درر العراق

حسن الحزين · 12/July/2013

ارجع حضرتلك واهس ام عريس
افصل ارويحتي الكل خطوة الك معبر
مثل الجاهل اركض لون عطرك فات
حسرة بـﮔلبي ضلت رد اريد اكبر
دمعي اعلة الشمس شريتة بس مافاد
الشمس عركت وشـﮔت ثوبهة امن الحر
عثرة ابابكم ضليت للرجلين
وبدمي انصبغ بس ﮔلت لازنجر
امرورة بعيني احس ﭽـي ماضـﮔت ملـكـاك
لذلك شحطة عندي اتصير بالمنظر
.......
.......
عليك اول قصيدة محلفك اتعود
المابيهة صور لنكتبت بروح
بسذاجتهة بسبكها الباقي معيوب
بكثر مابيهة ركة تريدك الروح
انتهة دور الجمال بهاية العيون
والف يوسف اجة وماعبرة ويروح
اعله حسنك بقت عيني اصيح الله
وجفيت ولسة شوف العين مبحوح
مشة وياك الوصف هسة اني مجبور
اكتب والقصيدة تنكـــــط اجروح
.
.

الاولى كانت للراقي رفعت الصافي
الثــانية للمبدع رائد ابوفتيــــان