موسم دمع
موسم دمع
ـــــــــــــــ
ترف ياشذة مَحَنه
بديرة النسيان
وانا امشي ولكَيتك
ومن عشت بيدي ورهمت اعليك
ما ادري اعـــله ياجــف ضــيعيتك
كَول اجيتك
الشوكَ ضل ياخذني من ايدي
ويوديني بدرب مدفونه بي ريحت مشيتك
شلون منها تروح
وانته الــــروح مــنها
ياعناكَيد البرد
هاكثر بيه سلال صيف امتانيه تطيح بحضنها
ليش احبك؟
انته ما صاير مثلنا
صرت من جفوف ليل عصرت الكَمره
وطحت من عدها انته
ترف يلشعرك وليل الله شكثر سولف عليه
تدري كَامت ضلمه تدفعني اعله ضلمه
ويلمع بخدي اثر بوستك
عرفوها شدورلهم عذر
كلها لامتني لان تتفنفس ايامي الجمر
همه مايدرون وجهك ماي
من ينجفي بعمري يخضرن سنين الزغر
ياحبيبي
كلها احس غربه عليه
ردت حضنك
حضنك امن يسولف يسولف دفو
ضحكتك ضلت طعم فرحه
بجذر عمري الحزين
وانته ياطور الغنه البلماي
ليش تلوني لمن هويتك
يابلم مايخدر امن ينسم براسه الونين
ادري موذنبك عفتني
هلي فقره
وجدم المدلل بدرب الفقره يعثر
وادري ماتدري الك بالروح جم بستان
من الشوكَ اثمر
وشكثر وجهك على مرايات سنطت ليلي خضر
وادري ماتدري
امن اطيحك دمعه بالكاس
واكاسرها بحزن واشربها واسكر
وانتشي
ويفز امل ذابل بروحي واشــتهـيك
وافتح الباب وادور الكلشي منك
حتى لو بس باقي اثر لفتت عيونك, ضل اديك !
بعد ماباقي عمر دليني وينك
راح احط وياك كل شهكَت نفس لمك عليك
للشاعر المبدع : حبي كلبي مظهر الزبيدي
رد مع اقتباس
المشاركة الأصلية كتبت بواسطة عـطـر الـورد
