هنا

[Ammar]

بسم الله الرحمن الرحيم

شلونكم جوعانين ?? أقصد شلونكم زينين ..
الكثيرين يعرفوني و يعرفون أنه علاقتي بألأكل نفس علاقة الدولار بالفاصوليا ...بس قريت موضوع مسابقة الطبخ ...والتلفون ما بي رصيد وجاي العيد ما ظل شي فد 25 يوم ومطلوب تخابر وتعايد الناس .. ومثل ما يكَولون أهل اللغة العربية جماعة ( تأبط شراً) :- قدحت في رأسي فكرة ..يعني كَلت اضرب كم عصفور بحجر هم اكتبلي موضوع وهم احصل تقييم وهم اسوي فطور معدل وعسى ولعل احصل رصيد ..(( وبهذا الموضوع ضربت سمجة مو عصفور بالحجر )) فحبيت اشارككم كم صورة للفطور اليوم طبعا سمج مسكَوف صنع ايدي 100% الشاهد على شغل ايدي هذا الموضوع هنا والباقي لا .. شاركت بألتهامه فقط ..بدون مبالغة فطور بسيط رز وسمك مسكوف بعض التمر المحشى لوز والعصائر واللبن وشوربة شي اساسي بسفرة رمضان ومكانكم خالي طبعا اترككم مع الصور

الصورة الاولى السفرة كاملة




وندخل للتفاصيل
الطبق الرئيسي سمك مسكوف على الطريقة البغدادية مع صحن رز مع الأضافات لوز وفستق



الصورة الثالثة التمر بالسمسم ((النبات مو سمسم المدير )) مع اقداح العصائر واللبن وطبق السلطة البسيطة




الصور الرابعة التمر المحشي مع طبق الرقي او البطيخ كما يطلق عليه الاخوة العرب وصحن حمص وزيتون





ودمتم سالمين وافطار شهي وصيام مقبول

اللي يخلص منكم من قراءة الموضوع يشيل المواعين الفارغة ويغسل ايدة

[بركان حبك ياعلي]

ما اشيل اي شي عااااا

[سجايا]

واااااو .. مشتهينه والله للسمج

عاشت ايدك عماار

شغل مرتب وسفره دايمه ان شاء الله

رمضانكم مبارك

[بـاران]

مع اني مااكل السمك ابد

بس الرز اكيد طيب وشكله حلو

عاشت ايدك عادي انا راح اشيل المواعين واغسلهم هم ,,

[احمدالبغدادي]

مائده عامره ان شاء الله
تسلم عمار
لكن عندي سؤال وضعته بالصوره ههههههه

[Echo]

سفرة دايمة وعوافي عليكم

[حيدر الطائي]

اووووووووووو انا من عشاق السمك
عاشت ايدك

[الحالمة]

رمضان كريم وسفرة دايمة
سفرة كلش حلوة الله ايديم النعمة عليكم ان شاء الله

[زهرة اللوتــس]

شكـــــــرا جزيلا على الفطور ..
وسمكة اوووو اقصد سفرة دايمة ان شاء الله ..

[warda]

روعــــــــــــــــــــــ ــه وشكرا للصور الشهيه
وبهذا يكون موضوع استاذ عمار اولى المواضيع المشاركه في المسابقه

تقييم استاذ