اسكت لا تضل تشكي بهاماك
وتلوم الروح وتعضض بهاماك
اخذ طبع النخل وارفع بهاماك
واذا بالطين عركك هاي هية
رحيم المالكي...
لان طكات شماتي بهاماي
وشل لا تضن عيني بهاماي
اذاعد الرضا يبصم بهاماي
اكطعة الجان يرضالي بردية
سمير صبيح...
الدنيا شما احبنهة وابرهة
تزرفني بمخايبهة وابرهة
جاعت ناكتي واكلت وبرهة
الدرب طول واخاف ترد عليه
رحيم المالكي...
بحرك كمت دورتة وبرك
وبعد ما ينفع ايمانك وبرك
اذا مخيط الك نابت وبرك
وشم دكن بكلبي من الاذية
سمير صبيح...
عليمن تحسب اغلاطة تعدلة
الميت شضن بالبجي تعدلة
العوج عودة صعب ضلة تعدلة
يضل اعوج لمن تلفة المنية
رحيم المالكي...
جروحي تعرف طعناتة وعدهن
سجن ما حاجة جمعهن وعدهن
انا متاني لمن يوصل وعدهن
واعد طينته بخده العال بية
سمير صبيح...
تحب بية طبع لاذم ولا داس
وجدمي ما مشة الشينة ولا داس
لهذا ما ربح حضي ولا داس
وصفة حتى الرمح خسران الية
رحيم المالكي..
صافي وخلل ما بية ولا عيب
ولا عرف الحجي الملوي ولا عيب
عذولي لا خجل يعرف ولا عيب
الفرق والبينة بعد الثرية
سمير صبيح...
انة من الجرح ما خاف لو سال
ياراشمت واخاف شلون لو سال
سيفك بالجذب لعداي لو سال
على هد واكولن هد اليه
رحيم المالكي...
انة روح الليالي من رسنهة
الاصيلة انت تعرفهة من رسنهة
سيوفي مغمدتهة من رسنهة
ركاب عداي ومبردهن ادية
سمير صبيح...
كلي الربع بينو كتلة الربع ضلو
كلي شعجب ما اجو كتلة اعتقد ضلو
كلي تعرف السبب كتلة السبب ضلو
درب العلينا صعب لو عادلن مرهم
كلي طبعهم شنو كتلة الحلو مرهم
كلي اذا ما اجو كتلة العدل مرهم
كلي اشو غيمت كتلة الربع ضلو
رحيم المالكي...
يا صاحبي بدنيتك شنهو شحصل وشجره
وحبل المودة منهو الي كطعة وشجره
كلمن لزم صاحبة بنار الهجر وشجره
وحط بركبتة حبل بس يا حبل من مسد
وانفتح باب الغضب ما ضن بعد من مسد
لو يبقى هيج الحجي وراس الحجي من مسد
ما يبقى عايش بشر فوك الارض وشجره
سمير صبيح...
تدريني عندي كلب لا حن ولا راحلة
جالطير تعبان لتضن تجد راحلة
وبيامة هم ما درة شكضى شبقى شراحلة
ينكسرضهر الطير علبيض اهو يوكف
وضعنك يا صاحب زمن لاتضن اهو يوكف
المال ما خلة اخو بالضيج الك يوكف
اتبعض عنهم مشي لا مر ولا راحلة
زلمة ليطيحة الوكت ولوحدة يوكف
رحيم المالكي...
لخبار الاحباب جينة بهالمسية نجس
يا جف نسالم بعد يا ايد نكدر نجس
مو كل حجي ينحجي خايف عليكم نجس
واعصابنة الفالتة نضبطهة ابد من ثور
ونلم بكايا الحجي جان الحجي منثور
انت الترجة لبن يا صاحبي من ثور
غمراي عكلك ولك يا ثور ثدية يدر
كايم تكض بالتنك وتكول غالي يدر
المايدري مو مشكلة شلون بالي يدر
مصاحب ابن ادم ومنعول اصلة النجس
رد مع اقتباس