هنا

[حسن الحزين]

الحاجه بربع .. حاجه بربع .. حاجه بربع
فوگ الرصيف المنشلع كلشي اني ابيعه بربع
العين بربع .. بس شرط اخذهه بلا دمع
ردلي الدمع .. تدريني اني بحاجة دمع
كل ساعه يمعود انفجع ومحد فزعلي من الربع
... بس الدمع والعين اخذهه وسوي فضل
عالاقل ما شوف الورد من ينگطع
وعالاقل ما اشوف الغزاله تموت بأنياب الضبع
وعالاقل ما شوف الصگر بكوام الزبايل منصرع
الحاجه بربع .. حاجه بربع .. حاجه بربع
الريّه بربع .. بس شرط اخذهه ويّه الضلع
مو بس ضلع .. كلهن شلع .. كلشي بـ ربع ..
حته السمع هم بربع
شفايتلي لو ابيع السمع
عالاقل ما بعد استمع صوت الثكالى التنفجع
وما اسمع اصوات الگلوب التنشلع
گلّب واخذ كسر بجمع .. كلشي بربع
بس الجرح مجاني اصيح اني .. مجااااني الجرح
بس محد اجه يگلّب الجرح
لحدما نبح صوتي واصيح من الصبح
انطي ضمااااان ويه الجرح

[بقايا انسان حزين]

الله عليك يا متألق

[حسن الحزين]

شكراااااااا على المرور الكريم

[علم الهدى]

حلوه
كلش قويه

[حسن الحزين]

حلوه
كلش قويه

انت الاجمل