هنا

[Samer]

شكرا استاذ سامر واتمنى اذا عرفت اي شيء جديد بخصوص المعدل الذي يقل عن 60 لفتح ملف دراسي ان تخبرنا به ونكون لك ممنونيين

حقيقة انقطعت علاقتي (إلى حد ما) بالبعثات .. بس اكيد إذا سمعت خبر راح انشره

[Nabeel Baghdad]

اشكرك اخ سامر ياريت اعرف منك كونك تدرس في ماليزيا اي جامعة ممكن احصل بيها قبول ماجستير علوم كيمياء علما ً ان معدلي 59 في البكالوريوس واريد جامعة رصينة معترف بيها في وزارة التعليم وانتظر جوابك

[Samer]

اشكرك اخ سامر ياريت اعرف منك كونك تدرس في ماليزيا اي جامعة ممكن احصل بيها قبول ماجستير علوم كيمياء علما ً ان معدلي 59 في البكالوريوس واريد جامعة رصينة معترف بيها في وزارة التعليم وانتظر جوابك

عزيزي كوني بماليزيا مو يعني انه اني اعرف كلشي بيها .. اكو وسطاء تقديم متمرسين يعرفون يا جامعة تفيدك وفق معدلك مثل (ايمن) اللي موجود رقمه بموقع الدراسة تكدرون تخابروه مباشرة اومكتب (ميزات) ببغداد .. عموما معدلك قليل و قبولك صعب بس بعض الجامعات تكول انه اذا عندك خبرة عمل لمدة كذا سنة تقبلك، تكدر تسوي وثيقة رسمية مترجمة بهذا الخصوص ويزيد فرص قبولك بالجامعات الماليزية

وإذا تريد بنفسك تدور (مثل ما اني دورت بنفسي) تكدر تشوف قائمة الجامعات الماليزية المعترف بيها من قبل وزارة التعليم العالي (الرابط موجود بموقع الدراسة) و تبحث عن اسمائها بالانترنت و تفتح مواقعها و تدور بيهن عن امرين مهمين

1- توفر اختصاصك ضمن الاختصاصات الاكاديمية المتوفرة بالجامعة
2- شروط قبول طلبة الماجستير (Postgraduate)

المعلومات بالانكليزي . بس ما دام مفكر تجي لماليزيا او اي دولة ناطقة بالانكليزي لازم تدبر حالك من هسة

تحياتي

[Ahmed Mohammed]

سلام عليكم اخ سمير
اول شي عاشت ايدك على هذا الموضوع و المجهود المتميز و اخي انت مبين عليك انسان تحب الخير للكل و ذو خبرات بهذا المجال و اني عندي كم استفسار و ان شاء الله تفيدني لان ما عندي خبرة بهذاالمجال
قبل الاستفسارات اني طالب كلية طب هاي اول سنة الي و حداوم بعد 15 يوم و اني حاب اكمل دراسة بالخارج مع العلم اني حاليا ما اكدر ادرس بالخارج ع النفقة الخاصة و استفساراتي هي :
1- اول شي اسوي بالكلية للحصول على بعثات دراسية او زمالات دراسية
2- هل اذا اخذت التوفل يفيدني للحصول على البعثات او الزمالات
3- هل يوجد برنامج غير Fulbright للحصول على زمالة دراسية( لان برنامج Fulbright لا يعطي منح للتخصصات الطبية )
4- هل تفيدني الدرجات العالية في الامتحانات للحصول على بعثات او زمالات

[Samer]

سلام عليكم اخ سمير
اول شي عاشت ايدك على هذا الموضوع و المجهود المتميز و اخي انت مبين عليك انسان تحب الخير للكل و ذو خبرات بهذا المجال و اني عندي كم استفسار و ان شاء الله تفيدني لان ما عندي خبرة بهذاالمجال
قبل الاستفسارات اني طالب كلية طب هاي اول سنة الي و حداوم بعد 15 يوم و اني حاب اكمل دراسة بالخارج مع العلم اني حاليا ما اكدر ادرس بالخارج ع النفقة الخاصة و استفساراتي هي :

1- اول شي اسوي بالكلية للحصول على بعثات دراسية او زمالات دراسية

عادة الناس اما تدرس بكالوريوس بالدول الاجنبية (من البداية للنهاية) او تدرس ماجستير (بعد ما تخلص البكالوريوس بالعراق)، لذلك بالكلية حاليا شتسوي ما فهمت

2- هل اذا اخذت التوفل يفيدني للحصول على البعثات او الزمالات

التوفل المدة مالته (سنتين) من تاريخ اخذ النتيجة مال التوفل.. لذلك إذا تريد تاخذ توفل من اجل (بعثة/زمالة/اي نوع من الدراسة بالخارج) لازم تاخذه قبل التقديم للجامعة الاجنبية مباشرة ،درجة 550 بالتوفل شرط ضروري بأغلب الجامعات الاجنبية

3- هل يوجد برنامج غير Fulbright للحصول على زمالة دراسية( لان برنامج Fulbright لا يعطي منح للتخصصات الطبية )

اكو برامج زمالات دراسية دائما، كثير من الدول المتقدمة (و بضمنها ماليزيا) بيها برامج زمالات للطلبة المتفوقين ..بس شروطها صعبة عادة .. و بسهولة ندري بيها .. اني كتبت عليها بالقسم الخاص بالزمالات بموقع الدراسة، اللي يبحوش يلكي

4- هل تفيدني الدرجات العالية في الامتحانات للحصول على بعثات او زمالات

قصدك تاخذ درجات عالية بالبكالوريوس علمود تحصل بعثة او زمالة للماجستير ؟ نعم طبعا .. بالحقيقة بعض الجامعات ما تقبل الطلبة إذا كان معدلهم اقل من كذا ، و شروط الزمالات والبعثات عادة بيها شرط انه المعدل لا يقل عن كذا .. بالنسبة للزمالات دائما يطلبون معدل عالي

[Suzana]

http://www.dorar-aliraq.net/showthre...70#post1369870

[Ahmed Razak Ahmed]

بدون زحمة شكد مبلغ الكفالة لدولة ماليزيا و شنو آخر فورمه للكفالة و اكو تعهد مصاحب للكفالة؟و اذا امكن تزويدي بنسخة من التعليمات اللي تتضمن هذه المعلومات لان ما موجودة بالدائرة

[Ali Ameer]

شكرا على المجهود الطيب. سؤال بشس اريد اعرف جواب اله "انا موكل شخص يفتح ملف كمل الاجراءات وصل الى كتابين "المساءلة و العدالة --- التصريح الامني"" و هذولا يحتاجلهم بصمة سؤالي هو :

هل يجوز ان ياخذ الوكيل بصمتي بورقة و يذهب بها الى دائرة البعثات و يقوم هو بعمل الكتابين ام يلزم حضوري شخصيا؟

الرجاء ممن يعرف الاجابة لا يبخل علي لاني مرتبط بدوام و ذهابي الى بغداد راح يؤثر على دوامي .

[Ali Ameer]

بدون زحمة شكد مبلغ الكفالة لدولة ماليزيا و شنو آخر فورمه للكفالة و اكو تعهد مصاحب للكفالة؟و اذا امكن تزويدي بنسخة من التعليمات اللي تتضمن هذه المعلومات لان ما موجودة بالدائرة

اخي بالنسبة لماليزيا فالكفالة هي 85 مليون اما تجيب كفالة ثلاثة موظفين درجة خامسة او تجيب عقار يغطي هذا المبلغ الي هو 85 مليون. بالنسببة للعقار تاخذ ورقة من القانونية الي بدائرة الي انت منتمي بيها معنون الى الطابو و الطابو هم يحكمون اذا كان العقار يغطي 85 او لا.

اسهل شي كفالة الموظفين.بالنسبة للتعهد اي اكو كتاب تعهد.

بالمختصر كتاب فيه الكفالة.
كتاب تعهد.

[Hayder Almusawy]

السلام عليكم
اخوان ممكن نسخة من بربوزال Proposal على تخصص هندسي لدرجة ماستر ويا ريت اذا اكو احد عندة بتخصص هندسة الاجهزة الطبية او الهندسة الطبية
مع الشكر والتقدير