گمت اشوف المايشوفه العِشگ دنيه
ساعه صوت """""" وساعه موت
وغصن شجرة ذكرياتي بايت ابحضنه السكوت
وذيچ هيه .... قصتي وحشة بلابل
والجنايز تلتقي بوادي السلام منين مارادت تفوت
وگمت اشوف .... المايشوفه البيده كلشي ابلايه شوف
وسالفة حب الوطن مليانه خوف
العشگ قاتل اذا من طرف واحد
واليحب الوطن لازم يحسب الكل الضروف
وگمت اشوف ابكل مكان ايمام عدنه
ايمام واتزوره الخلگ بالفطره والحب الصحيح
وآنه واثق من كلامي
ابكل نهاية شهر اگصد للرعايه
اتشوفهه جنهه ضريح
وعله الفطره اتحنت ابواب الرعايه
وعلگ مشدود اعله شباچ الرواتب
من عبايه من عباية ارمله ابحوزتهه
اطفال وبنات ومن اجت تستلم راتب
چنّه مشهد للسبايه
الدنيه بيت العنده جاه . وچن گبر بيت الفقير
والمصيبه اثنينهم عدهم ضمير
وهذا گاضيهه مثل عين وسراب
وهذا من ضيم اليشوفه
ياكل ابجلده التراب
رد مع اقتباس
المشاركة الأصلية كتبت بواسطة العندليب الابيض
