هنا

[مرتضى الطيب]

استهلكت حنيتي كلها
واليحبني شيلكه بيه؟؟
باقية وشالة حناني
اه...من كد ما صحتله...شيب الصوت البحلكي
..وكمت اطلع بالحجي البايت بأذاني
واشرتله..واشرتله
وخلصت اسماء الاشارة
ومااجاني
وكلشي ضاع
كلشي ضاع
راح اضل امشي واسولف...وين ماعند الله كاع
وراح اشخبط عالدرب...كل خطوة لون
واكتب بدمعات عيني..
الفركة موش الكثرة التذل السباع
شبيك؟؟
ماتسكت يظهري
الله ليعوزك لواحد.....
السفر سجينه عمية وعندك ضلوعك متاع
رايح امشي
اليل متبدي على كلبي
وصاعد براسي الشراع
كلشي ضاع

[محمد العطواني]

رائع يسلمووووو

[مرتضى الطيب]

منور اخي شكرا على المرور