بعد اشضاملي سولفلي عن الجاي
جروحك من يجن خليني اصافحهن
أحسبهن رسايل منك أمسيرات
ودليهن عليه أيهمني أصاحبهن
خريفك من اجه ظلن بغصني أوراق
حافظ على البقن مو كوه نكَطعهن
شفتني اوراقي بيضه وانت دون عيون
لمن فتحت باللبن تجهلهن ؟؟؟
حافظلك صور حلوات من اسنين
أعيدك للصور وأكَاك مو يمهن
ابنيلك جنت من الخيال اقصور
أسألك ..... تقتنع وتكول شايفهن
المشاعر ترس عينك هسه صوره وصوت
غضيت النظر علي تصدكهن
اذا تبخل تداوي جروحي المخزنات
عاد أعله الاقل تتحاشه تلجمهن
براسك مو حقائق جمله من أوهام
كبل لاتحجي بيهن زين غربلهن
اتغمض بالظهر وتكلي شمسك وين
مو ذنب الشمس لعيون فتحهن
واحد زائد واحد عشرتي وياك
اشما عدت الجمع معروف حاصلهن
راقت لي
رد مع اقتباس
