السلام عليكم
بالبدايه شكرا جزيلا على هذا الموقع الرائع الذي وفر الاجابه لكثير من التساؤلات حول الدراسه في ماليزيا....................
سؤالي هو؟؟؟؟؟؟؟
ايهما افضل امتحن توفل او ايلتس وايهما اسهل؟
كذلك ايهما اسهل (الورقي او الانترنيت لكليهما)؟
وهناك معهد للتدريب على الاستعداد للامتحان اسجل بيها؟
رجاءا الذي لديه معلومات مؤكدة ايجاوب......
ولكم جزيل الشكر
حقيقة ما ادري .. اني بالنسبة الي قدمت على كلية (علوم الحاسوب) رغم البكالوريوس هو هندسة الحاسوب، كلية الهندسة مو على طريقي لا تكولي روحلها، بس انته شلون قدمت يا ترى ؟ هو بالتقديم يتم تحديد اما كورس ورك او ريسيرج (بالنسبة لجامعة يو بي ام) شوف الـ Online Application مالتك على شنو ابو المكتب قدملك، و طبعا المكتب المفروض يمدك بهذه المعلومة المفروض (وحدة من مسؤولياته بما انه انته منطي فلوس)المشاركة الأصلية كتبت بواسطة Asaad ALmoussawi
نعم .. هنا راح تواجه مشكلة بفتح الملف الدراسي اذا كانت الوزارة (او الاختصاص ضمن الوزارة) غير مدرج بخطة البعثات، عموما تكدر تنسق وية وزارتك انه يدرجون هذا الاختصاص (عبر طلب إلى الوزير) علمود تقدم عل خطة الدراسية للعام المقبل
اما بدون فتح ملف دراسي فما تكدر تحصل اجازة دراسية لان من شروط الانفكاك (حسب حالتي) انه اجيب كتاب من البعثات بخصوص فتح ملف دراسي
الخيار الاخر انه تقدم استقالة من دائرتك و تفتح ملف دراسي و تروح تدرس بالجامعة على حسابك وبعدها تعادل شهادتك و بعدها ترجع لهذه الوظيفة او غيرها
بالنسبة للسؤال الثاني .. المخصصات موجودة بالرابط اللي موجود بموقع الدراسة تكدر تطلع عليها هي نفس مخصصات طالب البعثة، و تشمل اجور الدراسة و الراتب الشهري و اجور التذاكر و اجور كورس اللغة وتكاليف طبع الاطروحة (بس يشلعون قلبك يالة ينطوكياها وكومة متطلبات ، فلا تعتمد عليها تماما)
(يكولون) الايلس اسهل من التوفل، عموما الايلس بيه speaking
بس عدنا بالعراق نعرف متمرسين عل توفل اكثر من الايلس، لان هواي مراكز بالعراق تعطي شهادة (الـ ITP TOEFL) اللي هو صحيح غير معترف بيه بس هو نفس الامتحان التوفل الرسمي
امتحان الانترنت اسهل لو لا .. ما ادري ، عموما امتحان الانترنت يخلصك من استخدام القلم (و انكسرت اللبة و تلوين الدوائر إلخ) .. بس يكولون بيه قسم اضافي عن التوفل الورقي .. تكدرين تتأكدين من هذه المعلومات عبر موقع ETS
معهد للتدريب ؟ نعم .. معهد AmidEast ببغداد عمارة الراجح (قرب تقاطع الجادرية) و ايضا فرعهم بعين كاوة باربيل .. و اكو معاهد اخرى مثل (هيوا) باربيل، و معاهد للتدريب على الانكليزية ايضا ببغداد، خللي ببالج انه انتي تحتاجين تتعلمين انكليزي بكافة اقسامه، مو شرط كورس مخصص للتوفل او الايلس ، علمود يبقى عليج بس انه تتعرفين على استراتيجيات الامتحان و تتدربين عليه (بالاستعانة بالانكليزية اللي حصلتيها) ، عموما كورس متخصص للامتحان اكيد افضل
طبعا اني جدا اشكرك استاذ سامر على الاجابه ..ومنون جدا منك..ظنيت انت بكلية الهندسه او نفس البناية..تحياتي الك وتمنياتي بالتوفيق الدائم
السلام عليكم طبعا للمرة الثانية اشكرك ع المعلومات
بس عندي استفسار بخصوص الفيزة الى ماليزيا وحاير بهذا الموضوع لان كل شخص يحجيلي شكل الفيزة قبل ما اسافر اطلعها مال طالب لو من اروح الجامعة هيه تسويلي الفيزة والاقامة مال طالب ؟ واذا اسويها قبل ما اسافر شلون اسوي الفيزة وسفارة ماليزيا ماعدنا بالعراق ؟اتمنى احد يساعدني
ما اعرف . ما عندي تفاصيل كافية عل موضوع عدا هذا الرد على رسالة لاحد الاخوان بالـ Iraqi comunity
نعم صحيح ويمكن لك ان تسال كل مكاتب الهجرة في الجامعات الماليزية وسيطبق الكلام اعتبارا من 1/1/2014
واي طالب يدخل بفيزة سياحية سيطلب منه المغادرة والعودة من جديد بعد حصوله على الفيزة من اقرب سفارة على بلده
والكلام يشمل كافة الجنسيات الموجودة في ماليزيا
اولاً الله يوفقك أستاذ سامر على الجهود الحثيثة والقيمة التي قمت بجمعها للجواب على اسئلتنا
ثانياً اني اريد اقدم الى كلياتنا لدراسة الماستر في شمال عراقنا الحبيب نظراً لكوني متزوجة وصاحبة اطفال وزوجي لا يستطيع السفر مع
كيف احصل على المعلومات التي اريدها ساعدني.. وهل استطيع ان احصل عليها كوني من منتسبي وزارة التعليم العالي
موضوعك كان اكثر من وافي واستفدت منه كثيراً كثيراً فشكراً لك استاذي العزيز
انا معدلي اقل من 65 فهل استطيع اكمال الدراسه في ماليزيا
ولقد احترت جامعة ملايا علما ان اختصاصيE
أتصور إن من معدله اقل من 65 يجب ان يكمل خمس سنوات (خدمة وظيفية مرضية) لكي يقدم على الاجازة الدراسية ويحصل على استثناء من الوزير، لا ادري إن كانت هنالك قرارات جديدة ام لا، اطلع على خطة الاجازات الدراسية للتعليم العالي او معلومات من داخل وزارتك بهذا الخصوص
مرحبا .. انا لدي معلومات بخصوص الدراسة خارج العراق، على اي حال الاجازة الدراسية هي نفسها سواء داخل او خارج العراق، بالامكان تقديم طلب للوزير للاجازة الدراسية ولكن اتصور إنهم لا يعطون مصاحبة زوجية لمن يدرس داخل العراق سواء رافقك الزوج ام لا (او قد اكون لم افهم سؤالك)
بالامكان السؤال عن حالات مشابهة في وزارتك او كليتك، او مراجعة الدائرة المختصة بمنح الاجازات في الكلية او مراجعة دائرة البعثات المقيتة .. تحياتي
ليس لدي للاسف معلومات بخصوص الجامعات المصرية رغم إن هنالك الكثير من الطلبة يذهبون إليها .. لا اعرف عن الاختصاصات المتوفرة في اي من الجامعات المصرية او غيرها ولكن بالامكان الحصول على هذه المعلومات من أحد هذه المصادر
1- موقع الجامعة على الانترنت
2- الوسيط الذي يقدم لك على الدراسة (عادة توجد مكاتب لهذا الغرض في كل مكان)
3- احد الطلبة الذين يدرسون في مصر و تستطيع الاتصال بهم
تحياتي لك
مرحبا .. اغلب الجامعات تطلب (خبرة) إذا كان المعدل اقل من المطلوب، تكتب عند التقديم إنه (لدي خبرة كذا في دوائر الدولة او شركة او عمل خاص في اختصاصك) و ايضا ترسل إليهم وثيقة مختومة (اي شي) بهذا الخصوص مثلا كتاب من دائرتك مترجم للانجليزية و مختوم من الدائرة (مجرد ورقة لا تقدم و لا تأخر) ، هذا سوف يضمن لك تجاوز قضية المعدل، و لكن يبقى رأي الجامعة طبعا و التنافس مع بقية الطلبة المقدمين
بامكانك اختيار جامعة اخرى بالطبع لا تتطلب معدلا، على اي حال هذا يتوقف على ما تريده انت، و بالمناسبة ليست لدي معلومات عن جامعة الملايا و مدى صعوبتها او امكانياتها او متطلباتها
مجهود رائع ... تمنياتي لك بالتوفيق
مرحبا، اسف جدا عل تأخير
1- اي جامعة في ماليزيا موجودة بملف الجامعات الرصينة من دائرة البعثات هي مناسبة
2- التقديم عادة يكون مفتوح طول ايام السنة، بس المباشرة بالدراسة تكون عادة الفصل اللي يلي الحصول على القبول (مثلا قدمتي شهر الرابع، وافقوا شهر الخامس، تباشرين دراسة شهر التاسع)
3- ماكو قبول مضمون باي جامعة، على اي حال مع توفير الشروط (مثلا اذا كان المعدل قليل، يقدم الطالب ايضا تأييد خبرة بالانكليزي من دائرته او مؤسسة اخرى) يكون القبول نوعا مضمون، و الجامعة تمتلك حق الرفض او القبول
4- اني ما عندي وسطاء و لا اشتغل وسيط، اني بس اقدم معلومات، عموما اكو مكاتب بالعراق هواي تقدم للطلبة على ماليزيا او غير ماليزيا، المفروض الطلبة تفضل الهند لان ارخص و مصنفة (باء) عموما بحالة ماليزيا صار فد معوق جديد و هو انه الطالب لازم يحصل فيزا دراسية قبل سفره، اسعار التقديم المفروض ما تتجاوز 500 دولار علما انه الخسارة الوحيدة للمكتب هي فقط اجور التقديم (25 دولار عادة)
رد مع اقتباس