احبن بيك كلشي
احبن بيك كلشي
أحبن بيك كلشي.. وكلشي بيك اهواه
واحبن كلشي بــــــيك و حته مو زينك
اذا مو زينك احله من العـسل عالروح
بس كلي شحلاته يصير جــا زينك
من اسمع احبك روحــــي مني تذوب
واذوب آنه ويه روحي ابين جفنينك
المـــاي ويه الهوى سر الحيا بالكون
و صــارن هالثنين ابين شفتينك
اذن من غير حــبك روحي مني تموت
و كتل النفس تــدري محرم بدينك
انه من البشر لا ما اغـــار اعليك
اغار من التراب اللاح رجلــينك
انته ويه الشمس متطابق الاوصــاف
بس شنهو الفرق ما بينهه وبيــنك
الشمس وكت الغروب يروح منهه النور
وانته بليل هندس تضوي خديـنك
عجبني
رد مع اقتباس
المشاركة الأصلية كتبت بواسطة عين الحياة
