لو عباس وكف بالطف وايشوف
الشمر يسب العقيله وهو موجود
جا للكاع حط عباس رجلين
طبكهن عالسمه وكعدهن كعود
ولو نفرض حسين الكصد للماي
واخذ دور البطل عباس ابو الزود
جاخله الجثث عالكاع صفين
وصلخ جلد العساكر يده للجود
جفه بجفه طبع الجرف للماي
بكد وزن اليطبه حتما يـــــزود
يعني العلكمي يوصل للخيام
اذا طبه السبط وبطلعته يعود
لان ضربه حوافر فرسه بالكاع
حفرته نهر وجروفه الجنــــــود
وأذا أناقش خبر جفين عباس
ونصفن عالصحيح ونرجع اردود
جف عباس سيف ايكطعه هيهات
وهو واحد وطشر جمع الحشود
بس عبه النهر بجوده شالاه
ولان جوده ثكل كصاله الزنود
رد مع اقتباس
المشاركة الأصلية كتبت بواسطة ريتاج الطائي
