ماتن ذكرياتك باول جروح
وكلهن صدك من عيوني طلعن
تكلي مايردن! .. انت مجنون
نسيانك فرض مطلوب شرعا
كلتلي اتقبل الله بوكت الدموع
اجه دورك واكلك هسه جمعا
واسمعك ها حبيبي .. بس بالاحلام
ويمكن بالحلم انفيها قطعا
جنت كلهن المهن .. يمك ارخاص
حبيبي..روحي ..نور عيوني..سمعا
هيج انه الك.. مو كلف ممشاي
مواعيد وهمس .. اثاري زرعن
انه لموج عينك روحي مديت
وبداعي الجرف .. ضليت احده
جبتلك طير حبي ستوه مفطوم
ويم باب انتظارك كلت اهده
جان الباب بيني وبينك عيون
من اخذت الشوف اقله الباب رده
بعد لايوسف انت شعلمك بيه
يوسف ذاك راح الجنت اوده
ولا تكلي القصايد سولفن بيج
اجذبها القصايد .. وحدة وحدة
صح طيفك سباني وجرحي مفتوح
بس هسه اختلف جرحي من اشده
رد مع اقتباس
كلش حلوووووووووووو عاشت ايدج غلاتي